Joon 8:46 - ŊWÀʼ NYÙY

⁴⁶ A bó yòʼ dzə̀ wìr fo vèn dìn kinyo ke mò‑oò yiìn ne jày. Mo m suuy a dzə̀ kinyo ke dzəə̀n ke ru kí, yiì ka, bo vèn tén fó biimé?

Joon 8:46 Referans Kwoze

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Joon 14:30

A bó m yòʼ dzəə́ yìi rəsí, a suŋnín vèsən, a dù kwaʼda. Fòn wo wù sáʼ ndzə rə̀n sí wiyì. A bó yòʼ dzə̀ ji wù kér vitaáví ve dzə̀ wù yiì kinyo e mò.

Joon 8:7

Á ku nèn a tiy fo, a soòsì. Wù yiì lò, e nàn kitú, e bìnèr jii, «Vèn li ri, a yuyrí e tíyí, é ku yòʼ tòmbìy tsə̀m wír wo bó wù yòʼ‑oò yiì ne yiì kinyo ke bi kí.»

Maak 11:31

Áwune nèn a kìŋnìn jii, «A vèsən bìnèr ji kí‑iì lò fo Nyùy, é wù nèn dzə̀r ji sà‑aà yiì ka lèn fo vèsən biímé kinyo ke Joon á?

Matio 21:25

Wù nèn dzə̀r jii, «Kinyo ke Joon‑eè fiʼtì, wáy wíri é ndzəv kí‑iì lò fo Nyùy moo fo wìr a?» Áwune yú kee shooy, e nèn kèʼ, a kìŋnìn jii, «A vèsən bìnèr ji kí‑iì lò fo Nyùy, é wù nèn dzə̀r jii, sà‑aà yiì ka lèn fo vèsən biímé kinyo ke Joon á?

1 Pita 2:22

Wù yòʼ‑oò lo yiì yiì kinyo ke bi kímóʼ kí gheéy, a bó wù yòʼ‑oò lo yiì sùúy kinyo ke kisaŋ ki fo wùn shuù.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

2 Korin 5:21

Mo vèsən‑eè kér lòn, Nyùy nèn bàʼtí vinyo vesən ve bi ví, e siìr a dzə̀ e Kristu kitu. Kristu, a bó wù yòʼ kér jay wo dzəə̀n və́ə gheéy. A wù‑uù yii bèy, ji vèsən táti vèsən à Kristu, é vèsən wáa dzə sa là jay moo wun woo Nyùy.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Joon 16:8

Wù wíy wìy, é wù din e wír veé ndzə fène mo áwune jáy, e bó a meŋ kinyo ke dzəə̀n ke bi kí, a meŋ ke ru kí, e kfə̀n a meŋ lǒn vinyò ve bi ví.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»