Joon 8:58 - ŊWÀʼ NYÙY

⁵⁸ Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Joon 8:58 Referans Kwoze

Ŋwàʼ Fəə 3:14

Nyùy suúy e Mooser jii, «Yír yémé dzə̀ ji DZƏ̀ MO WO DZƏƏ̀N MO. À yíi suúy e wír veé Israyi ji tùm á DZƏ̀ MO wò fo áwuné wùn.»

Kolosia 1:17

Wù nèn a dzə, é bo vifá vìn vi wìy a kèʼ, a tátí wun vifá vìn vidzə̀m, a yiì, bo ví wáa lìm, a shemsín.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Aysaya 44:6

Nyùy Tàr woo Taà Mànjòŋ, wun woo Fon wìr veé Isray, woo Mfə̀ə́r wov suuy jii, «Dzə̀ mo keʼ, a kù dzə̀ mo kinjòʼsì, kù mày mo wo dzəə̀n Nyùy.

Ŋgaà Yen 1:8

Nyùy Tàr, wun woo Nyùy suuy jii, «M dzə̀ *Alfa, e kfə̀n a dzə *Omega, a dzə̀ ji Keʼ wùn à Kinjòʼsì kí.» Suuy wun woo Nyùy woo Ŋgaà Vitaàví Vidzə̀m, wo wù‑uù siìn, a wù dzə̀ lèn, a wù kù wíy a dzə.

Hibru 13:8

Jesus Kristu və̀n yòʼ yii kúvsinè. Mo wù‑uu dzəə̀n é yooné, kù dzə̀ mo wù dzəə̀n lán, a kù dzə̀ mo wù wíy a dzə bèy, e dù, e mày.

Joon 17:24

«Tàr, mo m sí kfə́n fo wò wùn lèn, m koŋ ji wír ve wò‑oò foon e mò víne wáa dzə vèr áwune fo m dzəə̀n, aá fíʼ a yen vikuʼùy ve wò‑oò foon e mò, bìʼ fo wò‑oò sí koŋ mo, é bo ndzə wìy a kèʼ.

Aysaya 48:12

«Ven vee rám Jakov, vèn yuúrí. Ven vee wír veé Isray ve m shoʼon, vèn yuúrí. Kù mày mo Nyùy, a kù‑uù dzə̀ mo, e kèʼ fo kèʼ, a kù wíy a dzə mo, e dù, e jòʼsì.

Ŋgaà Yen 2:8

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Simeena. A wú dzə̀ jii: «Kinyo kìn ki suuy mo wo m dzəə̀n Keʼ, e kfə̀n a dzə Kinjòʼsì. A dzə̀ mo wo mò‑oò kpuun, e kfə̀n fəə̀, a dzə e tin.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Aysaya 43:13

M dzə̀ Nyùy, a m kù wíy a dzə Nyùy. A m màʼ kiwó, e ghàr wír sho, bo dzə̀ fə̀ə́r la wun fo mǒ kiwo? A m ŋàʼáy ji m sí yii kinyo, bo dzə̀ sə̀r la mo.»

Aysaya 46:9

Vèn kuúmé vinyo ve mò‑oò yiìn fó yàŋgùʼ ví. Dzə̀ mo Nyùy, a wùmòʼ yòʼ kfə̀n dzə̀. M dzə̀ Nyùy, a wùmòʼ wo dzə̀ á lì, a fìʼsìn vèr wun yòʼ dzə̀.

Aysaya 44:8

Wìr vem, lá vèn yòʼ a fàn. Mò‑oò sùúy ne e vèn, e kèʼ fo kèʼ, vinyo vidzə̀m ve ví kù kér fó wìy a koóy, a vèn dzə̀ anjen vém. Á bèy, vèn naari e kibér ke wìr ki. Nyùy wùmòʼ kfə̀n dzə̀ shó, e shaà mo á? Nyùy wùmòʼ kfə̀n dzə̀ shó wo wù kiŋsìn ven, a bó dzə̀ mo á?»

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Ŋgaà Yen 1:11

suuy jii, «Sáŋ vinyo ve à yén e wò si vìn vi é ŋwàʼ, e tsə̀nsí e vintatì vee saàmbà ve ví dzəə̀n é ntèʼ see, Efesor, Simeena, Pegamum, Tiyatira, Sardis, Filadeefia, wùn à Ladisia.»

Joon 8:34

Jesus bìnèr jii, «Vèn wáa kiíy rúrú jii, wìr wo wù yii vinyo ve bi ví dzə̀ kwǎn vinyò ve bi ví.

Joon 8:24

Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Joon 10:25

Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,