Joon 8:33 - ŊWÀʼ NYÙY

³³ Á nèn njàʼàm jii, «Vèr dzə̀ rám Abraham, a bó vèr yòʼ‑oò yiì rèŋ vikwàn fo wìr gheéy. À wáa suúy ké ji vèr wíy bòy fo vikwàn a dzə̀ viné ví?»

Joon 8:33 Referans Kwoze

Matio 3:9

Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. A dzə̀ Nyùy lì tíy sin, e bìnèr ji rám Abraham.

Joon 8:39

Á nèn bìnèr jii, «Tàr wor kù dzə̀ Abraham.» Jesus suúy aáwune jii, «A vèn kì dzə̀ rú rám Abraham, bo vèn kù yii vinyo, a dzə̀ ve wù‑uù yii.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Kèʼlo 15:13

Nyùy Tàr suúy shó jii, «Á kiíy feyì feyì jii, rám yée wíy dù, a dzə viŋgwìy e wòŋ wúmóʼó wo bó yòʼ dzəə̀n wóv, e wìy a rèŋ vikwàn fó kiyá ghii kweè, aá wáa nyàvrì aáwune.

Joon 19:25

Jesus wáa ker e kintam bèy, a yè wov wùn fə̀r yè wov woo wiíy tíy fo ghaŋ, à vikìy ámóʼó sá abaà. Wùmòʼ‑oò dzə̀ Maria woo wiíy Kiliopar, wùmòʼ Maria wo yír rə́ yímóʼó dzəə̀n ji Magdalen.

Esra 9:9

Nyùy wor, mo vèr fə̀m dzəə̀n akwàn, bó à yoʼ làysìn ver é mvə̀m vikwàn. Á bèy, à dìn ne koŋ yé ye wiyí e vèr, aàfon veé Persiàa yéné. À kfən yiì, vèr meémé, e bòm lav yè, ye yì‑iì sàʼkìn ne, e kfə̀n kìŋsìn ver é Juda wùn ǎ Jerusalem.

Atǎr Nsaʼ 4:3

Jabin‑eè kér *viténtén vé rər vé kishà vi ghií bvə̀ʼə̀. Wù‑uù nyàvrì e wír veé Israyi kiyá mbaà. Wír veé Israyi nèn lò, a lon ji Nyùy ku sə̀ á áwune.

Atǎr Nsaʼ 3:8

Nyùy Tàr nèn shwìíy kilòŋ, e wày áwune e Kushan‑Rishatayim wo, wo yì‑iì dzəə̀n fon wìr veé Mesopotamia, wù tón áwune. Á nén a dzə e wun sar saʼ, wù wáa nə̀ʼsì áwune e mèé kiyá waamé.

Atǎr Nsaʼ 2:18

Ghán sidzə̀m se Nyùy Tàr‑iì fó tàr nsaʼ e wír veé Israyi, wù kù a tom wun, wù wàa fəə́r wír veé Isray fo aŋgaà vév vibàné wo, á wàa dzə nyaáŋ, e meé mo tàr nsaʼ və̀n‑eè dzəə̀n shó. Nyùy Tàr‑iì lèéy ŋgeʼ se áwune‑eè yén e wír ve vé‑eè nyavrì aáwuneé sar, a rər mendzən mev.

Cù 25:42

Bìʼ fo kér mo wír veé Isray mo mò‑oò fəərin fó wòŋ Ejiv, a bó yòʼ dzə̀ á fiìnè áwune ji akwàn.

Ŋwàʼ Luk 3:8

A dzə̀ vèn kù tòmbìy, a yiì vinyo ve ví wáa dìn ji vèn bìnèr ne rú melív men. Lá vèn yòʼ a kwàʼ kwàʼàn ji vèn kù sì wír Nyùy ji bìʼ fo vèn dzəə̀n rám Abraham. Kee shooy ki yòʼ kér kinyo fo Nyùy. A dzə̀ wù lì tíy sin, e bìnèr ji rám Abraham.

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Ŋwàʼ woó Rom 9:7

Kù dzə̀ réŋréŋ sá mo wír ve á ràmèn fo Abraham bvə̀me yòʼ dzəə̀n wón və́ vee rú adzə̀m. Nyùy‑iì sùúy e Abraham jii, «Á wíy a kiíy rám yé, a dzə̀ fo wan wò woo Aysi.»