Joon 8:40 - ŊWÀʼ NYÙY

⁴⁰ M fiʼtì kinyo e vèn a dzə̀ ké ru kí, a m yù a dzə̀ fo Nyùy, a vèn kù taʼ ji á yúyrí mo yúyrín, a bó yòʼ dzə̀ mo Abraham‑eè yii.

Joon 8:40 Referans Kwoze

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Galatia 4:29

A kinyo ke kí‑iì kooyin é ghan see shooy ki dzə̀ kíwun ke kí kooy lèn. Wan wo vé‑eè dzəən mo á yii dzəə wán‑eè lò, a bàn wo yì‑iì foon Kiyoy ke Nyùy vitaáví, é bo á dzəə́.

Galatia 4:16

M kfə̀n ne lèn ji ŋgaà won vibàn, bìʼ fo m suuy a dzə̀ kinyo ke ru kí e vèn a?

Ŋgaà Yen 12:17

Wù yén bey, e màysì, e shwìíy kilòŋ fo wiíy və̀y, e nèn fəə̀ ji wun du, e kèʼ rə́r, a màʼ kfə́ə wiíy woo shooy ye yí berin, a dzə̀ áwune ve á lem nsər se Nyùy, tíy a dzə̀ é kinyò ke Jesus.

Ŋgaà Yen 12:4

Kigàgǎʼsòŋ kin ki wáa tsənsí kún, a yèr yúv shó, mejiy mè wáa kerkír, a gbù fo nsay. Mejiy mè lóo dzə metaár, wù kèr shee shimòʼón. Wù yèr bèy, e nèn wìy, e tìím e wiíy wo wù lúm və̀y si ji wù dzəə́ wán, é wun wàá mey.

Ŋwàʼ woó Rom 4:12

Wù kfə́n a dzə wo wìr ve naŋsíné, a kù dzə̀ vee shó ve á wáy shilív e Nyùy wùn réŋréŋ mo tàr wòsən woo Abraham‑eè wayin, é bo á wìy a naŋsín wun, a bó yòʼ dzə̀ ve á kù náŋsin nàŋsín cáʼcáʼ.

Joon 8:56

Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»

Nsùyrì Nyùy 37:32

Wír ve á méŋ Nyùyi nyáʼti, shwéʼ ve á yúnin Nyùy. Á kù taʼ dzə́ə yée yuyrí wír Nyùy sho yuyrín.

Nsùyrì Nyùy 37:12

Wír ve á méŋ Nyùyi ron wuú wìr ve á yúnin wun. Áwune ŋéyti sóŋ kibiíbí, kiʼ wír ve á yúnin Nyùy sho.

Joon 7:1

Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.