Joon 9:30 - ŊWÀʼ NYÙY

³⁰ Wìr və̀y nèn sùúy jii, «Kinyo kìn ki tárir mo féyì. Vèn suuy ji bó vèn yòʼ kì fo wìr və̀n loòn, a wù mvə́ʼ ne sí yém,

Joon 9:30 Referans Kwoze

Joon 12:37

Wíri siíy, e làa yòʼ fə̀m biimé kinyo kfə́, a wù‑uù sí ghán aáwuné mvəm, yii vinyo vinín ve ví din vitaáví vé Nyùy.

Joon 3:10

Jesus bìnèr jii, «Yéʼey wò wír veé Isray, kfə̀n méŋ vinyo vìn à?

Aysaya 29:18

Wíy lòo dzə e ghan fóo fèy, wìr lóo yòŋ ŋwàʼ, é nsəərì e dzə̀m wáa yu. Mfìr e dzə̀m wíy a yen virə́ʼ, e làa yòʼ dzə́ə a ghaà virə́ʼ gháan.

Aysaya 29:14

Bìʼ bey, m kù yíi shaà fo mbìy, a yiì vinyo ve ví wáa shaà ve a dzə̀ wìr msòŋ yiì, m lóo yiì, é shuu wóví wáa ma. Kitan ke vifii kí wíy koo afií vév, é la akiíy véví yòʼ dzə́ə a kiíy jeéyjeéy fó vinyò.»

Nsùyrì Nyùy 119:18

Mvə̀ʼ vifií vém ví, é m fiʼ kìíy viŋgaʼnìn ve vinyò ve ví fəə́ fo wò Ŋwàʼ Nsər.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Ŋwàʼ Luk 7:22

Wù yiì lò, e bìnèr jii, «Vèn ku kfə̀n é bàm, e fèr e Joon a dzə̀ vinyo ve vèn yenen, e kfə̀n fèr ve vèn yuun. Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Aysaya 35:5

Á bèy, áàmfìri ku nèn a yen virə́ʼ, áànsəərìi wáa yu vinyo.

Maak 6:6

Kí wáa tarír wun mo wír véví tenen fó way shilív e wun wùn. Jesus nèn yiì lò, a ghan ntèʼ see fó sidzə̀m, a yeʼéy wíri.

Matio 21:42

Jesus dzə́r jii, «Vèn yòʼ‑oo yií ne yòŋ kinyo kee shooy fo Ŋwàʼ Nyùy à? Kí suuy fo jii: « ‹Tíy ye vé kimbome leeyin ntéŋé sì yíwun ye yí loòn ne, e tòm kór lav. Kù yiì Nyùy Tàr kinyo kìn, vèsən wáa leéy, a ker gháʼ.›

Joon 9:29

Vèr kì jii, Nyùy‑iì lo sùŋnín wùn Mooser, yii bèy, fo ké wìr və̀n ki, vèr yòʼ kì fo wù loòn.»

Joon 9:31

a vèsən kì kijuŋ ji bó Nyùy yòʼ yii yuúri kinyo ke wìr wo bi, wù kù yii yuúri kinyo a dzə̀ ké wìr wo wù ghvə́m wun, yii mo wù taʼà.