Joon 9:31 - ŊWÀʼ NYÙY

³¹ a vèsən kì kijuŋ ji bó Nyùy yòʼ yii yuúri kinyo ke wìr wo bi, wù kù yii yuúri kinyo a dzə̀ ké wìr wo wù ghvə́m wun, yii mo wù taʼà.

Joon 9:31 Referans Kwoze

Ŋgàn 15:29

Nyùy Tàr kù yii yú bunrì wìr ve á yú wun, bin ndzə̀m e wír ve á méŋ wune.

Aysaya 1:15

Vèn wíy nàn wó e yuv ji á bunrì, é la m yòʼ lèéy, à leéyi shó. Fə̀m mo vèn gísin, bunrì mo akàŋ akàŋ, bó m yòʼ wíy yuurí ven. Vèn yùyrí ne wíri, a wó yéné kù sì wó mensəə.

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

Mayka 3:4

Njiìn won kù dzə̀ wo yiì ye bií. Bìʼ bey, kishiíy kí kù wiyì, ke vèn wíy a toŋ, a kàn Nyùy Tàr, yii bèy, é la wù yòʼ yù tóŋ yén. Wù kù wíy bìn ndzə̀m bínen e vèn.»

Nsùyrì Nyùy 145:19

Wù fó vifá ve wír ve á ghvə́m wune kér shií shó, yú tóŋ yév, luŋèr áwune.

Sekariya 7:13

Wù‑uù sùúy jii, «Mò‑oò sùŋnín, áwune tén yú, áwune lòo toŋ, m tén gháy.

Ŋgàn 21:13

Wìr səmrì vituʼùr fóo yu tóŋ ŋgaà kitàn, Nyùy sə̀mrì sá fóo yu rə́.

Jeremia 14:12

Aáwune fə̀m lò, a lèm jíŋ, bo m yòʼ yíi yu tóŋ yév. Aá fə̀m yiì a dzə̀ cu ye tonèné, kìn yé vifa ve yi, bo m yòʼ yíi səəsí. M kù yíi laàr áwune a dzə̀ e rə́r sí, e laàr e jiŋ, e laàr e kifə̀ʼ ki.»

Joon 15:16

Bó yòʼ‑oò shòʼ ven mo. Yì‑iì shòʼ mo ven, e lèm ji vèn du ntum yem, a yiì vinyo ve dzəə̀n ve ru ví vinín ve bó yòʼ dzə̀ ví lày kisáŋ. Vèn lóo yiì bèy, lóo lon kifá ke vèn lón fo Tàr wor e mǒ yir, é wù ku nèn fò kíwun.

Esiker 8:18

Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Nsùyrì Nyùy 18:41

Á wáa toŋ, a lon sə́mo, la wìr yòʼ a dzə wóo sə áwune. Á wáa toŋ, à fo Nyùy Tàr shó, la wù yòʼ yuùrí.

Ŋwàʼ Jov 42:8

Kí nén a dzə jii, vèn li vinsòŋ ve nyàm vi saàmbà, e lì viyáʼ vi saàmbà, e dù sho fo wìr wom lìm woo Jov, e yiì cu ye tonèné fo věn vitu. Wìr wom lìm woo Jov yíi bùnrì fo vèn, é m yú bunrì rə́, e làa yòʼ dzəə màʼ ŋgeʼ e věn kitu, mo kì dzə̀ m màʼ bìʼ kiyúŋsì kén. Vèn yoʼ sùúy a dzə̀ kinyo ke ru kí kùm mo. Kù mày ŋgaà wom lìm woo Jov wo wù suuyin kinyo ke ru kí.»

Ŋwàʼ Jov 35:12

Áwune vísə, aá tóŋé, a bó Nyùy yòʼ yú tóŋ yév, bìʼ fo á ŋaʼà, buʼtì vinyo.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Jeremia 15:1

Nyùy Tàr nèn yòŋ e mò jii, «A fə̀m wìy Mooser wùn Samuel, a tiy e mǒ si, a lon, bo bó yòʼ dzə̀ m kùvsín kwaʼtì yém, e lèéy wír vìn. Jùm áwune fo mǒ si, aá dukir.

