Joon 8:32 - ŊWÀʼ NYÙY

³² é vèn nèn wìy kìíy kinyo ke dzəə̀n ke ru kí, é kí yii, é vèn boy fó vikwàn.»

Joon 8:32 Referans Kwoze

Ŋwàʼ woó Rom 8:2

Mo m tatin vèr Jesus Kristu, Kiyoy ke kí fó dzəʼə̀m yee là may ki sí lim e mǒ wùn, a m sí yú lèn a dzə̀ fo rə́ə yee nsər. M bòy ne fo nsər ye yì‑iì lim e mǒ mensə, ŋáʼar vinyo ve bi ví, wáy mo wáyín é kpu.

Joon 8:36

Kí nén a dzə jii, a tìn Wán wo dzəə̀n ji wo Nyùy ven fó vikwàn, bo vèn bòy ne ŋkuuŋkùŋ.

Joon 17:17

Kú a yiì, aáwune wáa kiíy kinyo ke dzəə̀n ke ru kí, a dzə ji wír vé ŋkuuŋkùŋ. Kù dzə̀ jí sé, kinyo ke ru kí.

1 Pita 2:16

Vèn wáa dzə, a yiì vinyo vén moo wír ve Nyùy tinen ne fo lòn, á bóy. Yii bèy, lá vèn yòʼ a kwàʼtì jii, mo vèn bòyìn ne, a dzə̀ vèn wàa yiì a vinyo ve bi ví lèn, là kinyo. Vèn kú a lì vitú vén ji akwǎn Nyùy, aá sí yú a dzə̀ á fo fo.

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Ŋwàʼ woó Rom 6:22

Vèn dzə́ lèn, a Nyùy tín ne ven fó vikwàn vé vinyò ve bi ví. Vèn sì akwàn a dzə̀ vé wun woo Nyùy. Séʼ won woo lèn nén a dzə wo Nyùy sə́ ven, a vèn kér liì a dzə̀ wo wìr və́, du, e nəə́ e dzə̀ʼə̀m yee là may.

Aysaya 61:1

Kiyoy ke Nyùy Tàr woo Taà Ndzə ki shiy mo, bìʼ fo Nyùy Tàr yoʼon ne mo, e tùm ji m wáa fiʼtì sáʼka wo juŋ e vé ŋgeʼe. Wù‑uù tùm mo ji m rəər wír ve melív mev mè seèmèn ne, a tiisí e wír ve á koon é shùu rərí ji á yíi bòyìr áwune fó vikwàn, a tiisí e vé sháŋé ji á sí lo, e fəə́r áwune fó lav sháŋ.

Nsùyrì Nyùy 25:5

Yéʼéy mo, é m fíʼ a ghan mo kinyo ké ke ru kí dzəə̀n. Kù dzə̀ wò Nyùy wo wù luŋèr mo, a m kù rə́si tiir vifií a dzə̀ e wò wùn, tiir e ŋkuùr, tiir kijàvndzə.

Jeem 1:25

Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.

Galatia 5:1

Vèn wáa kiíy jii, Kristu‑uù fə̀ə́r ne vèsən fó vikwàn vee bìʼ nsər ji lá vèsən yòʼ dzə́ə a rèŋ vikwàn. Vèn ku nèn a tiy rì ji wír ve á bòyìn ne, e làa yòʼ biimé ji vèn kfən kfə̀n ji akwàn.

Jeem 2:12

M nén a suúy e vèn jii, vèn lóo suúy vinyo, lóo yiì ve yiìn ví, vèn wàa yiì moo wír ve á kiìn ji Nyùy wíy saʼ áwune é shùu nsər ye Kristu foon ji á wáa lèm, e fíʼ bòy.

Galatia 5:13

Afə̀r vem, Nyùy fə̀ə́r ne ven fó vikwàn ve vèn‑eè reŋ fo nsər. Yii bèy, mo vèn bòyìn, lá vèn yòʼ kù nèn a yiì a dzə̀ mo mensə́ men mè taʼà. Vèn bòy, a kí dzə̀ ji vèn wáa kòŋnìn, e nèn a sənín vitú vén,

Jeremia 6:16

Nyùy Tàr‑iì yòŋ e wír vəə́ jii: «Vèn tiím é mentàrnín, e lèéy. Vèn taʼ dzə́ə a dzə̀ yee tìítiy, a jùmrì, a ghan e mǒ mbòv, mo mò‑oò dìnèn e vèn fó mbìy, é vèn nèn a dzə dzə́ yee nyaáŋé.» Yii bèy, áwune‑eè bìnèr jii, «Vèr yòʼ yíi a jùmrì.»

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Hosea 6:3

Vèsən ku wày vifií a dzə̀ e Nyùy Tǎr wùn, e mùm kitávín ji vèsən kiíy wun kijuujùŋ. Rúrú, wù kù yíi wìy fo vèsən moo shúy ye yì tó kijàvndzə, a wù yòʼ‑óò ndzəy. Wù yíi rəə̀r vèsən moo wuú ye yí loon, nsay rə́, e kù rəə̀r moo wuú mbìyi yeé kimgbù ke wuu.»

Ŋwàʼ woó Rom 8:15

Nyùy yòʼ‑oò lo fò ven shilív a dzə̀ shé kwàn ji á wáa fàn wun fánen. Wù‑uù fò ven shilív, a dzə̀ shé won. Vèsən nén a yòŋrì Nyùy woo Tàr wòsən yóŋrin ji Taàtá, Taàtá.

