Joon 8:53 - ŊWÀʼ NYÙY

⁵³ À shaà tàr wor Abraham wo wù‑uù kpuun, e kfə̀n shaà sa aŋgàa ntum Nyùy ve á kù‑uù kpúkirì à? À kwaʼtì ji à dzə̀ la?»

Joon 8:53 Referans Kwoze

Joon 4:12

À shaà tàr wor Jakov wo wù‑uù tuŋen rən yee ndzə́v, e lèm e vèr a? Bó wun woo tàr wor yòʼ‑oò ló a no ndzə́v rən, kfə́ə rə́ wùn à nyám sév sí kfə́n a no sa à?»

Ŋwàʼ woó Rom 9:5

aá ràm a dzə̀ fo wír ve vé‑eè súŋnin wùn à Nyùyi. Jesus Kristu woo *Mfə̀ə́r wìy wìy, e lì mbom wìr, á dzəə́ wun a dzə̀ aáwuné ram, a dzə̀ wun wo Nyùy lèmèn lèn ji vitú ve saʼ. Á ku nèn a burí Nyùy ghán sidzə̀m. Amen.

Joon 19:7

Wír veé Juda vìyi bìnèr jii, «A dzə̀ mo yéer yee nsər suuyì, bo wìr və̀n kù kér fó kpu, bìʼ fo wù yoŋ kitú kfə́ ji Wan Nyùy.»

Joon 12:34

Màŋgòŋ nèn a suúy sho jii, «Vèr kì kér fó Ŋwàʼ Nyùy ji *Mfə̀ə́r wo Nyùy‑iì kàʼàn wíy a dzə sho ghán sidzə̀m. À kfə́n a suúy ji á wíy koʼór ŋgaà wo yírí dzəə̀n *Wanwìr e kici moó le? À yoŋ wír və̀n a dzə̀ la?»

Joon 10:33

Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»

Joon 8:58

Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»

Joon 5:18

Kinyo kìy ki màysì, e yiì, vé wòŋe wáa tàʼ, e yuyrí Jesus, bìʼ fo wù‑uù yoŋ Nyùy ji Tàr wov, a dzə̀ ji wù sí fiʼsìn kitú kfə́ wùn Nyùy, a bó yòʼ mày cáʼ ji wù bívir a nsər kishìíy ké bam.

Matio 12:6

M nén a suúy e vèn jii, wìr wùmòʼ dzə̀ fen lèn, a kinyo kfə́ kí kùʼ, e shaà ké lav cù.

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.