Joon 9:24 - ŊWÀʼ NYÙY

²⁴ Vé wòŋe kfən lò, e jàŋ wír wo yì‑iì siìn mfìr woo shooy fo akàŋ vee abaà, a suúy sho jii, «Lìʼ yír Nyùyi, e sùúy kinyo ke ru kí. Vèr kì féyì ji Jesus və̀n dzə̀ á wír wo bi.»

Joon 9:24 Referans Kwoze

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.

Joshua 7:19

Joshua nèn yòŋ sho jii, «Wan wòm, suúy suuyrú lèn fèn e Nyùy Tàr woo Nyùy wìr veé Isray si, e kà kitú ké ki. Yòŋ e mò kinyo ke à yiìn kí. Lá à yòʼ a mùm fóo lìtì fo mò.»

Joon 19:6

Vitú ve atàá cù wùn à vitú ve wìr ve vé‑eè shiy lav cùu yén Jesus, e nèn a waamé waamén jii, «Á ku tà taán é kintam. Á tá taán é kintam.» Payler nèn sùúy jii, «Bo kù li ven, e dù, e ta e kintam. Bó m yoʼ yèn kinyo ke wù jayin.»

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Ŋwàʼ woó Rom 8:3

Nyùy yiì ne kinyo e mǒ wùn, a bó m yoʼ lò, a tùr a dzə̀ fó nsər, m yiì, bìʼ fo mensə́ mem mè yòʼ koŋ kinyo ke nsər suuyì. A kí dzə̀ jii, Nyùy‑iì tùm Wán wo dzəə̀n və́ə, wù wìy, e lì mbom a dzə̀ ye wìr wo wù yii vinyo ve bi ví. Wù‑uù kpù fo wírí ajay, nèn ndzəə̀r vitaáví vé vinyò ve ví lim aáwuné wùn vee shooy.

Joon 18:30

Á bìnèr jii, «A wù kì bùŋ njò, bo bó vèr yoʼ lò a wìy sho ji à sáʼ.»

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Joon 8:49

Wù bìnèr jii, «Bó m yòʼ yii shém ŋgoo anyùy. Kinyo ke m yii ki dzə̀ ji yír Tàr worí wáa dù. Vèn shoor mo shoórín.

Joon 8:46

A bó yòʼ dzə̀ wìr fo vèn dìn kinyo ke mò‑oò yiìn ne jày. Mo m suuy a dzə̀ kinyo ke dzəə̀n ke ru kí, yiì ka, bo vèn tén fó biimé?

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Ŋwàʼ Luk 19:7

Wíri yén mo Jesus du wùn Sakiyor, e nèn kèʼ, a ghvə̀vrì jii, wìr və̀n sí du, e shiíy a wùn wìr wo bi.

Ŋwàʼ Luk 15:2

Wír veé mbìv *Farasi wùn à wír ve á yii duŋrì nsər Nyùyi nèn lò, a ghvə̀vrì Jesus jii, «Wìr və̀n ghánen wùn à wír ve bií, kfə̀n maysì, yíkir wùn áwune.»

Ŋwàʼ Luk 7:39

Wìr Farasi wo wù kì jàŋèn Jesus və̀y yén bey, e rə̀m fo wùn bvə̀m jii, a Jesus kì dzə̀ rú ŋgaà ntum Nyùy, bo wù ku lò kìíy a kfə́ə wiíy wo wù kum wun və̀n. Dzə̀ á ŋgaà viŋkar.

Maak 15:27

Á kfən tàm sá ashóŋ abaà é vici vímóʼ ví e Jesus ghaŋ, wùmòʼ e wùn koy yìyí, wùmòʼ é koy ŋkoòvìi. [

Aysaya 66:5

Vèn yuúrí kinyo ke Nyùy Tàr suuy ki, ven ve á kér shií ji á yuúrí jí Nyùy Tàr, fan fó lì fo tèr. Wù suuy e vèn jii, «Afə́r vén veé Isray ámóʼó ban ven, méŋ ven, bìʼ fo vèn yoy, tiir a dzə̀ e mǒ wùn. Áwune té lám jii, ‹Nyùy din ri vikuʼùy və́, e bòyìr ven, é vèr yén mo vèn shéʼri.› Áwune té lám bey, a dzə̀ áwune ve m yíi yiì, aá wáa woomé.

Esra 10:11

Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

Joon 9:25

Wù nèn bìnèr jii, «Kìn dzə̀ wír wo bi, bo bó yòʼ dzə̀ m kìíy. Kém ke m kiìn kí dzə̀ jii, mò‑oò dzə̀ mfìr, a m sí yén virə́ʼ lèn.»

Ŋgaà Yen 11:13

Kú a dzə e ghan see shooy, nsay nèn kèʼ, a sə̀ʼ, virə́ʼ ví wáa kèrkìr e mvə̀mlaʼ fèy. Lav si lóo dzə e ghvə̀m, bo yee mòʼón keesì. Wíri‑iì kpù nsə̀kì saàmbà (7,000). Kibér ki nèn a yàʼ, a fàn Nyùy wo wù dzəə̀n é yuv, a suúy jii, «Wù shaà vitaáví, wù dzə̀ rú e gháʼán.»