Joon 9:39 - ŊWÀʼ NYÙY

³⁹ Jesus lò, e sùúy jii, «M wìy e ndzə fèn ji m sáyrí wíri, é wír ve dzəə̀n amfìri wáa yen virə́ʼ, é ve á kwaʼ ji á yén virə́ʼə́ kfə́n ji amfìr.»

Joon 9:39 Referans Kwoze

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Joon 12:46

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Lim Aŋgàa Ntum 26:18

À wíy dù, e mvə̀ʼtì sí yév, e fəə́r áwune fó ndzə vitsə̀ʼ, e tiír fo meranén. A dzə̀ jii, à wíy fəə́r áwune fo Satan wo, e siìr e Nyùy mbìv, aá wáy shilív e mǒ wùn, é Nyùy laysin vinyo vév ve bi ví, aá wáa ker sa kilíŋ e wír ve Nyùy‑iì liìn ji və́ adzə̀mé mvəm.›

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

1 Joon 2:11

Wìr wo wù ban fə́r və ghán kfə́ a dzə̀ é ndzə ye sənér, ghaa virə́ʼ gháan, a bó yòʼ dzə̀ wù kìíy fo wù du.

Ŋwàʼ Luk 4:18

«Kiyoy ke Nyùy Tàr kí shiy mo, bìʼ fo kí yoʼon ne mo, e tùm ji m wáa fìʼtì sáʼka wo juŋ e vé ŋgeʼe, a tiisí e wír ve á koon é shùu rərí ji á yíi bòyìr áwune fó vikwàn, e kfə̀n a fìʼtì aàmfìri ji á wíy mvə̀ʼtì sí yév. Kí kfən tùm mo ji m fəə́r wír ve á nəʼsì áwune fó ŋgeʼ,

Ŋwàʼ Luk 1:79

moo shúy ye yì tó kijàvndzə, yì fò rán e wír ve á kì dzəə̀n é ndzə vitsə̀ʼə́, e nèn lùŋèr vèsən ve á siìn é shùu kpu, e dànèr e dzəə ye yì kér dzəʼə̀m yee nyaáŋ.»

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Efesor 5:14

Á kinyo ke kí‑iì yiìn, é bo á yoŋ kinyo kímóʼ kí jii: «Wò woo ŋgaà mbuùné, yìmène. Fəə́ fó sày ye à néŋ sho, é Kristu fó wò rán.»

2 Korin 2:16

Kí lóo rə̀m wír wo wù wíy lày, kí wàa koo moo kirəm ke ŋkfə, a dzə̀ kisəəm ké kpu yee là may. Lóo dzə wír wo wù wíy lùŋ, kí nèn a shàŋ shàŋèn, a dzə̀ kisəəm ké dzə̀ʼə̀m yee là may. Mo wíri kù yii kiiy Kristu a dzə̀ fo wír ve á shaŋ moo kiláy víne, bo wìr wo wù gheenen é lìm fèn dzə̀ la?

Joon 9:25

Wù nèn bìnèr jii, «Kìn dzə̀ wír wo bi, bo bó yòʼ dzə̀ m kìíy. Kém ke m kiìn kí dzə̀ jii, mò‑oò dzə̀ mfìr, a m sí yén virə́ʼ lèn.»

Joon 8:15

Vèn sáyri kinyo ke wìr a dzə̀ mo vifií vén ví dzəə̀n. A bó yòʼ fə̀m dzə̀ m wàa sayrí kinyo ke wìr.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Ŋwàʼ Luk 13:30

Vèn wáa kiíy jii, wír ámóʼó ve á dzəə̀n lèn ji vé bàmé wíy a dzə vé mbìyi, aámóʼó ve á dzəə̀n lèn ji vé mbìyi kfə́n ji vé bàmé.»

Ŋwàʼ Luk 7:21

Áwune wáa tiisí bèy, a Jesus kì sə́ wír ve vé‑eè joykìrì, fer ayàsí anín, kfə̀n jum *anyùy ve vé‑eè jívir wíri, mvəʼtì sí se amfìr anín.

Ŋwàʼ Luk 2:34

Wù kfən yiì lò, a suŋnín, a way áwune e Nyùy kiwo. Wù lò, e yòŋ Maria woo yeè wàn jii, «Yuúrí, Nyùy shòʼ ne wan wò və̀n ji wù yii, é wír veé Israyi gbukir anín, aámóʼó nankir nánkin. Wù kfən lèm ji kisəəm ké wun woo Nyùy, a wíri wíy a kay wun.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Matio 6:23

Yí lóo səəné, bo dzə̀ mo dzəʼə̀m rəə́ yíi a sən sənén e dzə̀m, a wù gímti. Wáa dzə, a sí rəə́ sí sə́n sənén bey, bo dzəʼə̀m rəə́ màysì ne, e sə̀n ji dzə̀v.

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

Aysaya 6:9

Nyùy Tàr nèn sùúy ji m du, e yòŋ a e wír veé Israyi jii: «Vèn kú a yuurí yuurín, yii bèy, vèn yòʼ ló a yu. Vèn wáa leéy leeyín, yii bèy, vèn yòʼ ló a yen.»

2 Tesalonika 2:10

Wù kfə̀n wíy a yiì kfəə́ se vimboʼtì símóʼ sí sinín, a laàrì sí wíri shó. A wù kù wíy a laàrì a dzə̀ yé wìr ve á sí du, e lày e və̀y, bìʼ fo bó á yòʼ‑oò ló a kòŋ fó biimé kinyo ke dzəə̀n ke ru kí.

Aysaya 29:10

Nyùy Tàr səə̀vì ne ven e mbuùné ye juŋ. Wù sə̀tí ne sí yén, ven vee aŋgàa ntum və́. Wù sə̀tí ne vifií vén, ven vee vé sii.

Esiker 12:2

«Wàn wìr msòŋ, à dzə́ vèn à wíri, aá táv kitú. Áwune kér sí yé a yen sho, yii bèy, a bó á yòʼ yéné. Á kér vituʼùr vé a yu sho, yii bèy, a bó á yòʼ yú, bìʼ fo á táv kitú e ŋàŋ.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Joon 12:31

Á lèn wo wír veé ndzə fène yíi lì lòn, aá baʼ Fon wo wù sáʼ ndzə yee shoon fo kàvàʼ.