Joon 9:35 - ŊWÀʼ NYÙY

³⁵ Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»

Joon 9:35 Referans Kwoze

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

1 Joon 5:13

Mo m sáŋ vinyo vìn vidzə̀m bèn, m sáŋ a dzə̀ fo vèn ve á wayin ne shilív e Wàn Nyùy wùn, é vèn fíʼ kiíy ji vèn sí kér dzəʼə̀m yee là may.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

1 Joon 5:5

A bó yòʼ dzə̀ wìr wùmòʼ sò, kù mày wo wù biimen ji Jesus dzə̀ rú á Wan Nyùy.

1 Joon 4:15

Kí nén a dzə jii, a wìr fiʼtì ji Jesus dzə̀ Wan Nyùy, bo ŋgaàŋ tíy kfə́ wùn Nyùy, a Nyùy tíy sa wùn ŋgaàŋ.

Ŋwàʼ woó Rom 10:20

Aysaya kfən màysì, e tòʼ féyì ji Nyùy suuy a jii: «Wír ve bó á yòʼ kì taʼ mo, á lò ne, e fùʼ mo. A m yiì ne, áwune ve bó á yòʼ‑oò dzə́ti mo, á yén mo.»

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Lim Aŋgàa Ntum 9:20

e kù nèn a ghan e ŋgày se bùnrì se wìr veé Juda see fó, a fìʼtì kinyo ke Jesus, a suúy feyì jii, «Jesus dzə̀ á Wan Nyùy.»

Lim Aŋgàa Ntum 8:36

Wùn wun kú a dù e dzəə. Á meé é kirə̀ʼ kímóʼ kí, a ndzə́ví dzə̀ fó, wìr wo kuʼùn və̀y suúy jii, «Ndzə́ví rə̀ne, a dzə̀ kfə̀n jìvír ka fo à wáy mo é ndzəv?» [

Joon 20:28

Tomar ku nèn sùúy suuyín jii, «Dzə̀ wò Tàr wor, aà dzə̀ Nyùy wom.»

Joon 11:27

Wù bìnèr jii, «Tàr, m biìmé rú ji à dzə̀ Wan Nyùy woo *Mfə̀ə́r wo Nyùy‑iì kàʼàn ji wù wíy wìy e ndzə fèn.»

Joon 6:69

Vèr wày ne shilív e wò wùn, e kìíy ji à lò rú fo Nyùy, aà dzə̀ Wan Nyùy.»

Joon 5:14

Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»

Joon 3:36

Wìr wo wù wáy shilív e Wàn Nyùy wùn sí kér dzəʼə̀m yee là may. Wìr wo bó wù yòʼ yú kinyo kfə́ yòʼ wíy a ker dzəʼə̀m yee shooy gheéy. Lǒn Nyùyi kù gòʼ ne e ŋgaàŋ kitu ghán sidzə̀m.

Joon 1:34

Mo m yenen, m nén a fìʼtì wír və̀n ji dzə̀ á wùwun wo dzəə̀n Wan Nyùy.»

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Nsùyrì Nyùy 27:10

Rúrú, a tàr wor wùn yè wor fə̀m màʼày mo, bo Nyùy Tàr kù yíi a leéy fo mò.

Nsùyrì Nyùy 2:12

Vèn wáa bùn wun e shiliv she juŋ shi, fo wù lo, e shwìíy kilòŋ, e laàr ven, bìʼ fo dòʼshwíiy və yii ŋáʼay cér. Bòŋ ké wìr ve á lir e Nyùy sar adzə̀m.

Nsùyrì Nyùy 2:7

Fòn suuy kfə́ jii, «M yíi a fìʼtì sáʼ Nyùy Tàr. Wù‑uù sùúy e mò jii, ‹À dzə̀ wán wom, a m sì tàr won lán.

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.

Lim Aŋgàa Ntum 8:37

Filiv bìnèr jii, «Aà fèn wày ne shilív shé shidzə̀m e Jesus wùn, bo dzə̀ m wày wò e ndzəv.» Wù bìnèr jii, «M biìmé ne ji Jesus dzə̀ á Wan Nyùy.»]