Biblia Todo Logo
Bib sou entènèt

- Piblisite -




Joon 8:31 - ŊWÀʼ NYÙY

31 Jesus nèn a suŋnín lèn a dzə̀ e wír ve vé‑eè sí wáy shilív e wùn wó vìyi, a suúy jii, «A vèn lò, a tiy a dzə̀ e mǒ kinyò, bo vèn dzə̀ rú wír vém,

Gade chapit la Kopi




Joon 8:31
25 Referans Kwoze  

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.


Ké ki nén a dzə jii, à kú a tiy a dzə̀ é kinyò ke vé‑eè yeʼeyin wò sho, à biímé, e wày shilív shé sho shidzə̀m. Ku ghàr bey, bìʼ fo à kiìn wír vee shó ve vé‑eè yeʼeyin wò sho,


Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.


Kú a tiír kiwúu ké ki, a fìʼ, e kfə̀n a sayrí, fo jay nəə́ e wò kinyò ke à yéʼeyì. Kú a yiì bèy, áà nèn sə̀ kitú ké, e kfə̀n sə̀ sá wír ve á yuúri kinyo ké, é vèn áwune wìy lùŋ adzə̀m.


A dzə̀ mo vèn à Nyùy kù wíy a dzə bèy, a vèn fen ghàr kinyo kfə́, a tiy sho kitávín, a leéy a dzə̀ fó mbìy ji vèn ku wìy nə̀ə́ e vijùŋ ve wù kàʼàn wír və́ shó. A dzə̀ víwun ve vèn‑eè yuun é ghan se vé‑eè wìyìn, a fìʼtì sáʼka Nyùy wo juŋ e vèn réŋréŋ mo á sí fiʼtì lèn virə́ʼ vidzə̀m, a dzə̀ yíwun yee lim ye Nyùy wayin e mo woo Por kiwo.


Vinyo vén vidzə̀m vi yíi a dù kijuŋ, a vèn à fòn won fèn jumrì Nyùy Tàr, ghvə́m wun, lim fo wun, yú wun, kfə̀n yúnin sa nsər sə́.


Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.


Á wáa ghan bèy, a lùmèr melív me aŋgàa biimé, a tir áwune ji á kú a ghar kinyo ke Jesus kijuŋ, a kiíy a ji wùn áwune kér fó wìy yen ŋgeʼ sinín, e bóo wìy nəə́ e Nyùy mvə̀m saʼ.


M nén a suúy e vèn jii, vèn kú a tiy a dzə̀ é kinyò ke vèn‑eè tòmbìy yù kí. Vèn lóo tiy sho bèy, é vèn à Wàn Nyùy nèn a dzə kintatì, é vèn wáa dzə sa vèn à Nyùy.


Vèn wáa yen rì mo Nyùy yii yii vinyo və́. Wìr jáy, wù màʼ ŋgeʼ sho, e rə̀r mendzən fo wo wù tóŋ fo wun. Vèn ku nèn a yu a dzə̀ fo wun fo wù faari sá ven, e màʼày.


Lóo dzə wír wo wù‑uù rə́si yii a dzə̀ vinyo ve ru ví, leey ji wáa binsí Nyùy, shiy mbùʼmé a dzə̀ wo Nyùy ji wùn Nyùy ku wìy a dzə ghán sidzə̀m, é Nyùy nèn fò ké ŋgaàŋ a dzə̀ dzəʼə̀m yee là may.


A wír ve á wíy lùŋe dzə̀ ve á wáy shilív e Nyùy wùn, du, joʼsì.


Kí nén a dzə jii, a tìn Wán wo dzəə̀n ji wo Nyùy ven fó vikwàn, bo vèn bòy ne ŋkuuŋkùŋ.


Wún wómé dzə̀ vifá ve yi ve ru ví, a mensə́ mem mè dzə̀ nó yee rú.


Wíri lòo fəə fo ŋgày, wír veé Juda wùn à vitúm ve vé‑eè bìnkìn bínkin ji wír veé Judàa wáa jùmrì Por wùn Banabar anín. Áwune wáa suŋnín e wír vee shooyi, a tir áwune ji á kú a yu vinyo vidzə̀m a dzə̀ fo Nyùy, é wù wáa leéy a fo áwune.


A wír vìne kù fəə́kir a dzə̀ fo vèsə́n mvəm. A bó yòʼ‑oò dzə̀ wír vee vèsə́n mvəm. A yì‑iì dzə̀ vee vèsə́n ŋgoo rú, bo bó á yoʼ kfə̀n fəə̀kír. Mo á fəəkin, kí nen dìn kiránén ji bó á yòʼ‑oò lo tàtí a vèsən.


A bó mee shooy mè yòʼ dzəə́ wìy a dzə moo me mò‑oò gwàrìn vèr aàtǎr ram yéví é ghan se mò‑oò gharin áwune e kiwó kém kí, e fə̀ə́r fo wòŋ Ejiv. Meé ghan see shooy mè‑eè ghàʼ áwune, la á yòʼ à lèm. M nèn màʼày sa áwune. Suuy mo woo Nyùy Tàr.


Yii bèy, mo ké wiíy ki dzəə̀n ji wù wáa lìy a dzə̀ wón, Nyùy kù yòʼ fó wun vijuŋ, a wù bèn wáy shilív e Nyùy wùn, koŋ wun, e fò kitú kfə́ ji wir Nyùy, a ghan mo dzə̀ wír Nyùyi wàa ghan.


Jesus yén Nataniar, a wù wiyì, e sàsìn jii, «Á wír woó Isray woo rú. Bó wù yòʼ yii lem kinyo e bvə̀m.»


Yii bèy, Nyùy kú a sə mo ghán sidzə̀m, e meé lán. M nén a tiy sa fèn lèn, a fìʼtì ntum yem, e wír ve kuʼkìné wùn à wír vee viyi. A m kù fiʼtì a dzə̀ kinyo ke Mooser wùn aàŋgàa ntum Nyùyi‑iì tiísi ji kí wíy koóy.


a vé‑eè bì sá Jesus wùn à wón və́ lìme.


Swiv nou:

Piblisite


Piblisite