Joon 9:28 - ŊWÀʼ NYÙY

²⁸ Á nèn kèʼ, a kuùrì kuùrìn jii, «Kù biíme wò kinyo ke wìr woo shooy. Vèr tíy kér a dzə̀ vèr à Mooser.

Joon 9:28 Referans Kwoze

Ŋwàʼ woó Rom 2:17

Mo ké wìr ve bó á yòʼ kiìn *Nsər Mooser ki dzəə̀n bey, bo ké ki dzə̀ é le, wò wo à yoŋ kitú ké ji wír woó Juda? À suuy ji à tíy ké vèn à Nsər Mooser, nèn sumrì wún ji à sì wir Nyùy.

1 Pita 2:23

Wíri‑iì kuurì wun, a bó wù yòʼ‑oò lo yiì bìnèr. Vé‑eè nyavrì sho, la wù yòʼ a taamé wír gheéy. Wù kù‑uù wày vinyo vidzə̀m a dzə̀ e Nyùy kiwo, Nyùy wo wù kù yii bin nsaʼ wìr dzə̀m mo yì dzəə̀n.

1 Korin 6:10

kìn ŋgaàŋ dzə̀ shóŋ, kìn wù taʼ kifàʼ, kìn wù ghán, nó noón, kìn wù kuunìn kuùnìn, kìn wù faasì kimfaàsì. Vèn nèn a yen fo wìr wáa boʼtí kitú kfə́. Bó yòʼ dzə̀ kfə́ə wìr vee béne wìy nə̀ə́ e Nyùy mvə̀m saʼ gheéy.

1 Korin 4:12

katìr, lim lim e wó yérí, e bó a yikír. Wíri lóo kuùrì ver, vèr kù a sheʼrí áwune shéʼrín. Á lóo bàn ver, vèr kù a biimé biimén, e làa yòʼ a ghay.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

Joon 7:19

Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»

Matio 27:39

Wíri wáa shaà fo, a mèʼ vitú,

Matio 5:11

Jesus kfə́n a suúy jii, «Wíri lóo kuùrì ven, lóo ròn wúu yén, lóo lor vinyo e věn wùn bìʼ fo vèn dzəə̀n wír vém, bo bòŋ vishí vén.

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.