Jeremia 11:11

Bìʼ bey, mo woo Nyùy Tàr nen kàʼ jii, ‹M yíi màʼ ŋgeʼ aáwuné kitu, ye bó yòʼ dzə̀ á bòy fó fo. Áwune yíi lòo toŋ e mò, é la m yòʼ yuùrí.

Aysaya 58:9

Á bèy, vèn lóo bùnrì lèn, é mo woo Nyùy Tàr wáa yu, a sə ven. Vèn lóo toŋ e mò, é m biner jii, ‹M və̀ne, mo‑óò sə́ ven.› «Kù dzə̀ ji vèn yar fó a nyàvrì e wíri, e làa yòʼ a toy wír e kinyò kisáŋ, kìn ji á wáa roòmè wír là jay.

Nsùyrì Nyùy 143:10

À dzə̀ Nyùy wo m suyrì. Yéʼéy mo kinyo ke à koŋ ji m wáa yiì. Ku yiì, é Kiyoy ké ke kí kù yii dzə́ kijuŋ ki wáa dànèr mo, é la kinyo ki yòʼ kòóy mo é dzəə.

Kèʼlo 20:7

Siìr ri wiiy lumèn və̀y sho. Wù dzə̀ *ŋgaà ntum wom. Wù yíi bùnrì fo wò, áà wáa dzə e tin. Aà lòo dzə, e làa yòʼ siìr, à wàa kiíy ji vèn à wír vée kù waà yíi kpukír.»

Kèʼlo 19:29

Á mo Nyùy‑iì lóo laàr ŋkà se laʼ seé mboʼ foo fèy sìn, e kuùmé kinyo ke Abraham‑eè lonen, e fə̀ə́r Lot, e bóo laàr ŋkà se laʼ sìn, é wù boy.

Nsùyrì Nyùy 106:23

Nyùy suúy ji wun yíi laàr a áwune, Mooser wo Nyùy‑iì shoʼon ji ŋgaà və lìm tiím. Wù tiím, e bùʼ wó e Nyùy, Nyùy màʼày dòʼshwíiy və, e làa yòʼ dzə́ə laàr áwune.

Nsùyrì Nyùy 99:6

Mooser wùn Aaron‑eè dzə̀ wír fo atàá cù vəə́ mvəm, Samuel wáa dzə sa wír fo ve vé‑eè li kilíŋ ke wíri, bunrì. Áwune‑eè tòŋ e Nyùy, wù yú tóŋ yév.

Nsùyrì Nyùy 40:8

Éè Nyùy wom, m kér shií fó a yiì kinyo ke à sìysìn. Ntir yè lum e mǒ shiliv.»

Hibru 10:7

M nen biìmé jii, ‹Eè Nyùy, mo və̀ne. M dzə̀ kibáʼtín fó yiì kinyo ke à sìysìn, réŋréŋ mo vé‑eè saŋen é Ŋwàʼ Nsər ji m wíy yiì.› »

Remrí 1:45

Vèn‑eè kfə̀n é bàm, e tòŋ e Nyùy Tàr, la wù yòʼ yù tóŋ yén, wù ŋwáy ven ŋwáyín.

Ŋwàʼ Jov 35:13

Rúrú, Nyùy yòʼ yíi a yuurí tóŋ yee kisáŋ, a bó yòʼ dzə̀ Ŋgaà Vitaàví Vidzə̀m wàa lì kee shooy ji kinyo.

Joon 9:30

Wìr və̀y nèn sùúy jii, «Kinyo kìn ki tárir mo féyì. Vèn suuy ji bó vèn yòʼ kì fo wìr və̀n loòn, a wù mvə́ʼ ne sí yém,

Joon 9:32

Kèʼ mo ndzə‑əə̀ kèʼèn, bó á yòʼ‑oò yù ne ji wìr kì mvə̀ʼ sí wìr wo vé‑eè dzəən, a sì mfìr.

Joon 11:22

M suuy bèn, a m kì jii, aà fə̀m lón ka fo Nyùy lèn, wù kù fò á kíwun.»