Biblia Todo Logo
Bib sou entènèt

- Piblisite -




Joon 8:37 - ŊWÀʼ NYÙY

37 M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Gade chapit la Kopi




Joon 8:37
22 Referans Kwoze  

A bó yòʼ dzə̀ wír wo wù buŋen Kiyoy kee shoon fo wùn shiliv, wù wáa kòŋ fó koóy ambùʼmé ve Kiyoy ke Nyùy ki din vìn. Wù lo kfə́, wù nèn a yen ji vinjeenjèm ve vinyò. A bó yòʼ dzə̀ wù kìíy mo á dzəə̀n, bìʼ fo kù yii Kiyoy ke Nyùy, bo wìr wáa kiíy.


Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.»


Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.


Áwune yú kee shooy, e nèn tàyrí tíy ji á yúyri wun sho. Yii bèy, Jesus bìn, e lày, e fəə̀ fó maàndzə lav cù fèy.


Por kfən yòŋ áwune jii, «Afə̀r vem, ven vee rám Abraham, e lì wír ve á ghvə́m sa Nyùy adzə̀m, Nyùy‑iì tiìsí ntum yee mo á wíy lùŋ rə̀n a dzə̀ e vèsən.


Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.


Kèʼ fo kishiíy fóo fèy, vé wòŋe nèn a shweʼ mo dzə̀ á yiì, e bóo yuyrí Jesus,


Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»


Wíri nèn kfə̀n tàyrí tíy ji á yúyri Jesus sho.


Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.


Jesus wáa suŋnín bèy, wír veé Jerusalem foo fèy ámóʼó wáa ghaynín jii, «Wìr wo á taʼ ji á yuyrí və̀ne lèn,


A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.


A yiì melív me wìr vìn me mè lùrìn ne. Áwune kfən sə̀mrì vituʼùr vév, e kfə̀vtí sí yév. Aá yii bèy, fo sí yéví wáa yen, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.›


Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»


Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.


Abraham woo tàr à ràm yén‑eè ló a njèʼ feyì ji wun ku yèn ghán se m wiyì. A wù‑uù lo yèn, a sheʼrí.»


M nen sàŋ, bìʼ fo ven vee wón vémé kiiyin ne Tàr wòsən wo dzəə̀n Nyùy, ven ve siìn atàrí kiíy wun woo Nyùy wo wù‑uù siìn, bo ndzə wìy a kèʼ, a ven vee wàʼbìn dzə̀ rú antav. Vèn tíy kén a dzə̀ e Nyùy kinyò, e kfə̀n sò Satan woo ŋgaà vinyò ve bi ví.


Swiv nou:

Piblisite


Piblisite