Joon 8:19 - ŊWÀʼ NYÙY

¹⁹ Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 8:19 Referans Kwoze

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

1 Korin 15:34

Vèn maʼti kiyúŋsì ki, e lèʼ fó bǎm vinyò ve bi ví. M yén ji wír vén ámóʼó yòʼ kì á Nyùy gheéy. A m suuy bèn, é vèn fíʼ a woomé.

Joon 7:28

A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Joon 1:10

Wun woo Jínyùy wáa dzə e ndzə fèn, la wír veé ndzəə yòʼ fə̀m kìíy wun, a kù dzə̀ wun wo wù‑uù fèrìn ndzə rə̀n.

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

2 Joon 1:9

Vèn wáa kiíy jii, wìr wo bó wù yòʼ tíy a dzə̀ é yeʼéy ye yí lo fo Jesus Kristu, wáyri və́ vee vinyo, yòʼ dzə̀ wùn Nyùy wàa dzə kintatì. Wìr wo wù tíy kfə́ a dzə̀ é kinyò ke Jesus Kristu yéʼeyì, ŋgaàŋ dzə̀ kintatì wùn Nyùy, e kfə̀n a dzə wùn Wan və Jesus Kristu woo shooy.

Jeremia 24:7

M wíy fo áwune shilív she á kiíy ji m dzə̀ á Nyùy Tàr, aáwune nèn a dzə wír vém, é m wáa dzə Nyùy wov. Áwune wíy kfən e mǒ wùn shilív shév shidzə̀m.

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Galatia 4:9

Á bèy, vèn kìíy ne Nyùy wo rù lèn. Yii bèy, a ke m kì yíi a suúy ki dzə̀ jii, kù kìíy Nyùy ven. Mo kí dzəə̀n ben, yií ka lèn, bo vèn kfə́n a tàʼ ji á kfə́n é bàm, a yu a dzə̀ fó vinyò ve bó ví yòʼ kér ndzə̀n fo Nyùy, a bó yòʼ dzə̀ ví fò ven vitaáví, vèn wàa yiì vinyo ve ru ví? A dzə̀ ví kù kùr ven kúrín, e siìr ji akwǎn vinyò veé ndzə.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Joon 15:21

Kù dzə̀ mo wír veé ndzə fèn vìne kù wíy a lovtí e vèn ve á tíy e mǒ kinyò bèy, bìʼ fo bó á yòʼ kiìn wír wo wù‑uù tumen mo é ndzə fèn.

Jeremia 22:16

Wù‑uù lo, wù kìŋsìn gháy ghéʼncey wùn à wó ŋgaà kitàne, vinyo və́ ví kù‑uù du kijuŋ. Kí á kinyo ke kí din ji wìr kì Nyùy Tàr. Suuy a Nyùy Tàr.

Hibru 1:3

Wù dzə̀ ji kikúv ke wun woo Nyùy, a dzə kinyo kidzə̀m ji Nyùy, njaʼkìr réŋréŋ moo Nyùy. A dzə̀ wun wo wù kér ndzə e dzə̀m e wùn kiwo, súŋnin, bo yì wáa ker vitaáví, a lìm mo yì limè. Nén a dzə wun wo wù‑uù manen vinyo ve wìr veé ndzə ji á fíʼ ran fo áwuné ajay. Wù màysì, e nèn kòʼ é yuv, e dzə̀ʼə̀m e Nyùy woo Taà Vitu ghaŋ.

Kolosia 1:15

Kristu woo Wan Nyùy dzə̀ wúntí Nyùy wo bó wìr yòʼ yii shóv e si. Wù kfə́n a dzə ji kitú fo vifa ve vé‑eè bomen vidzə̀m.

Efesor 1:17

A m lón fo Nyùy woo Ŋgaà Vikùʼùy, wun woo Tàr à Taàtá wòsən Jesus Kristu ji wù ku mvə̀ʼ vifií vén, é vèn wáa kiíy mo vinyo ve wù din e vèn ví dzəə̀n, e nèn màysì, e kiíy wun.

Joon 1:18

A bó wìr yòʼ‑oò yiì ne yèn sí Nyùy. Kù jòʼsì màyshó Wàn Nyùy və̀n wo wù dzə́ e Tàr wóv ghaŋ, wo wù dìnèn e wíri mo Nyùy dzəə̀n.

1 Joon 2:23

A wìr káy Wan Nyùy, bo ŋgaàŋ káy sa Nyùy. Wìr wáa yu Wan Nyùy, bo wù yú sa Nyùy.