Biblia Todo Logo
Bib sou entènèt

- Piblisite -




Joon 8:28 - ŊWÀʼ NYÙY

28 Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.

Gade chapit la Kopi




Joon 8:28
28 Referans Kwoze  

A bó yòʼ dzə̀ m yiì kinyo ji yiì a mo. M kù yú a dzə̀ fo Tàr wor, tínen nsaʼ wìr réŋréŋ mo yì dzəə̀n, bìʼ fo kém kí dzəə̀n ji m wáa yiì kinyo a dzə̀ ke ŋgaà wo wù tumen mo suuyì, bó m yòʼ yii a dzə̀ ke kwaʼ mo.


Jesus nèn lò, a suúy aáwune jii, «Vèn wáa kiíy rú ji bó yòʼ dzə̀ Wàn Nyùy wàa yiì kinyo ji yii wun, wù kù yii yii kinyo a dzə̀ ke wù yén, a Tàr wov yii. A Tàr yiì ka, bo Wàn kù yii kíwun,


Mò‑oò lò fó yuv, e wìy e nsay fèn a dzə̀ ji m kú a yiì kinyo a dzə̀ ke sìysìn ŋgaà wo wù tumen mo ji m wáa yiì. A bó m yòʼ wìy ji m wáa yiì kinyo a dzə̀ ke kwaʼ mo.


Kú a kiíy jii, mo Mooser‑iì koʼorin yó ye vé‑eè fèrìn e kisha ki é kici, e kirə̀ʼ ké woʼ kí, kù dzə̀ réŋréŋ mo á kér fó wìy koʼór sa ŋgaà wo yírí dzəə̀n Wanwìr e kici,


Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.


Yii bèy, wír anín ve vé‑eè yuun kinyo ke Pita wùn Jooné biímé, e tàtí wír Jesus, á wáa dzə lèn moo ansə̀kì atàn bèy.


Wíri yú kisúŋnìn ke Pita kìn, ámóʼó biímé anín, á wáy áwune é ndzəv. Wáa dzə e kishiíy fóo fèy, wíri tátí ŋgoo wìr Jesus ansə̀kì ataár.


Á meé fó, e nèn tà wun e kintam. Á kfən tàm sá wír ámóʼó é vintam e wùn ghaŋ abaà, wù wáa dzə fo ntìntìn.


Mo m kù yòʼ sí kfə́n fo Tàr wór wùn, é la vèn yòʼ dzəə wìy a yen mo réŋréŋ mo mò‑oò suuyì, kí nén a dìn ji á méŋ sa kinyo ke dzəə̀n ke ru kí.


A m kì jii, à kù yii yuúri kinyo kém ghán sidzə̀m. M nén a suúy kin a dzə̀ bìʼ wír ve á tíy fo ghaŋ vìn, aá fíʼ yìi biimé ji tùm rú wò woo Nyùy mo.»


Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»


Kú a kiíy rú jii, vèr súŋnin vinyo vìn a dzə̀ ve wíri kiìn mo ví dzəə̀n, kfə̀n fer ve á yén mo ví kooyì, a bó ven vee aŋgàa yeʼéyi yòʼ biíme kinyo ke vèr fiʼtì.


Nyùy suúy e Mooser jii, «Yír yémé dzə̀ ji DZƏ̀ MO WO DZƏƏ̀N MO. À yíi suúy e wír veé Israyi ji tùm á DZƏ̀ MO wò fo áwuné wùn.»


M wíy tum ŋgaà ntum wùmòʼ fo áwuné wùn moo wò, wír, a wù wíy fəə a dzə̀ fo áwuné mvəm. M wíy way jí sém é shuù wo, é wù wáa suúy kinyo kidzə̀m ke m yòŋèn shó aáwune.


Wíri wíy wìy anín, e lì mo, e teʼ e si, a suúy jii, áwune dzə̀ *Mfə̀ə́r woo shó, e boʼtí wír anín, aá jáy dzə́ə.


Wíri wíy a fəə anín, a teʼ mo é si, a suúy ji áwune dzə̀ *Mfə̀ə́r woo shó, e boʼtí wír anín, aá jáy dzə́ə.


Wù bìnèr jii, «Vèn wáa yen fo wìr wìy bòʼtí ven, é vèn jáy dzə́ə. Wíri wíy fəə anín, a teʼ mo é si, a suúy ji áwune dzə̀ Mfə̀ə́r woo shó, a ghán sí ghèén ne. Á wíy lóo suúy bèy, vèn wàa yen fó yuurí kinyo kév.


Jesus nèn sùúy sho jii, «Dzə̀ mo woo shó və̀n, mo wo m súŋnin e wò.»


Wù suúy bey, la á yòʼ kìíy ji wù yoŋ ŋgaàŋ a dzə̀ á Nyùy woo Tàr wov.


Jesus bìnèr jii, «Vèn wáa kiíy rúrú jii, bo á wáa dzəə́ Abraham, a m sì.»


M nén a suúy kinyo kìn e vèn lèn bèn, é bo kí yiì a koóy. Kí yií kooyì, é vèn fiʼ biìmé ji dzə̀ rú mo wo dzəə̀n mo.


A kinyo kìn ki‑iì kòóy bey ji kfə́ə kpu ye Jesus‑eè suuyin ji wun wíy kpuu fiʼ ghèén.


Swiv nou:

Piblisite


Piblisite