Joon 9:29 - ŊWÀʼ NYÙY

²⁹ Vèr kì jii, Nyùy‑iì lo sùŋnín wùn Mooser, yii bèy, fo ké wìr və̀n ki, vèr yòʼ kì fo wù loòn.»

Joon 9:29 Referans Kwoze

Joon 8:14

Jesus bìnèr jii, «A fə̀m naarì mo kitú kém, bo kinyo ke m suuy ki dzə̀ rú. M kì fo m loòn, a m kì fo m du, a bó vèn yòʼ kì.

Lim Aŋgàa Ntum 26:22

Yii bèy, Nyùy kú a sə mo ghán sidzə̀m, e meé lán. M nén a tiy sa fèn lèn, a fìʼtì ntum yem, e wír ve kuʼkìné wùn à wír vee viyi. A m kù fiʼtì a dzə̀ kinyo ke Mooser wùn aàŋgàa ntum Nyùyi‑iì tiísi ji kí wíy koóy.

Lim Aŋgàa Ntum 22:22

Mo wír vee shooyi yuúri kinyo ke Por, wù yiì lò, e fə̀ə́r kin fo shuù, á nèn lò, a waamé jii, «Á ku yùyrí wír woo ben yúyrín. Wù yoʼ ghèén feyì, a dzə sho.»

Lim Aŋgàa Ntum 7:35

«Nyùy nèn tùm a dzə̀ Mooser və̀n ji wù fəə́r wír veé Isray fo ŋgeʼ foo fèy, a fo sáʼ aáwune. A kù dzə̀ wun wo áwune‑eè káy kayín, dzə́r sho jii, ‹Lèm la wò ji à wáa saʼ ver, a tinén nsaʼ sér?› A Nyùy‑iì tsə̀nsí a dzə̀ nshìylav rə, yì wìy e mvə̀m kicì fey, e tiìsí ntum rə̀n sho.

Joon 9:24

Vé wòŋe kfən lò, e jàŋ wír wo yì‑iì siìn mfìr woo shooy fo akàŋ vee abaà, a suúy sho jii, «Lìʼ yír Nyùyi, e sùúy kinyo ke ru kí. Vèr kì féyì ji Jesus və̀n dzə̀ á wír wo bi.»

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.

Joon 7:27

A bó yòʼ dzə̀ wàa dzə wun, bìʼ fo vèr kiìn fo wìr və̀n loòn. Mfə̀ə́r wíy bvəy kfə́, é la wìr yòʼ kìíy fo wù loòn.»

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

Ŋwàʼ Luk 23:2

Á dù, e nèn a toy vinyo e bàm wó, a suúy jii, «Wìr və̀n dzə̀ ben, a wù ghán, bvəər woŋ wór, sháʼnin fo wíri wáa màʼ mbàm, a shwi Fon woó Rom sho. A wù kfə̀n suuy ji dzə̀ wun *Mfə̀ə́r wo Nyùy‑iì kàʼàn, a wun dzə̀ fon wùmòʼ.»

Matio 26:61

a suúy jii, vé‑eè yù, a jwè və̀n suuy jii, a dzə̀ wun kèr lav ye á cu Nyùy sho, e bòm ye sən vishiíy vitaár.

Matio 12:24

Wír veé mbìv *Farasi ámóʼó yú mo wíri gháynin bèy, e nèn a toyír ji fó a *Beseber wo dzəə̀n fon anyùy vitaáví e Jesus, bo wù wáa kàntì anyùy, aá wáa màʼtì wíri.

Malakay 4:4

«Vèn kuúmé nsər wùn à ntò se yeʼéy se mò‑oò foon e wìr wom lìm woo Mooser si. Nsər se mò‑oò foon e wun e Gwan Horev ji wù yéʼéy wír veé Isray sho adzə̀m.

Nsùyrì Nyùy 106:16

Á wáa dzə fo áwune‑eè bee e woʼ, wíri nén a leéy Mooser ntéŋ, a ghèʼ Aaron, Aaron wo Nyùy Tàr‑iì shoʼon ji ŋgaà lìm və woo jeéy.

Nsùyrì Nyùy 105:26

Wù tsə́nsí Mooser woo ŋgaà lìm və é Ejiv, wùn Aaron wo wù‑uù shoʼon.

Nsùyrì Nyùy 103:7

Wù‑uù bà ntaŋ və, e dìn e Mooser, e yiì, wír veé Israyi yén viŋgaʼnìn və́ vé vinyò.

Nsùyrì Nyùy 22:6

Yii bèy, kém kí dzə̀, a bó wíri yòʼ yén mo ji wír. Á yén mo ji kiŋgoóŋgoŋ, shoor mo, kfə̀n ŋwáyí.

2 Afòn 9:11

Jehu nèn fəə̀, e kfə̀n fo amfòómé ámóʼó kì dzəə̀n. Á dzə́r e wun jii, «Kí kù dzə̀ kijuŋ à? Ŋgaàbaá və̀n kì wiy, e yen wò ji ka?» Wù bìnèr aáwune jii, «Vèn kì wun, a vèn kfə̀n kì sá dzə́ə rə kisuŋnìn.»

1 Afòn 22:27

Vèn du, vèn sùúy ji m yoŋ a jii, ‹Áwune wáy á jwè woo shoon e sháŋ, a fo kibán, é wù wáa lumrí lumrín, a no a dzə̀ mendzə́v é kitu wo, e dù meé mo mo‑óò kfə́n é bàm là kinyo.› »

Remrí 34:10

Bó *ŋgaà ntum Nyùy wùmòʼ yòʼ kfə̀n‑eè wìy sìíy, e fəə̀ é Isray moo Mooser wo wùn Nyùy Tàr‑iì súŋnin sùŋnín, yénninè.

Kintaŋ 16:28

Mooser suúy jii, «Á lèn wo vèn yíi kiíy ji tùm á Nyùy Tàr mo ji m wáa yiì a lim rə̀n e dzə̀m, a bó yòʼ yii mo fo mǒ kitu.

Joon 7:28

A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Joon 9:30

Wìr və̀y nèn sùúy jii, «Kinyo kìn ki tárir mo féyì. Vèn suuy ji bó vèn yòʼ kì fo wìr və̀n loòn, a wù mvə́ʼ ne sí yém,

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Hibru 1:2

Wáa dzə lèn wo ndzə sí wìy a mày, wù nen tùm a dzə̀ Wán və, wù wáa tiisí kinyo kfə́ e vèsən. Dzə̀ Wán və və̀n wo wù‑uù foon vitaáví shó, wù bóm ndzə. Wù kfən lèm ji wù wìy yòv ndzə yee shooy e dzə̀m, a saʼ.