Joon 8:42 - ŊWÀʼ NYÙY

⁴² Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 8:42 Referans Kwoze

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Malakay 1:6

Nyùy Tàr woo Taà Mànjòŋ yoŋ aàtàá cù ve á káy wune jii, «Wóné kù yii lo, á wàa ghvəm atàr vév, aàkwàné yii ghvə́m atàr vév lìm. A fèn dzə̀ rú ji m dzə̀ tàr won, bo ghvə́m ye vèn fó e mòó bèé? Wáa dzə rú ji m dzə̀ tàr won lìm, bo yúnín ye vèn yúnin moó bèé? Yii bèy, vèn ló kén, a dzər e mò jii, ‹Vèr kày wò e dzəə rəné?›

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

1 Joon 4:14

A ver vee aŋgàa ntume‑eè lo yèn sá Wán və wo wù‑uù tumen é nsay fèn ji wù wiy, e tìn wíri fó lòn.

Joon 5:43

M wìy ne lèn, a suúy ji tùm Tàr wor mo, la vèn yòʼ a yuurí kinyo kém gheéy. Vèn lóo yìi yen, a wìr wùmòʼ wíy, a suúy kinyo ji suuy wun, é vèn nèn a yuurí.

1 Korin 16:22

a tir ven jii, a wìr dzə̀ làa yòʼ a kòŋ Tàr wòsən Jesus, bo lǒn Nyùyi dzə̀ á e ŋgaàŋ kitu. M nén a lon ji Tàr wòsən Jesus ku kfə̀n á cér.

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 5:23

é wìr dzə̀m fíʼ a ghvəm Wán və réŋréŋ mo á ghvə́m wun woo Tàr. A wìr dzə̀ là fó a ghvəm Wan Nyùy, bo bó ŋgaàŋ yòʼ ghvə́m sa Tàr wov wo wù tumen wun.

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

Galatia 4:4

Ghán sí nèn wìy ghèén se Nyùy‑iì sìysìn ji wun wíy yiì kinyo ke wù‑uù kàʼàn. Wù túm Wán və é ndzə fèn, wù wìy, wiíy wùmòʼ dzəə́ wun, wù wáa dzə sa, a yu a dzə̀ fó nsər réŋréŋ mo vèsən‑eè yú.

Joon 8:14

Jesus bìnèr jii, «A fə̀m naarì mo kitú kém, bo kinyo ke m suuy ki dzə̀ rú. M kì fo m loòn, a m kì fo m du, a bó vèn yòʼ kì.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 16:30

Vèr kìíy ne lèn ji à kì vinyo vidzə̀m, a bó shií yòʼ dzə̀ə́ wo wìr rə́sí, a sòv wò sóvin, a vèr biìmé ne lèn ji wò‑oò lò rú fo Nyùy.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.