Joon 9:10 - ŊWÀʼ NYÙY

¹⁰ Á nèn dzə̀r shó jii, «À ghàn é le, e bó a yen virə́ʼ lèn?»

Joon 9:10 Referans Kwoze

1 Korin 15:35

Yii bèy, mo wíri fə̀m wíy fəə fo kpu, a tàm wìr wùmòʼ lo, wù wàa kìnèn jii, á sà wíy fəə, aá wáa ker wún, a wú dzə̀ é le á?

Joon 9:26

Á kfə́n a dzətí sho jii, «Wù kì yèe e wò, e bóo mvə̀ʼ sí yé?»

Joon 9:21

Yii bèy, a bó vèr yoʼ kìíy mo kí ghanen, bo wù wáa yen virə́ʼ lèn, a bó vèr yòʼ kì sá wír wo wù mvə̀ʼə̀n sí rə́. Vèn wáa dzər a dzə̀ shó, sí rəə́ ràn ne, dzə̀ wù bìnèr fo wùn kinyò.»

Joon 9:15

Wír vee Farasi vìyi nèn kfə̀n dù, a dzər e wìr və̀y mo wù kì ghanen, e bó a yen virə́ʼ. Wù suúy jii, «Jesus kì tsəə̀ nsay e mǒ si, m dú, e sù, e nèn a yen virə́ʼ.»

Joon 3:9

Nikudemon nèn kfə̀n ghày jii, «A dzə̀ kee shoon ki ghàn é le, e bóo koóy?»

Maak 4:27

Mo wù wayin, e nèn dù, a yiì vinyo və́, a shaà, a shiíy, ŋgoòy rə̀y ku sòv, e fəə̀, e kèʼ, a kuy, a bó wù yòʼ kì kifá ke kí yii, é bo yì wáa kuy.

Ŋgaà Tàrvìnyò 11:5

Mo bó yòʼ dzə̀ à kìíy mo wàn ghanen, e bó a ŋèʼ e wiíy bvə̀m, bo kù dzə̀ sá réŋréŋ mo bó yòʼ dzə̀ à kìíy mo lím Nyùyi dzəə̀n, wun wo wù bomen vifá vidzə̀m.

Jeremia 36:17

Áwune yòŋ bèy, e dzə̀r e Baruk jii, «Suúy ó e vèr mo à ghanen, e bóo saŋ vinyo vìn? Dzə̀ ji Jeremia kì yoŋ, aà sáŋé à?»

Joon 6:1

Kee shooy ki shaà, Jesus lò, e dù, e tùmsín kibáŋ keé Galeli ke á yoŋ sa ji keé Tiberia.

Joon 9:9

Aámóʼó suuy jii, dzə̀ á wun. Aámóʼó kinèn ji wù shwìnín a shwínmén. Wìr və̀y yú bey, e bìnsí jii, «Dzə̀ mo woo shó.»

Joon 9:11

Wù bìnèr jii, «Wìr wo á yoŋ ji Jesus kì tòvtí nsay, e tsəə̀ e mǒ si, e sùúy ji m du, e sù e kisə̀m ke á yoŋ ji Siloam. Mo m duùn, e sù, e nèn a yen virə́ʼ.»