Joon 8:39 - ŊWÀʼ NYÙY

³⁹ Á nèn bìnèr jii, «Tàr wor kù dzə̀ Abraham.» Jesus suúy aáwune jii, «A vèn kì dzə̀ rú rám Abraham, bo vèn kù yii vinyo, a dzə̀ ve wù‑uù yii.

Joon 8:39 Referans Kwoze

Galatia 3:7

Vèn yén ri sa lèn ji dzə̀ wír ve á wáy shilív e Nyùy wùn ve dzəə̀n rú rám Abraham.

Ŋwàʼ woó Rom 9:7

Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.»

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Matio 5:45

Vèn lóo yiì bèy, é vèn nèn a dìn ji vèn dzə̀ rú wón Tàr won wo wù dzəə̀n é yuv. Dzə̀ wun wo wù yii, a ndzə rán wír adzə̀m. Yì rán sa wír ve á yii vinyo ve bi ví réŋréŋ mo yì rán ve á yii ve juŋ vi. A kù dzə̀ mo wù yii, a wuú ló e wír ve á méŋ wuné sum réŋréŋ mo yí ló e ve á yú wuné sum.

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Galatia 3:29

Mo vèn siìn wír Kristu wo dzəə̀n rám Abraham yee rú, bo vèn sì sá rám yee shooy, a mbùʼmé wo Nyùy‑iì kàʼàn Abraham sho sì wóon.

Ŋwàʼ woó Rom 4:16

Kinyo ke kí yii, bo Nyùy wáa kàʼ wír e kifa a dzə̀ wo wù wáy shilív e wun wùn, kí dzə̀ jii, wun din á ji ŋkàʼmé və kù dzə̀ mbùʼmé, a wun buʼ wír sho kisáŋ, e kfə̀n a dìn sa jii, wù dzə̀ á fo wìr dzə̀m wo wù wáy shilív e wun wùn réŋréŋ mo Abraham‑eè wayin. A bó yòʼ dzə̀ fo wír ve á kér nsər se Mooseri cáʼcáʼ. A dzə̀ wun woo Abraham wo dzəə̀n tàr wòsən vee wír Nyùy adzə̀m

Ŋwàʼ woó Rom 4:12

Wù kfə́n a dzə wo wìr ve naŋsíné, a kù dzə̀ vee shó ve á wáy shilív e Nyùy wùn réŋréŋ mo tàr wòsən woo Abraham‑eè wayin, é bo á wìy a naŋsín wun, a bó yòʼ dzə̀ ve á kù náŋsin nàŋsín cáʼcáʼ.

Joon 8:33

Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Joon 8:56

Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»