Joon 8:56 - ŊWÀʼ NYÙY

⁵⁶ Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»

Joon 8:56 Referans Kwoze

Hibru 11:13

Wír vìn adzə̀me‑eè ló a dzə, a bó á yòʼ‑oò lo kòóy vifá vidzə̀m ve Nyùy‑iì kàʼàn áwune shó, e wìy a kpukír, aá kù wáy shilív a dzə̀ e Nyùy wùn. Yii bèy, a vé‑eè ló a yen vinyo vee shooy, a ví dzə̀ə́ kwaʼda, a sheʼrí, a yòŋ vitú vév ji áwune kù dzə̀ á viŋgwìy, aá bee beèn é nsay fèn.

Kèʼlo 22:18

Mo à yuun jí yem, e lèm, m wíy shaà fo wò ram, e səə̀vì vitúm veé kitu ke nsay vidzə̀m.»

Joon 8:39

Á nèn bìnèr jii, «Tàr wor kù dzə̀ Abraham.» Jesus suúy aáwune jii, «A vèn kì dzə̀ rú rám Abraham, bo vèn kù yii vinyo, a dzə̀ ve wù‑uù yii.

Matio 13:17

Vèn wáa kiíy rúrú jii, *aŋgàa ntum Nyùy wùn à wír Nyùy ámóʼó aníne‑eè sí diy feyì ji á yén vinyo ve vèn yén lèn vìn, e kfə̀n yù ve vèn yú, e làa yòʼ a ker dzə́ə.

Ŋwàʼ Luk 10:24

Vèn wáa kiíy jii, *aŋgàa ntum Nyùy anín wùn aàfone‑eè sí diy feyì ji á yén vinyo ve vèn yén vìn, e kfə̀n yù ve vèn yú, e làa yòʼ a ker dzə́ə.»

Hibru 11:39

Mo wír vìn adzə̀me fə̀m‑eè wáy shilív e Nyùy wùn é ŋàŋ, a wù bínsi vinyo vév, bó á yòʼ‑oò sí yén mo Nyùy‑iì wíy ghan, é bo á nəə́ é vijùŋ ve wù‑uù kàʼàn áwune shó.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Joon 10:25

Wù bìnèr jii, «Mò‑oò sí suuy, la vèn yòʼ a biimé. A vinyo ve m rə́si yii e Tàr wór yir ví kfə̀n din sa mo m dzəə̀n,