Joon 16:13

Wun woo Kiyoy ke Ranén kí wíy wìy, é wù yii, é vèn kiíy vinyo ve dzəə̀n ve ru ví vidzə̀m, bìʼ fo kù yii din wun kinyo ke dzəə̀n ke ru kí. A bó wù yòʼ wíy a suúy kinyo ji suuy wun. Wù kù wíy a tiisí a dzə̀ kinyo ke wù yú, a fèr ven vinyo ve ví dzəə́ wìy a koóy.

Aysaya 30:21

Vèn yíi lòo dù e dzəə, lo ji á bin e koy yìyí, kìn e wó ŋkoòvìi, é ven yú jí rə fó bàm, a yì suuy jii, «Dzəə̀ yee réŋ rə̀ne, vèn bin shó.»

Malakay 4:2

Yii bèy, fo ké ven ve á ghvə́m mo kí, kishiíy kee shooy ki wíy a dzə ke m wíy kwàŋrì vinyo tìítiy, e lùŋèr ven. Kí wíy fəəsín moo shúy yee tó kijàvndzə, lóo ban, é vèn wáa yor, a bonén. Bónenè, é vèn wáa liynín, kù moo wan nàʼ wo á sòrìn fó kibìn, wù wáa liy, a dù e kwaʼ.

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

2 Timoti 3:7

Áwune yén wír wo wù ghán ji wun yéʼey kinyo, á kù nèn a gbù gbuùn é wùn wó, kìn ŋgaàŋ dzə̀ la, a bó yòʼ dzə̀ á wìy kìíy kinyo ke dzəə̀n ke ru kí gheéy.

Aysaya 35:8

Á wíy waʼ kimà ké dzəə fó wáʼán. Dzə́ə, aá wíy a yòŋ ji dzə́ə ye yì du fo Nyùy Tàr dzəə̀n. Wìr dzə̀m wo wù kér *kifàn yòʼ wíy tiír kiwuú kfə́ é dzəə fen. Kù jòʼsì wír Nyùy ve á wíy a shaà sho. A wìr fə̀m dzə̀ kiyúŋ moó le, bo bó yòʼ dzə̀ wù wìy jày dzə́ə.

Nsùyrì Nyùy 119:45

a ghan, a wàrkìr, bìʼ fo m yú a dzə̀ fó ntò sé se yeʼéy se à foon e mò.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Ŋgàn 1:29

Áwune tèn ne fó a yeʼéy, e kiíy, á tèn ne fó a yunín Nyùy Tàr.

Joon 6:45

Vé‑eè sàŋ é Ŋwàʼ Aŋgàa Ntum Nyùy jii, ‹Wíy a yeʼéy Nyùy áwune adzə̀m.› Kí nén a dzə jii, wír wo wù yuúri yéʼéy Nyùy Tàr yee shooy, kiiy mo yí dzəə̀n, dzə̀ á wo wù wiy sa, yén mo.

Aysaya 54:13

Mómò woo Nyùy Tàr, m wíy yeʼéy wír ve á dzə́ e wò ŋkàlaʼ adzə̀m. Áwune wíy a dzə dzə́ yee nyaáŋ, a ker kifá kidzə̀m ke á kér shií shó.

Aysaya 2:3

Vitúm vi wíy a wìy fo vinín, a suúy jii, «Vèn wáa wìy, é vèsən wáa koʼ e Nyùy Tǎr gwan, gwan, a dzə̀ lav Nyùy wo Jakov ghvə́mé. Nyùy yíi a yeʼéy vèsən kinyo ke wù taʼ ji vèsən wáa yiì, a vèsən kù yíi a ghan a dzə̀ e wun mbòv.» Kí dzə̀ jii, ntir se Nyùy Tàr sí kù wíy a lò a dzə̀ fó Sion, a wù kù wíy a suŋnín e wíri, a dzə̀ fó Jerusalem foo fèy.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Joon 1:17

Kinyo ke vé‑eè jumrì fo mbìy ki kù mày nsər se Nyùy‑iì foon e Mooser. Jesus Kristu nèn wìy kfə́, a kòŋ wíri, e yiì, á kiíy rúrú mo Nyùy dzəə̀n.

1 Korin 7:22

Vèn wáa kiíy ji wìr wo Nyùy‑iì liìn, a dzə̀ kwǎn wìr sì á wan wòŋ lèn e mvə̀m kinyò ke Tàr wòsən Jesus Kristu. A wo Nyùy‑iì liìn a dzə̀ wan wòŋ, kfə̀n ne lèn a ji kwǎn Kristu.

2 Joon 1:1

Sàŋ mo woo taà kintatì ŋwàʼ və̀n fo wò, Yìy à Wíri. Shòʼ Nyùy wò. A m sáŋ a dzə̀ fo vèn à wón vée. M koŋ ven é ŋàŋ, bìʼ fo vèsən sí tíy e kinyò ke ru kí adzə̀m. A kù dzə̀ mo wìr wo wù kiìn kinyo ke ru kí e dzə̀m koŋ ven.

Cù 25:41

Lóo dzə e ghan fóo fèy, é wùn à wón vəə́ nèn lò, e kfə̀n é bàm aáwuné kfəə, e nə̀ə́ aàtàr véví keŋ.