Joon 8:47 - ŊWÀʼ NYÙY

⁴⁷ Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Joon 8:47 Referans Kwoze

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

1 Joon 3:10

Kinyo ke kí din jeéyjeéy fo wón Nyùy wùn à vé Satan ki dzə̀ jii, wír ve bó á yòʼ yii kinyo ke ru kí, a bó á yòʼ koŋ afə́r véví yòʼ dzə̀ á wón Nyùy gheéy. Vee shooyi dzə̀ vé Satan.

Joon 8:45

Vèn nén a ten kinyo kém, bìʼ fo m suuy a dzə̀ kinyo ke ru kí.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 6:65

Wù kfən sùúy jii, «Kù dzə̀ kinyo ke kí yiìn, bo m suúy ji bó yòʼ dzə̀ wìr wìy ji wun yén mo, a bó bánrí Tàr wor ŋgaàŋ.»

3 Joon 1:11

Ŋkàr yèm, lá à yòʼ bìʼnìn liì wo bi. Kú a bìʼnìn a dzə̀ wo juŋ, a kiíy jii, wìr wo wù kér liì wo juŋ dzə̀ á wo dzəə̀n wan Nyùy. A bó wìr wo wù kér liì wo bi yòʼ fə̀m kì Nyùy gheéy.

1 Joon 5:1

Vèn wáa kiíy jii, wìr dzə̀m wo wù biíme ji Jesus dzə̀ *Mfə̀ə́r wo Nyùy‑iì tumen dzə̀ wo dzəə̀n wan Nyùy. Vèsən kì jii, wìr lóo kòŋ wír, bo wù koŋ saa wan wìr woo shooy.

Daniel 12:10

Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Joon 12:48

Wìr wo wù méŋ mo, káy kinyo ke m fiʼtì, sí kér kinyo ke kí wíy saʼ wun e kishiíy ke á wíy a tinén nsaʼ se wìr dzə̀m, a kù dzə̀ jí see shooy se m fiʼtì.