A bó yòʼ dzə̀ wír wo wù buŋen Kiyoy kee shoon fo wùn shiliv, wù wáa kòŋ fó koóy ambùʼmé ve Kiyoy ke Nyùy ki din vìn. Wù lo kfə́, wù nèn a yen ji vinjeenjèm ve vinyò. A bó yòʼ dzə̀ wù kìíy mo á dzəə̀n, bìʼ fo kù yii Kiyoy ke Nyùy, bo wìr wáa kiíy.
Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.»
A bó yòʼ dzə̀ vèn wày shilív e mǒ wùn, bìʼ fo vèn koŋ fó a yiì vinyo a dzə̀ ve wáa binsí wíri, e làa yòʼ a leéy ji wáa binsí Nyùy wo kù jòʼsìn wun ji Nyùy.
A yiì melív me wìr vìn me mè lùrìn ne. Áwune kfən sə̀mrì vituʼùr vév, e kfə̀vtí sí yév. Aá yii bèy, fo sí yéví wáa yen, é vituʼùr vév ví wáa yu, é melív mev mè wáa səə̀m kinyo, aá binkir, é m fer áwune.›
M nen sàŋ, bìʼ fo ven vee wón vémé kiiyin ne Tàr wòsən wo dzəə̀n Nyùy, ven ve siìn atàrí kiíy wun woo Nyùy wo wù‑uù siìn, bo ndzə wìy a kèʼ, a ven vee wàʼbìn dzə̀ rú antav. Vèn tíy kén a dzə̀ e Nyùy kinyò, e kfə̀n sò Satan woo ŋgaà vinyò ve bi ví.