Joon 8:17 - ŊWÀʼ NYÙY

¹⁷ Vé‑eè sàŋ e věn Ŋwàʼ Nsər jii, a wíri tíy vinjen abaà, suuy kinyo kimòʼón, bo dzə̀ á kinyo ke ru kí.

Joon 8:17 Referans Kwoze

Remrí 19:15

Mooser kfə́n a suúy e wír veé Israyi jii, «Bó njen e mòʼón yoʼ gheén ji wù gov wír bìʼ jay wo ŋgaàŋ kì jayin, a fə̀m dzə̀ woo ka. A dzə̀ anjene kù a dzə abaà, kìn ataár, é bo á wáa ròn jay wìr.

Remrí 17:6

A dzə̀ ji á wìy yùyrí wír, bo anjene kù kér fó a tiy, e kèʼ fo abaà, e shaà bèy. Bó yòʼ dzə̀ á wìy yùyrí wír, a njen dzə̀ e mòʼón cáʼ.

Hibru 10:28

Vèn kì sá jii, a wìr‑iì shòʼór Nsər Mooser, wíri wáa tiy abaà, kìn ataár ve á yenen kinyo ke wù yiìn, bo nsaʼ kù kér a fó koo ŋgaàŋ, aá yúyrí féyì, là mendzən.

Matio 18:16

Wù tén fó biimé jay və, wù lì wír e mòʼón, kìn abaà, wùn áwune kfə́n fo, wù lóo suúy kinyo ke wù suuyì, áànjen vee abaà vine wáa yu sa, bìʼ fiʼtì.

Galatia 3:24

A nsər rə̀n‑eè kér áwune mo wìr yii kér wán wo á foon shó ji wù wáa lìy, lóo lìy, wù wàa sə̀r a kijuŋ. A yì kér áwune bey ji Kristu wíy wiyì, aá nèn wày shilív é wùn wó, é yii wun, é bo á gheén á fo Nyùy.

2 Korin 13:1

M sí wiy lèn ji akàŋ ve á meen ataár fó ghan ven. Mo m wiy, a kwàŋrì vinyo, vèn wáa kuumé kinyo ke vé‑eè saŋen é Ŋwàʼ Nyùy jii, «Aá sáʼ wír fo kinyò, anjene kù a tiy abaà, kìn ataár.»

Ŋgaà Yen 11:3

Jì yee shooy nèn kfə̀n sùúy jii, wun wíy tsənsí wír və́ abaà ve á wíy a tunér kinyo kfə́. Aá wíy wìy, aá máʼ ndzə̀y sé kpu, é wun wáa shìy áwune, aá tiísí á ntum Nyùy kishiíy kishóv mntuùfú é ghiì baà é nsə̀kì (1,260).

Galatia 4:21

M nén a tàʼ, e dìn kinyo kímóʼ kí e wìr wo wù tíy kfə́ ji dzə̀ wìr kù lèm nsər, e bóo fíʼ gheén fo Nyùy. Wìr woo bey yuúrí ri kinyo kímóʼ kí ke vé‑eè saŋen é Ŋwàʼ Nsər foo fèy.

1 Joon 5:9

Vèsən kì ji kinyo ke Nyùy suuy ki shaà ké wìr. Wìr yii lóo fèr kinyo ke wù kì yenen, á kù nèn biìmé. Vinyo vee vitaár vìn vi nén a dzə bèn, a din Nyùy e wíri e Wan və́ kitu.

1 Afòn 21:10

Wù dzəʼə̀mè, vèn tàʼ vé kiŋari abaà, e yòŋ, aá dzəʼəm e wun ŋkìʼnìn, a gòv wun ji wù kuù a Nyùy, e kfə̀n kuù a fon. Á gov bèy, é vèn nèn lì, e fə̀ə́r e ndzə, e tsə̀mrí e tíyí, e yùyrí.»

Joon 15:25

A kí kooy bèy ji kinyo ke vé‑eè saŋen é Ŋwàʼ Nyùy jii: ‹Vé‑eè ban mo kisáŋ›, ki fiʼ ghèén.

Joon 10:34

Jesus bìnèr jii, «Vé‑eè sàŋ e věn Ŋwàʼ Nyùy ji Nyùy‑iì suuy a jii, ‹Vèn dzə̀ sá ji anyùy›,

Kintaŋ 35:30

«A wìr yùyrí wír, bo á wíy yuyrí wun a dzə̀ ji wíri kì tìím á vinjen anín. Bó yòʼ dzə̀ á yùyrí wír ji wìr kì tìím vinjen wùn mòʼón.