Joon 8:55 - ŊWÀʼ NYÙY

⁵⁵ Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Joon 8:55 Referans Kwoze

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Ŋgaà Yen 3:9

M kì wír ve á yoŋ vitú vév ji wír vém veé Juda, aá dzə̀ kév a dzə̀ e Satan ŋgoo. Vèn yú, m wíy yiì, aáwune kiíy ji wír ve m kòŋèné dzə̀ ven vin, e yiì, aáwune wiy, a gbù e věn si.

Joon 8:51

«Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

1 Joon 2:22

Mo vèn kiiyin ne bèy, bo ŋgaà kimboʼtì dzə̀ la lèn? Bó yòʼ dzə̀ wír wo wù kinèn ji bó Jesus yòʼ dzə̀ *Mfə̀ə́r wo Nyùy‑iì tumen a? A wìr woo shooy dzə̀ Ŋgaà Vibàn Kristu. Wù káy Wan Nyùy, kfə̀n káy sa Nyùy woo Tàr wov.

1 Joon 2:4

A wìr suuy ji wun kì Nyùy, a bó wù yòʼ lem nsər sə́, bo wù bóʼti, a bó wù yòʼ koŋ kinyo ke dzəə̀n ke ru kí gheéy.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Lim Aŋgàa Ntum 17:23

Mò‑oo lóo ghan e věn ntèʼ, a leéy virə́ʼ vén vé cù, e dù, e mèé fomóʼó, e yèn, aá sáŋ fó jii, ‹Kirə́ʼ ké nyùy wo bó á yòʼ kiìn.› Nyùy wo vèn sí ghvə́m, a bó á yòʼ kì və̀n, dzə̀ woo shó wo m suuy e vèn lèn.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 10:15

réŋréŋ mo m kiìn Tàr wor, a wù kì sá mo. M nen biìmé kpú, e fò kitú kém fo njiì wom və̀n.

Joon 8:29

Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 6:46

A bó yòʼ dzə̀ ji wìr‑iì yiì ne yèn sí Nyùy Tàr. Kù mày ŋgaà wo wù loòn fo Nyùy wo wù yenen ne sí wun woo Nyùy Tàr.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Jeremia 9:3

Nyùy Tàr suuy jii: «Kimboʼtì ki fəə́ fo áwuné kiliimé, fəə́ feyì mo mvəne fəə̀ fó kinte. Áwune tàv a dzə̀ é kimboʼtì, suuyrú nen mày fo wòŋ. Á yii jay e kintuŋ kintuŋ, aá yòʼ kfə̀n kiiy mo.

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

1 Joon 1:6

Kí nén a dzə jii, a wìr suuy ji wùn Nyùy dzə̀ kintatì, kfə̀n ghán e ndzə ye sənér, bo ŋgaàŋ bóʼti. Wù yòʼ dzəə́ yii kinyo ke Nyùy yén ji ke ru kí.