Joon 8:43 - ŊWÀʼ NYÙY

⁴³ Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 8:43 Referans Kwoze

Joon 5:43

M wìy ne lèn, a suúy ji tùm Tàr wor mo, la vèn yòʼ a yuurí kinyo kém gheéy. Vèn lóo yìi yen, a wìr wùmòʼ wíy, a suúy kinyo ji suuy wun, é vèn nèn a yuurí.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Lim Aŋgàa Ntum 7:51

Tefan fèr bèy, e sùúy jii, «Vèn tàv kitú e ŋàŋ, a melív men wùn à vituʼùr vén ví dzə̀ vé wìr ve bó á yòʼ kiìn Nyùy. Vèn kfə̀n tén fó a yu Kiyoy ke Ranén kí, yii kinyo, a kù dzə̀ ke atàr véné‑eè yii.

Joon 6:60

Aŋgaà və́ ŋgoo yuúri yéʼéy rə̀n, kùʼùn wìr nèn lò, a nyàysì ji lám vəə́ tàv á feyì. Bó yòʼ dzə̀ wìr rə̀sí, a yuurí a kinyo kee ben.

Joon 8:27

Wù suúy bey, la á yòʼ kìíy ji wù yoŋ ŋgaàŋ a dzə̀ á Nyùy woo Tàr wov.

Jeremia 6:10

M nèn yòŋ jii, «M yíi suŋnín, e kàntì a dzə̀ la, é bo wù wáa yuurí? Leéy, e yèn, áwune sə̀tí ne vituʼùr vév, yòʼ dzə̀ á kfə̀n yuùrí. Kinyo ke Nyùy suuy ki sì fo áwune ji kilélé, aáwune yòʼ dzəə́ yén ji lùŋfófo dzə̀ á sho.

Ŋgàn 28:5

Wír ve bií yòʼ yii kiiy kinyo kee tínén é nsànloŋ, yii bèy, a wír ve á ghvə́m Nyùy Tàrí kì kee shooy feyì kidzə̀m.

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

Aysaya 6:9

Nyùy Tàr nèn sùúy ji m du, e yòŋ a e wír veé Israyi jii: «Vèn kú a yuurí yuurín, yii bèy, vèn yòʼ ló a yu. Vèn wáa leéy leeyín, yii bèy, vèn yòʼ ló a yen.»

Mayka 4:12

Yii bèy, vitúm vìn vi yòʼ kì kinyo ke Nyùy Tàr kér e wun shiliv. Bó áwune yòʼ kì antaŋ ve wù bá. Bó á yòʼ kì ji wù bàʼtí áwune, e kùr moo mbeʼ sàŋ, mbeʼ sàŋ, ye á kurin, a dù sho ji á búʼ é riimé.

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Ŋwàʼ woó Rom 3:11

A bó wìr yòʼ dzə̀ wo wù kiìn vinyo ve dzəə̀n ve ru ví, kìn wo wù taʼ, e kiíy Nyùy.

Matio 13:15

A yiì melív me wìr vìn me mè lùrìn ne. Áwune kfən sə̀mrì vituʼùr vév, e kfə̀vtí sí yév. Aá yii bèy, fo sí yéví wáa yen, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.›

Joon 5:25

Vèn kfə́n a kiíy rú jii, ghán sí wíy gheén, a sí sì é kiwo, é wír ve á kpukin nee yú mo jì Wàn Nyùy yoŋ áwune, é wír ve á yuun adzə̀me luŋ.

Joon 8:33

Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»

Joon 8:39

Á nèn bìnèr jii, «Tàr wor kù dzə̀ Abraham.» Jesus suúy aáwune jii, «A vèn kì dzə̀ rú rám Abraham, bo vèn kù yii vinyo, a dzə̀ ve wù‑uù yii.