Joon 8:36 - ŊWÀʼ NYÙY

³⁶ Kí nén a dzə jii, a tìn Wán wo dzəə̀n ji wo Nyùy ven fó vikwàn, bo vèn bòy ne ŋkuuŋkùŋ.

Joon 8:36 Referans Kwoze

2 Korin 3:17

Dzə̀ Tàr wòsən və̀n wo Kiyoy ke Ranén kí dzəə̀n e wùn kiwo, a wìr wo wù sí yú fo Kiyòy ke Kristu kìn bòy ne fo nsər ye dzə̀ yì kùr wír kúrín.

Galatia 5:1

Vèn wáa kiíy jii, Kristu‑uù fə̀ə́r ne vèsən fó vikwàn vee bìʼ nsər ji lá vèsən yòʼ dzə́ə a rèŋ vikwàn. Vèn ku nèn a tiy rì ji wír ve á bòyìn ne, e làa yòʼ biimé ji vèn kfən kfə̀n ji akwàn.

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Ŋwàʼ Luk 4:18

«Kiyoy ke Nyùy Tàr kí shiy mo, bìʼ fo kí yoʼon ne mo, e tùm ji m wáa fìʼtì sáʼka wo juŋ e vé ŋgeʼe, a tiisí e wír ve á koon é shùu rərí ji á yíi bòyìr áwune fó vikwàn, e kfə̀n a fìʼtì aàmfìri ji á wíy mvə̀ʼtì sí yév. Kí kfən tùm mo ji m fəə́r wír ve á nəʼsì áwune fó ŋgeʼ,

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Nsùyrì Nyùy 119:133

Mo wò‑oò kàʼàn, kú a kìŋsìn mo fo m gbu. Ku yiì, é la kinyo ke bi kí yòʼ sò mo.

Nsùyrì Nyùy 119:32

M kù yíi a jùmrì, a yeʼéy nsər sé, bìʼ fo à yíi a dzə̀sì vifií vém.

Nsùyrì Nyùy 19:13

Kìm mo fó yìíkum. Lá à yòʼ màʼtì, é wù sum mo. M rán fo fo, é m wiy a dzə là nsem, e bàʼàr njò yee bìʼ yii ye bií.

1 Korin 7:22

Vèn wáa kiíy ji wìr wo Nyùy‑iì liìn, a dzə̀ kwǎn wìr sì á wan wòŋ lèn e mvə̀m kinyò ke Tàr wòsən Jesus Kristu. A wo Nyùy‑iì liìn a dzə̀ wan wòŋ, kfə̀n ne lèn a ji kwǎn Kristu.