Joon 8:51 - ŊWÀʼ NYÙY

⁵¹ «Vèn wáa kiíy rúrú jii, a wìr yú kinyo kém, yii mo kí dzəə̀n, la ŋgaàŋ yòʼ dzəə wìy kpù.»

Joon 8:51 Referans Kwoze

Joon 5:24

«Vèn wáa kiíy rúrú jii, wìr wo wù yú kinyo ke suuy mo, wáy shilív e ŋgaà wo wù tumen mó wùn, sí kér dzəʼə̀m yee là may. Ŋgaàŋ yòʼ dzəə́ wìy nəə́ e nsaʼ. Wù bòy ne fo kpu, e nə̀ə́ e dzə̀ʼə̀m yee là may.

Joon 15:20

Vèn kuúmé kinyo ke mò‑oò suuyin ji bó wàn lìm yòʼ yii kuʼ, shaa tàr wov. Mo vé‑eè sí ban mo, bo kù dzə̀ sá, á wàa bàn ven. A dzə̀ ji vé‑eè yú kinyo kém, bo á wáa yu sa kén.

Joon 6:50

A m dzə̀ kém vifá ve yi ve wìr yí, la wù yòʼ dzəə wìy kpù.

Ŋwàʼ Luk 2:26

a kí‑iì tòʼ ne sho ji wù kù wíy yen *Mfə̀ə́r wo Nyùy‑iì kàʼàn, e bóo kpu.

Hibru 11:5

A kù dzə̀ sá mo Enok‑iì dzə́, wáy shilív a dzə̀ e Nyùy wùn, wù nèn wìy lò, e lì wun e yuv e tin. Wù kù‑uù sàsìn, e lày làyìn, la á yòʼ dzəə yèn, bìʼ fo yì‑iì liìn Nyùy wun. A vé‑eè sàŋ é Ŋwàʼ Nyùy jii, Enok‑iì sí dzə́, a Nyùy shéʼri liì və, e bóo wìy lì wun e yuv.

Nsùyrì Nyùy 89:48

Dzə̀ la wo dzə̀ wù shìíy, e làa yòʼ wìy kpu? Dzə̀ la wo a ghán sí ghèén, wù tèn fóo dù e mbòʼlaʼ?

Joon 8:55

Yii bèy, a bó vèn yòʼ kì wun gheéy. Kù kì mo. A m lò, a shaʼnín ji bó m yòʼ kì, bo m dzə̀ ŋgaà kimboʼtì sa moo ven. M kì wun feyì, a m yú kinyo kfə́, lemè.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Matio 16:28

A m suuy e vèn rú jii, wír ámóʼó tíy fèn lèn, a bó á yòʼ wíy kpukír, a bó á yén, a ŋgaà wo yírí dzəə̀n Wanwìr və̀n sí wiy ji wun wáa saʼ vifon və́.»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 17:6

«Mò‑oò ló a dìn mo wò woo Tàr wor dzəə̀n e wír ve wò‑oò shoʼon fo veé ndzə fèn, e fò ji vémé. Kù‑uù kér wò wír vee shoon, e bóo fo ji vém. A vé‑eè lo yù kinyo ké, e kù nèn lèm.

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.