Joon 8:21 - ŊWÀʼ NYÙY

²¹ Wù yiì lò, e kfə̀n a suúy jii, «M sí du, a vèn wíy siíy, a tàʼ mo, e kpu vèn à njò yen. A bó yòʼ dzə̀ vèn wìy fo m du.»

Joon 8:21 Referans Kwoze

Joon 7:34

a vèn wíy siíy, a tàʼ mo, e làa yòʼ dzə́ə yen, a bó yòʼ dzə̀ vèn wìy fo m du.»

Joon 8:24

Mo m kì suuyin ne e vèn ji vèn wíy kpukír vèn à njò yen, a vèn dzə̀ là fó biimé jii, ‹Dzə̀ mo wo dzəə̀n mo›, bo vèn kù wíy kpu vèn à njò yen.»

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

Efesor 2:1

Yì‑iì dzə̀ fó mbìy, a vèn kpú ne fo Nyùy mbìv, bìʼ fo vèn‑eè dzə́, méŋ Nyùy, yii a dzə̀ vinyo ve bi ví.

Joon 12:35

Jesus bìnèr jii, «Wìr wo wù fó rán dzə̀ vèn áwune lèn, a bó wù yòʼ dzəə́ yiì dzə̀ʼtì ntàmda. Vèn wáa ghan ghán yén, aá dzəə́ yén rán yee shooy, fo ndzə yiì sàsìn, e sə̀n ven. Yì yíi sən, é la wìr yòʼ dzəə kìíy fo wù du.

Joon 12:33

A wù‑uù suuy kin ji wun fiʼ dìn kfə́ə kpu ye wù‑uù wíy kpu.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Matio 25:41

«Wù suuy bèy, é wù nèn bìnkìr, e sùúy e veé koy ŋkoòvìi jii, ‹Lǒn Nyùyi shòv ne ven. Vèn kóʼtí ben fo mǒ si, e dù, e nə̀ə́ e və̀y wo Nyùy‑iì naŋsin, e lèm fo Satan wùn à nshèelav sə́ sí.

Matio 23:39

A m suuy e vèn jii, bó vèn yòʼ dzəə́ wìy yen mo, e dù, e meé e ghan se vèn wíy a ndzəʼ jii, ‹Nyùy Tàr ku səə̀vì wír wo wù wiy e wùn yir.› »

Aysaya 65:20

Wan wo bór yòʼ kfə̀n dzəə́ wìy a shèsìn, a bó ŋgàywìr yòʼ kfə̀n wíy a kpu, a bó wù shiíy ben, e kòŋrí. A wìr kpù kiyá wií, bo wù kù shèsìn shèsìn moo wán wo bór, wìr kpú, a bó wù yoʼ mày kiyá wií, bo koò lǒn Nyùy wun.

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Ŋgàn 11:7

Wìr lóo meŋ Nyùy, wíy kpú, vifií ve wù‑uù tiirin é vifa vi bvəə̀rí, bùʼ wo wù‑uù wáy shilív shó lày kisáŋ.

Ŋwàʼ Jov 20:11

Wù dzə̀ə́ wir wàʼbìn, a vighvə́r ví dzə̀ə́ e wùn wó ji ŋkǒŋ, yii bèy, a wù wíy lì vinsùm və́ vin, e dù, a neŋ sho e sày.

1 Afòn 18:10

Ké ru kí, mo Nyùy Tàr woo Nyùy wò dzəə̀n shó, kitúm ki yòʼ dzə̀ shó ke taàtá wom woo fon yóʼ ne tsə̀nsí wír fo ji wù taʼ á wò. Wìr du, á yòŋ ji à yòʼ dzə̀ á fo. Fòn nèn yiì, wír vee fóo lìʼ ji á yoʼ yèn á wò.

Joon 7:36

Kí búŋ fó bèy, bo yiì ka, bo wù wáa suúy ji vèsən wíy siíy, a tàʼ wun, e làa yòʼ yen, a bó yòʼ dzə̀ vèsən wìy fo wun du?»