Joon 8:29 - ŊWÀʼ NYÙY

²⁹ Vèn wáa kiíy ji Tàr wor wo wù tumen mo kù dzə̀ vèr wun, a bó wù yoʼ màʼtì, m wáa dzə vèr mòʼón, bìʼ fo m kù yii yii vinyo a dzə̀ ve ví boŋ wun.»

Joon 8:29 Referans Kwoze

Joon 6:38

Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.

Joon 16:32

Vèn wáa kiíy jii, ghán sí yíi gheén, a sí sì é kiwo, é vèn táʼrí adzə̀m, e kfə̀n e věn melaʼ, e màʼtì mo vèr mòʼón. Yii bèy, a bó m yòʼ yii dzə́ vèr mòʼón, kù yii dzə́ vèr Tàr wor.

Joon 4:34

Jesus suúy jii, «Vém vee vifá ve yi vi dzə̀ ji m yii kinyo ke wìr wo wù tumen mo, e màysì lim ye wù foon e mò e dzə̀m.

Joon 15:10

A vèn lò, a lèm nsər sém, bo m kù yíi a kòŋ ven, réŋréŋ sá mo m lem sé Tàr wor, a wù koŋ mo.

Joon 5:30

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.

Aysaya 42:1

Nyùy Tàr suuy jii: «Vèn yén, ŋgaà wom lìm və̀ne, wun wo m tómé. Dzə̀ wun wo m shoʼon, a shilív shém shí tíy a dzə̀ é wùn wó. M fò ne Kiyoy kém, kí wáa shìy wun, a wù wíy dànèr vitúm, aá wáa ker sáʼ yee réŋ.

Joon 8:16

A m kì lò ji m wáa sayrí, m kù yèn rú mo kí dzəə̀n, bìʼ fo bó m yòʼ sáyri a dzə̀ fo mǒ vifii, kù dzə̀ vèr Tàr wor wo wù tumen mo.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

2 Timoti 4:17

A wun woo Nyùy‑iì lo tìím e mǒ bàm, a tavír mo, m wáa fìʼtì kinyo kfə́ tèéter, wír ve bó á yòʼ kiìn Nyùyi wáa yu adzə̀m. Wù kfən sə̀ mo, la á yòʼ tìnén nsaʼ e ghan see shooy, e fò mo, áàbvərə̀ʼə́ kfə́r.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 17:4

A mò‑oò lo màysì lim ye wò‑oò foon e mò e dzə̀m, e dìn e nsay fèn mo vikuʼùy vé vi dzəə̀n.

Matio 17:5

Kù mo wù suuy bèy, mbàʼ yìmòʼ nèn wìy, a yì rán ji rèké rèké, e tìím aáwuné kitu. Jì wìr súŋnín fó fo jii, «Və̀n dzə̀ Wán wom, m koŋ wun feyì, wù bòŋ mo é ŋàŋ. Vèn wáa yuurí kinyo a dzə̀ kfə́.»

Matio 3:17

Jì wìr súŋnín fó yuv jii, «Və̀n dzə̀ Wán wom, m koŋ wun feyì, m shéʼri wun e ŋàŋ.»

Aysaya 42:6

«Dzə̀ mo Nyùy Tàr, a m lì ne wò ji à tuúy sáʼ yee réŋé. M yíi fo wò vitaáví, a leéy fo wò. M yíi lèm wò ji kilaa ke *mensàŋ me vèr à wíri, áà wáa dzə kikaʼày ke kí kaʼày vitúm.

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Aysaya 42:21

Nyùy Tàr nàn yéʼéy rə́ wùn à nsər sə́ sí, sí wáa taa e kitu ke vifa vidzə̀m. Wù nàn bèy, e shií woo ji á wáa yen vitaáví ve ví dzəə̀n shó, a ghan e mbòv wó.

Hibru 7:26

Wù nen ghèén feyì e taà cù wo kuʼùn wo dzə̀ vèsən wàa ker, e bóo fíʼ lùŋ. Wù kù dzə̀ kfə́ ji wir Nyùy cáʼ, a bó wù yòʼ kér njò yìmòʼ gheéy, a bó shilóm shi yòʼ dzə̀ é wùn wó gheéy shishàr, e bó a dor. Wù tíy kfə́ jeéy fo wíri adzə̀m, bìʼ fo áwune dzəə̀n aŋgàa jay. Nyùy kfən lì wun, e kòʼór e ntoò yùv.

2 Timoti 4:22

M nén a shàʼtì sa wò jii, Nyùy kú a shìy shilív shé, a leéy a fo vèn à wír vée adzə̀m.

Matio 3:15

Jesus bìnèr jii, «Wòsò ku yiì ke kí dzəə̀n ji á yii lèn, e fíʼ yiì kinyo ke Nyùy taʼ kidzə̀m, é kí wáa dzə réŋréŋ.» Wù suúy bey, Joon nèn biìmé,

1 Joon 3:22

Lóo koʼtí, aá fə̀m lón ka, é wù ku nèn fò kíwun, bìʼ fo vèsən sí yú sáʼ rə́, yii, a wún vəə́ boŋè.