Joon 9:22 - ŊWÀʼ NYÙY

²² Aá ndzə́v lám bey, a vé‑eè fan a dzə̀ vé wòŋe, bìʼ fo vé‑eè sìysìn ne jii, a wìr bìnsí ji Jesus dzə̀ *Mfə̀ə́r wo Nyùy‑iì kàʼàn, á jùm á ŋgaàŋ fo kintatì keé ŋgày bùnrì.

Joon 9:22 Referans Kwoze

Joon 16:2

Á wíy siíy, a jùm jùm ven fó vintatì veé ŋgày se bùnrì. Ghán sí sí gheenè, wìr wíy yuyrí wír fo vèn, é wù wáa kwàʼ ji wun yiì a dzə̀ lim ye juŋe fo Nyùy.

Joon 7:13

A bó yòʼ‑oò dzə̀ wìr wàa binsí kinyo ke Jesus e ŋgèŋgèr, bìʼ fo vé‑eè fan vé wòŋe.

Ŋwàʼ Luk 6:22

«Vèn lóo jùmrì ŋgaà wo yírí dzəə̀n *Wanwìr, wíri lóo bàn ven, lóo jùmjùm, lóo kuùrì ven, lóo yòŋ ven e yír se bi sí, bo bòŋ vishí vén.

Joon 9:34

Á nèn a kuùrì kuùrìn jii, «À dzə́, a vé‑eè dzə̀ə́ wò e kikun ké lòn kí, aà taʼ ji à yéʼéy ver a?» Á nèn jùm fo kintatì keé ŋgày bùnrì.

Ŋgaà Yen 21:8

Yii bèy, ké wìr ámóʼó kí kù jòʼsì ne kimbiirìn ke və̀y fo və́yí bo, baári moo mekàŋ, a dzə̀ kpú yee akàŋ abaà. A kù dzə̀ áwune adzə̀m ve bó á yòʼ‑oò lo kùr shilív, a tiy e mǒ kinyò, e làa yòʼ a way shilív e mǒ wùn, tíy a dzə̀ é vinyò ve kisaŋ vi. Kìn dzə̀ wír wo wù yúyri wír, kìn ŋgaà kinjàŋ, kìn wo viŋkar, kìn wo wù sénin sə́m, kìn wo wù ghvə́m vifá vímóʼ ví ji Nyùy, e lì aŋgàa kimboʼtì adzə̀m.»

Lim Aŋgàa Ntum 5:40

Vé wòŋe yú ntir Gamalia rə̀n, e nèn biìmé, e jàŋ aŋgàa ntum Jesus vìy. Áwune wìy, á tám, e kàntì ji áwune wáa yen a fó kfə̀n a suúy kinyo kímóʼ kí e wìr ji Jesus, e nèn màʼtì, á wáa dù.

Lim Aŋgàa Ntum 5:13

Wíri wáa leéy, a fàn fó a tatí wùn áwune. Yii bèy, a wìr dzə̀m búri áwune féyì,

Lim Aŋgàa Ntum 4:18

Á nèn kfə̀n jàŋ Pita wùn Joon, a kàntì ji áwune wáa yen a fó kfə̀n a suúy kinyo e wìr kùm Jesus, a yeʼéy wír kinyo kfə́.

Joon 20:19

Yiì lòo dzə e ŋkuùr, a kù dzə̀ə́ kishiíy ké mbìy ki fó ŋgàm foo fèy, wón lìm Jesuse báʼtí é lav yìmòʼ, e fìn shúu lav, bìʼ fo vé‑eè fan vé wòŋe. Jesus nèn bvə̀y, e tìím aáwuné mvəm, e shàʼtì jii, «Nyaáŋ kú a dzə e věn mvəm.»

Joon 19:38

Mo Jesus kpuun, wìr wo á yoŋ ji Joosev wùmòʼ, a dzə̀ wír woó ntèʼ yee Arimatia, nèn dù, e yèn Payler, a lon ji wù ku màʼtì, é wun shaʼar á dzə́n Jesus. A wun woo Joosev‑iì dzə̀ ŋgaà ŋgoo Jesus wùmòʼ, lir lìrìn, bìʼ fo wù‑uù fan vé wòŋe. Payler biímé, wù nèn dù ji wun shaʼàr dzə́n Jesus.

Aysaya 57:11

Nyùy Tàr kú a dzər jii, «Anyùy ve vé‑eè bemerin ven, é bo vèn bóʼtí kimboʼtì vèsən, e làysìn mo ŋkuuŋkùŋe dzə̀ viné? Vèn tèn fó a ghvəm mo, bìʼ fo m kfəmen, e dzə̀ʼə̀m kisə́sə ntàmda à?

Aysaya 51:12

Nyùy Tàr suuy jii, «Kù dzə̀ mo və̀n wo m shám ven, rəər shilív shén, bo wìr msòŋ á ka, é bo vèn wáa fàn wun. Wír, a dzəʼə̀m rəə́ kù lo, e mày, kù mo yòvrí viŋgà.

Aysaya 51:7

«Ven ve á kiìn kinyo ke ru kí, ven ve á yuun ntir sém, a yiì mo m koŋè, vèn yuúrí. Wíri lóo kuù ven, lá vèn yòʼ a fàn, á lóo shùr ven e liy si, lá vèn yòʼ a yàʼ.

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 9:18

Atǎr wír veé Juda vìyi wáa dzətí sho bèy, e làa yòʼ fə̀m a biimé ji wù‑uù dzə̀ rú á mfìr, e bóo kfə̀n a yen virə́ʼ. Á nèn lò, e jàŋ tàr wov wùn yè wov, e dzə̀r aáwune, e bóo biimé.

Joon 9:21

Yii bèy, a bó vèr yoʼ kìíy mo kí ghanen, bo wù wáa yen virə́ʼ lèn, a bó vèr yòʼ kì sá wír wo wù mvə̀ʼə̀n sí rə́. Vèn wáa dzər a dzə̀ shó, sí rəə́ ràn ne, dzə̀ wù bìnèr fo wùn kinyò.»

Joon 9:35

Jesus yú kinyo ke kí kooyin, e nèn tàʼ wír və̀y, e dzə̀r shó jii, «À wày ne shilív e wìr wo yírí dzəə̀n *Wanwìr wùn a?»