Joon 9:34 - ŊWÀʼ NYÙY

³⁴ Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

Joon 9:34 Referans Kwoze

Joon 9:22

Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Joon 9:2

Wón və́ lìme nèn dzə̀r shó jii, «Ŋgaà Yèʼey, lǒn wìr və̀ne dzə̀ a dzə̀ e wùn kiwo mo wú lò fo tàr wov wùn yè wov á?»

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Ŋwàʼ Luk 18:17

M suuy e vèn rú jii, a wìr dzə̀ là fóo biimé sáʼ Nyùy moo wánlè wo terí, la wù yòʼ wìy nə̀ə́ sho.»

Nsùyrì Nyùy 51:5

Rúrú, yè wor‑iì bóŋ bvəm yém, a m kù sì ŋgaà vinyò ve bi ví. Á wáa dzəə́ mo, a m kù sì é mvə̀m jay.

Ŋwàʼ Jov 25:4

A dzə̀ wìr msòŋ ghàn é le, e bó a dzə là jay e Nyùy si? Wír fo wìr, é bo wù wáa dzə là shilóm.

Kèʼlo 19:9

Áwune bìnèr jii, «Kíŋrí fó dzəə, é vèr shaa. Jwè və̀n, wò‑oò wìy fen, aà dzə̀ kiŋgwìy, à dzə̀ ké la, e bó a dìn kinyo ke a dzə̀ vèr yiì. Kóʼtí fó dzəə, fo vèr nyavri e wò, e shaà mo a kì dzə̀ vèr nyàvrì aáwune.» Á ku nèn a ghiʼ Lot bèy, a tàʼ, e kiv shúu lav.

Ŋgaà Yen 13:17

A bó yòʼ dzə̀ wìr yùn kifá, a bó yòʼ dzə̀ wù fiìnè ke fiinèn kí, a bó wù kér nsáŋtí woo shooy e wun wùn. A nsáŋtí və̀y din yír nyàm mbìy rə̀y, aá sáŋ a dzə̀ e sí se ŋwàʼ se á yii táŋ kifá sho si,

3 Joon 1:9

Mò‑oò sàŋ sá ŋwàʼ wúmóʼó fo věn kintatì, e yù ji Diyotefer wo wù kù yii táŋ kfə́ a dzə̀ mbìy tèn á fó yu jí yem.

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Efesor 2:3

A kù dzə̀ mo vèsən adzə̀m‑eè dzəə̀n. Vèsən‑eè yú a dzə̀ mo mensə́ mè lim e vèsə́n wùn, a mè ŋáʼar melív mèsən, a vèsən kwaʼtì vinyo ve bi ví, yii mo ví gheenen vèsən. A vèsən‑eè yii bèy, li a dzə̀ lǒn Nyùy mo wír adzə̀me‑eè li.

Galatia 2:15

Mò‑oò suuy e Pita bèy, a kí dzə̀ rú. Vèr áwune dzə̀ wón ve á dzəən dzəə́n ji wír veé Juda, a bó á yòʼ‑oò dzə̀ə́ ver ji vé lòné moo vitúm ve ví yòʼ kér nsər se Nyùy.

Joon 9:40

Wír veé mbìv Farasi ámóʼó wáa tiy e Jesus ghaŋ. Á yú bey, e sàyín jii, «À taʼ, a yòŋ ver ji amfìr à?»

Joon 9:35

Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»

Joon 8:41

Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Ŋwàʼ Luk 14:11

Kù dzə̀ mo Nyùy wíy a sèn wír wo wù yén kitú kfə́ kikuʼùn, a koʼór wo wù yén kitú kfə́ shishàr.»

Ŋwàʼ Luk 11:45

Jesus suúy vinyo vìn bèy, wìr wo wù‑uù duŋrì nsər Nyùy wùmòʼ nèn sàyín jii, «Ŋgaà Yèʼey, à suuy bèy, aà shoor sa a dzə̀ ver.»

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Aysaya 65:5

Áwune yii bèy, lo, á kfə̀n a nyàysì wír ámóʼó, a suuy jii, ‹Á yen fóo kùm mo, e lor mo. Lá à yòʼ kùm mo, à yoʼ ràn, m dzə̀ kém là shilóm.› Vinyo ve á yii vi tínsin mo, kù moo kindzə́ʼ ke kí ndzə́ʼ, nəə e wìr yuy. Áwune dzə̀ ji və́y wo wú baári ghán sidzə̀m, dzəmèr kindzə́ʼ.

Ŋgàn 29:1

Wìr wo á tír wun, a wù ŋwáy ntir, kù yíi sàsìn, e gbù, a bó dzəə̀ lùŋ yòʼ kfə̀n dzə̀.

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Ŋgàn 22:10

Aà jùm ŋgaà jàʼ, bo à jùm ne kitáŋnìn, kinyam wùn à liy si nèn sèéy.

Ŋwàʼ Jov 14:4

A dzə̀ fə̀ə́r la kifá kee là *kifàn fo ké kifàn kí mvəm? Bó wìr yòʼ dzə̀ shó.

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

Ŋwàʼ Fəə 2:14

Wù bìnèr jii, «Lèm la wò ji à wáa dzə kitú kér, e kfə̀n a tinén nsaʼ sér? À taʼ e yuyrí mo mo wò‑oo yuyrin wír woó Ejiv à?» Mooser nèn a fàn, a rə̀m jii, «Ábáy, á kìíy ne kinyo ke mò‑oo yiìn.»

3 Joon 1:10

M wíy wìy, yén ven, é m tóʼtí vinyo və́, é wíri yú mo wù súʼ kinsuʼ, bóʼti vinyo ve kisaŋ vi e mǒ bàm. A bó yòʼ mày kee shooy. Wù tèn sá fó a ker afə́r vesən ve á gháné, kfə̀n sháʼnin fo wír ámóʼó wáa səəsí áwune. Á lóo səəsí, wù nèn a jùm áwune fó kintatì.