Joon 9:7 - ŊWÀʼ NYÙY

⁷ e sùúy sho jii, «Dù é kisə̀m ke á yoŋ ji Siloam, e sù sí yée fó.» A nsàv yìr yee Siloam rə̀n dzə̀ ji Lontum. Wù dù, e sù, a kfən e mvə̀mlaʼ, a wù sí yén virə́ʼ.

Joon 9:7 Referans Kwoze

Aysaya 35:5

Á bèy, áàmfìri ku nèn a yen virə́ʼ, áànsəərìi wáa yu vinyo.

Joon 11:37

Aámóʼó nye kév a dzə̀ lám jii, «Jwè və̀n‑eè lo mvə̀ʼ sí mfìr, yì‑iì yiì ka lèn, la wù yòʼ tàŋ Laasaror fo wù kpú?»

Joon 9:11

Wù bìnèr jii, «Wìr wo á yoŋ ji Jesus kì tòvtí nsay, e tsəə̀ e mǒ si, e sùúy ji m du, e sù e kisə̀m ke á yoŋ ji Siloam. Mo m duùn, e sù, e nèn a yen virə́ʼ.»

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Aysaya 8:6

«Wír veé Judàa bìn ne ndzə̀m e mò, a m kù yii kér áwune ji weè, moo ndzə́v yee Shiloa ye yí léŋ bèn ji weè. Á kù sí yú vijuŋ a dzə̀ vé wóov woo ntaŋ kùm Fòn Resin, à Fòn Peka woo wan Remalia.

Nsùyrì Nyùy 146:8

Nyùy Tàr mvəʼtì sí se amfìr, nan wír ve á gbùkìn, koŋ wír ve á yúnin wun.

Ŋwàʼ Luk 13:4

Vèn kuúmé kinyo ke kí‑iì kooyin é Siloam ki. Lav‑iì keèsì, e yùyrí wír nshòv waamé e ghvə̀m. Vèn kwaʼtì ji wír vee shooyi‑iì kpù bey, bìʼ fo yì‑iì dzəə̀n aŋgàa njò, e shaà wír ámóʼó é Jerusalem foo fèy à?

Aysaya 42:7

M lèm ne wò ji à mvəʼti sí se amfìr, e kfə̀n lèm ji à fəə́r vé sháŋé fó lav sháŋ, aá boy fó virə̀ʼ ve á dzə́ sho, a ví sə́n ji dzə̀v.

Nehemia 3:15

Shallum woo wan Kol‑Hose nèn nàŋsín Shúu Kày wo wú kiʼ dàn. Wù‑uù bòm, e wày vitú, e wàyrí shuu si wùn à mfìn si, à kóŋ sé mfìn si. Wù kfən nàŋsín kirə́v keé ghaa Kisə̀m kee Shela e fòn ghaa sum, e dù, e mèé mo á sèʼtìn dzə́ə ye yì sə́y fo Ŋkàlaʼ Davir. Shallum‑eè dzə̀ ŋgaà saʼ woó kimbàr ke wòŋ kee Mispa.

Ŋwàʼ Fəə 4:11

Nyùy Tàr nèn dzə̀r e wun jii, «Lo fò la shuu e wìr? Lo yiì la, bo wìr wáa dzə nsəərì kìn ji kindzə̀mer? Lo yiì la, bo wìr wáa yen virə́ʼ kìn ji wù wáa dzə mfìr? Bó yòʼ dzə̀ mo woo Nyùy Tàr a?

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

Joon 9:39

Jesus lò, e sùúy jii, «M wìy e ndzə fèn ji m sáyrí wíri, é wír ve dzəə̀n amfìri wáa yen virə́ʼ, é ve á kwaʼ ji á yén virə́ʼə́ kfə́n ji amfìr.»

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Aysaya 43:8

Nyùy suuy jii: «Vèn wiy e wír vémé, aá báʼtí é kibàʼ ke nsaʼ, áwune ve dzəə̀n amfìr, fə̀m mo á kér sí, á dzə̀ ji vindzə̀mer, fə̀m mo á kér vituʼùr.

Aysaya 32:3

Kifá ki yòʼ kfə̀n wíy fìr sí wìr ve á yén virə́ʼ. Wír ve á yú vinyóo wíy mvə̀ʼtì vituʼùr, a yuurí vinyo kijuŋ.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.