Joon 8:27 - ŊWÀʼ NYÙY

²⁷ Wù suúy bey, la á yòʼ kìíy ji wù yoŋ ŋgaàŋ a dzə̀ á Nyùy woo Tàr wov.

Joon 8:27 Referans Kwoze

Aysaya 6:9

Nyùy Tàr nèn sùúy ji m du, e yòŋ a e wír veé Israyi jii: «Vèn kú a yuurí yuurín, yii bèy, vèn yòʼ ló a yu. Vèn wáa leéy leeyín, yii bèy, vèn yòʼ ló a yen.»

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

Joon 8:43

Vèn kì kinyo ke kí yii, bo vèn wáa meŋ vinyo ve m suuyì a? Dzə̀ bìʼ fo vèn yú, wáŋ waŋén.

Aysaya 59:10

Vèr kù sí ghaa wún lav moo mfìr, e bó a ghan, mumrì dzə́ə múmrin moo alàsí. Lóo dzə e ntìntìn shùy, vèr wàa ghan, a bàyrìn, kù moo ji sì é meraaràŋ. Vèr kù sì e wír ve tavkíné mvəm moo aŋkfəsày.

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Joon 8:28

Jesus nèn kfə̀n sùúy aáwune jii, «Vèn wíy koʼór ŋgaà wo yírí dzəə̀n *Wanwìr və̀n e kici, é vèn nèn kìíy jii, ‹Dzə̀ mo wo dzəə̀n mo›, e kfə̀n kiíy ji bó m yòʼ yii vinyo a dzə̀ á fo mǒ vitaaví. M suuy vinyo a dzə̀ ve Tàr wor‑iì dìnèn e mò.