Joon 8:34 - ŊWÀʼ NYÙY

³⁴ Jesus bìnèr jii, «Vèn wáa kiíy rúrú jii, wìr wo wù yii vinyo ve bi ví dzə̀ kwǎn vinyò ve bi ví.

Joon 8:34 Referans Kwoze

Ŋwàʼ woó Rom 6:16

Vèn kì sá jii, a wìr fò kitú kfə́ e wìr ji kwǎn ŋgaàŋ, wù kù a yu a dzə̀ fó fo. Dzə̀ sá réŋréŋ mo wìr fó kitú kfə́ é vinyò ve bi ví, wù kfə̀n ji kwǎn vinyò ve bi ví, a ví kù danèr wun a dzə̀ é kpu ye dzəə̀n yee ŋkuuŋkùŋ. Wìr wo wù foon kfə́ kee kitú ji wun kú a yu a dzə̀ fo Nyùy nén a dzə wo Nyùy li ji və́ə woo wír.

2 Pita 2:19

Á yéʼey jii, wíri lóo yiì bèy, aá nèn bòy fo nsər se sí kúr áwune, a dzə a fo áwuné vitu. A bó áwune vee aŋgàa yeʼéy vìyi yòʼ fə̀m dzə́ fo áwuné vitu mo á kwaʼtì. Á reŋ a dzə̀ vikwàn fó vinyò ve bi ví, bìʼ fo wìr yii fó kitú e kifá ki, bo wù sì kwǎn kifa kee shooy.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Ŋwàʼ woó Rom 6:12

Vèn ku nèn lì rì vitú vén ví bey, é la vèn yòʼ dzəə màʼtì, é vinyo ve bi ví wáa dànèr viŋgà vé wùn wo vèn dzəə́ kér lèn, é vèn wáa yiì vinyo ve mensə́ me mè lim sho mè taʼà.

Ŋwàʼ woó Rom 6:6

Vèsən kì ji ké liì wòsən wo mvə kí dzə̀ á jii, mo vèsən à Kristu tatin ne, bo dzə̀ ji vèsən à liì woo shoon kpù ne vèsən à Kristu e kici ké kintam. A vèsən kpù bey ji mensə́ me mè‑eè lim e vèsə́n wùn, aá yii vinyo ve bi ví mè may, é vèsən boy fó vikwàn ve vèsən‑eè reŋ fo vinyò foo fèy.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Efesor 2:2

Vèn‑eè yú kinyo a dzə̀ ké fòn *anyùy, nèn yii kinyo a dzə̀ keé ndzə ye kér wun rə̀n. A dzə̀ wun wo wù sáʼ vifá ve ví ghán e shwer ji anyùy vidzə̀m, a ghán wun lèn, danèr wír ve á méŋ Nyùy adzə̀m, aá yii vinyo ve bi ví.

Ŋwàʼ woó Rom 7:25

Kinyo ke dzə̀ m yiì fo mǒ vitaaví kí kù dzə̀ cáʼ jii, m wáa binsí a nsər Nyùy fo mǒ shiliv, a bó yòʼ dzə̀ m wàa yiì mo yì suuyì. Mensə́ mem mè sí tíy a dzə̀ é nsər yee ji m wáa yiì a vinyo ve bi ví. A m kì ji Nyùy sə̀ ne a mo, Tàr wòsən Jesus Kristu fəə́r mo fó lòn fen. M nén a beèrì Nyùy fo kee shooy ki féyì.

1 Afòn 21:25

Ké ru kí, wìr wùmòʼ yòʼ kfə̀n‑eè dzə̀ shó wo wù‑uù yiìn vinyo ve vi wáa bir Nyùy Tàr, e fiìnè kitú kfə́ moo Fòn Ahav. A kù‑uù domsì wíiy və wun.

Ŋwàʼ woó Rom 7:14

Vèsən kì jii, yii fó Nyùy nsər a ji yì wáa dànèr shilív shé wìr. A m dzə̀ kém ji wír wo mensə́ mè lim e wùn wó, ŋáʼar shilív sə́, a wù reŋ vikwàn fó vinyò ve bi ví.

Lim Aŋgàa Ntum 8:23

M yén ji kighèʼ ki bìvír ne shilív shé, aà sì kwǎn vinyò ve bi ví.»

Joon 3:3

Jesus bìnèr jii, «Kú a kiíy rúrú jii, bó yòʼ dzə̀ wìr shòv sáʼ Nyùy e si, a bó á kfən dzə̀ə́ ŋgaàŋ dzəə́n ji wír wo fíy.»

Matio 5:18

Vèn wáa kiíy rú jii, kèʼ mo yúv wùn à nsay wíy a dzə sho, e dù, e meé e ghan se ndzə wíy mày, bó yòʼ dzə̀ shinyorìn she nsər rə̀n dinè, a shí fə̀m dòr moó le, shí wìy tùm fó nsay, a bó kí yoʼ ghèén mo yì suuyì.