Joon 8:38 - ŊWÀʼ NYÙY

³⁸ M fiʼtì vinyo a dzə̀ ve mò‑oò yenen e Tàr wór laʼ, a vèn yii kén vinyo a dzə̀ ve vén vee atàrí‑iì dànèn ven shó.»

Joon 8:38 Referans Kwoze

Joon 5:19

Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,

Joon 8:44

Tàr won dzə̀ Satan, a vèn nèn wáy vifií a dzə̀ é vinyò ve koŋ wóon woo tàr. Wù kù‑uù sì rim kèʼ fo ŋgùʼ, ban kinyo ke ru kí bánen, bìʼ fo wù yòʼ kér kinyo ke ru kí e wùn shiliv gheéy shishàr, e bó a dor. Wù lóo boʼtí kinyo, bo kù dzə̀ nóliì və, bìʼ fo wù dzəə̀n kfə́ ji ŋgaà kimboʼtì, a yì‑iì kèʼ wun kimboʼtì kidzə̀m.

Joon 8:41

Vèn yii kinyo a dzə̀ ké wóon woo tàr.» Áwune nèn sàyín jii, «Vèr yòʼ dzə̀ atáfójiy, vèr kì tàr wor e mòʼón, a dzə̀ Nyùy.»

Joon 5:30

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Joon 14:24

Wìr wo wù yòʼ koŋ mo, yòʼ lem kinyo kém. A bó kinyo ke vèn yú fo mò kí yòʼ fə̀m dzə̀ kém. Dzə̀ ké Tàr wor wo wù tumen mo.

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Joon 3:32

wù nén a fìʼtì sa a dzə̀ vinyo ve kù‑uù yén wun, kfə̀n yú e vituʼùr və́ ví. A bó wíri yòʼ fə̀m biíme kinyo kfə́ gheéy.

Joon 17:8

Mò‑oò lo tiìsí vinyo ve wò‑oò tumen mo shó aáwune vidzə̀m, áwune biímé, e nèn kìíy rú ji m lò a dzə̀ fo wò, a yiì tùm wò mo.

Matio 3:7

Wù lòo yen, a wír veé mbìv *Farasi wùn à veé mbìv *Sadusìi wiy sa ji wù wáy áwune é ndzəv, wù yòŋ aáwune jii, «Abúv vìn, tìr la ven, bo vèn wáa wìy, a kwàʼ ji dzə̀ vèn bòy fó ŋgeʼ ye Nyùy wíy màʼ e věn kitu?