Joon 9:17 - ŊWÀʼ NYÙY

¹⁷ Á kfən lò, e dzə̀r e wìr və̀y jii, «Wò wo wù mvə̀ʼə̀n a dzə̀ sí yé, à yèn ké, a dzə̀ wír woó le?» Wù bìnèr jii, «M yén ji dzə̀ *ŋgaà ntum Nyùy.»

Joon 9:17 Referans Kwoze

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Joon 4:19

Wiíy və̀y yú kee shooy, e yòŋ jii, «Taàtá, m kìíy ne lèn ji à dzə̀ *ŋgaà ntum Nyùy.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Lim Aŋgàa Ntum 2:22

Pita nèn kfə̀n yòŋ jii, «Ven vee wír veé Isray, vèn kfən yuùrí. Jesus woó Naasarer dzə̀ wír, a Nyùy‑iì lo dìn e vèn kiránén ji tùm á wun mo wù‑uù fó vitaáví shó, a wù yii viŋgaʼnìn ve vinyò ve ví din vitaáví vé Nyùy, a wíri leey, kér gháʼ. Vèn kì bey, bìʼ fo vinyo vee shooy vi‑iì kooy a dzə̀ e věn mvəm.

Ŋwàʼ Luk 24:19

Wù dzə́r jii, «Vinyo vee ka?» Á bìnèr jii, «Dzə̀ vinyo ve ví‑ii kooyin wír wo á yoŋ ji Jesus woó Naasarer. Wù‑uù dzə̀ *ŋgaà ntum Nyùy, yii viŋgaʼnìn ve vinyò, kfə̀n fiʼtì ve fiʼtìn ví, a Nyùy bínsi wun, a wìr dzə̀m bínsi sa.

Matio 21:11

Màŋgòŋ wáa bìnèr jii, dzə̀ á Jesus woo ŋgaà ntum Nyùy, a wù lò fo Naasarer, e Galeli.

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Joon 9:15

Wír vee Farasi vìyi nèn kfə̀n dù, a dzər e wìr və̀y mo wù kì ghanen, e bó a yen virə́ʼ. Wù suúy jii, «Jesus kì tsəə̀ nsay e mǒ si, m dú, e sù, e nèn a yen virə́ʼ.»