Joon 8:48 - ŊWÀʼ NYÙY

⁴⁸ Wír vìyi nèn lò, a kuùrì kuùrìn jii, «Vèr ku lò sùúy rú ji à dzə̀ á rim woó *Samaria, *nyùy wùmòʼ jívir wò.»

Joon 8:48 Referans Kwoze

Joon 7:20

Wíri bìnèr jii, «À dzə̀ ben, a nyùy wùmòʼ jívir vifií vé. Wìr wo wù taʼ ji wun yúyrí wò dzə̀ la?»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Joon 10:20

Wír aníne wáa nyàysì jii, «Wù dzə̀ ben, a *nyùy wùmòʼ bvəər vifií və́, wìr baá baán, aá yuúri ka fó kinyò ke wù suuyì?»

Joon 4:9

Wiíy və̀y dzə́r e Jesus jii, «À dzə́ wír woó Juda, a m dzə̀ kém woó *Samaria, aà kfə̀n lón mendzə́v fo mò móo le?» A wù suuy bèy, bìʼ fo wír veé Judàa kù‑uù nyáŋsi veé Samaria nyáŋsín.

Matio 15:7

Vèn dzə̀ abìnbìnteʼnsə́m. Aysaya‑aà lo tòʼ rú mo liì won dzəə̀n. Wù‑uù sùúy ji Nyùy suuy a jii:

Matio 12:24

Wír veé mbìv *Farasi ámóʼó yú mo wíri gháynin bèy, e nèn a toyír ji fó a *Beseber wo dzəə̀n fon anyùy vitaáví e Jesus, bo wù wáa kàntì anyùy, aá wáa màʼtì wíri.

Matio 10:25

Wàn lìm yii li kinyo a dzə̀ ké tàr wov, wánlè wìr ké ŋgaà lav. Mo á sí yoŋ mo wo m kér ven ji Satan, bo kén ke dzəə̀n wón vém kí wíy màysì, e fòy fòyìn.

Matio 10:5

Jesus túm áwune, e sùúy jii, «Vèn du, lóo ghan, lá vèn yòʼ a dù fo vitúm ve bó yòʼ dzəə̀n wír veé Isray vi. Lá vèn yòʼ a nəə́ sa e wír veé Samariàá ŋka.

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Ŋwàʼ woó Rom 15:3

Vèn kì sá jii, Jesus Kristu yòʼ‑oò ló a yiì vinyo a ji kú a yu wun vijuŋ. Wù‑uù biìmé kfə́ a dzə̀ kinyo ke vé‑eè saŋen jii, «Liy se vé‑eè shur Nyùy sho si bìnkìr, e kfə̀n a dzə̀ e mǒ kitu.»

Joon 13:13

Vèn yoŋ mo ji Tàr, kfə̀n yoŋ ji Ŋgaà Yèʼéy, a vèn yoŋ réŋ. Dzə̀ rú mo m dzəə̀n.

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»

Hibru 13:13

Vèsən ku nèn fəə̀sín sa fo ntèʼ ye dzəə̀n vinyo veé nsay fèn, e dù, e tàtí vèsən à Jesus, e yùtí sa mo vé‑eè shoor wun.

Matio 12:31

M nén a suúy e vèn jii, a dzə̀ Nyùy wìy làysìn vinyo ve bi ve wíri buʼtì vidzə̀m, e kfə̀n làysìn sa liy se á kuurì wun sho, a bó yòʼ dzə̀ wù wìy làysìn ké wìr wo wù kuu a dzə̀ Kiyoy ke Ranén kí.

Matio 11:18

A kù dzə̀ mo vé‑eè tuʼùr Joon. Wù‑uù wìy, e làa yòʼ a ghan, a yinín, a nonín, á wáa kuù ji ŋgaà ŋgoo Satan.

Joon 1:19

A Joon‑eè lo fìʼtì wír wo dzəə̀n Jesus Kristu və̀n. Yì‑iì dzə̀ é ghan símóʼ sí, atǎr wòŋ veé Judàa túm atàá cù ámóʼó fó Jerusalem wùn à wír veé ram Levìi ji á du, e yèn Joon, e dzə̀r shó a jii, sà dzə̀ wun la á?

Joon 8:22

Vé wòŋe nèn a ghaynín jii, «Wù yíi yuyrí kitú kfə́ yuyrín a, e bó a suúy ji bó yòʼ dzə̀ vèsən wìy fo wù du?»