Joon 8:15 - ŊWÀʼ NYÙY

¹⁵ Vèn sáyri kinyo ke wìr a dzə̀ mo vifií vén ví dzəə̀n. A bó yòʼ fə̀m dzə̀ m wàa sayrí kinyo ke wìr.

Joon 8:15 Referans Kwoze

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Joon 12:47

Wìr wáa dzə wo wù yú kinyo kém, wáŋ waŋén, bo bó yòʼ wíy saʼ mo ŋgaàŋ. M yòʼ wìy e ndzə fèn ji m wáy wíri a dzə̀ é lòn, m wìy kém ji m luŋer wíri lúŋerin.

Joon 7:24

Lá vèn yòʼ a sayrí kinyo ke wìr ndzə ndzə. Vèn kiíy mo kí dzəə̀n, e bó a sayrí.»

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

1 Korin 2:15

Yii bèy, a wìr wo Kiyoy ke Nyùy ki dzəə̀n e wùn shiliv nèn kiiy móo sayrí vinyo vidzə̀m, a bó yòʼ dzə̀ wìr sàyrí kfə́,

Ŋwàʼ woó Rom 2:1

A tàm wìr lo lèn, wù wàa roòmè wír ve á yii kfə́ə vinyò vee bey. Wò woo ŋgaà roòmè, kù yòʼ a kiíy ji à kér sa nsaʼ, a fə̀m dzə̀ wò la. Mo à roomè bèy, kfə̀n yii víwun vee vinyo, à roomè a dzə̀ á wo woo jay.

Joon 8:11

Wù bìnèr jii, «Taàtá, wìr yoʼ sùúy.» Jesus nèn sùúy jii, «A bó yòʼ dzə̀ sá, m sùúy. Ku yòʼ a dù. À du, lá à yòʼ dzə́ə a bùʼtì vinyo.»]

Amos 5:7

Ven ve vèn jwivrì kinyo kee tínén é nsànloŋ, vèn yú. Vèn ku yù, ven ve vèn tén fó a fo gháy wíri áàŋgaàŋe.

Jeem 2:4

A vèn lò, a yiì bèy, bo bó vèn yòʼ jáy feyì à? Bo vèn sí yén ji wìr wùmòʼ dzə̀ á jeéy e věn mvəm, taʼ a dzə̀ koóy.

Ŋwàʼ Luk 12:14

Jesus yòŋ jii, «Wìr və̀n, lèm la mo ji m wáa tinén nsaʼ sén, a jàv vifá vén?»

Habakuk 1:4

Nsər yòʼ dzəə́ kér vitaáví, a vé saʼa yòʼ kfə̀n tínen nsaʼ e nsànloŋ. Wír ve á méŋ wòo gìŋ ne ve á yúnin wò, e tàr. Á kù sí shwiv nsaʼ, du duùn fó mbìy.

Amos 6:12

A dzə̀ nyám se ŋkoʼ si wàa nyeŋ e kitu ke vilan a? A dzə̀ wìr wàa tsəəné nàʼ, wù wàa lìm lim e kitu ke vilan a? Yii bèy, vèn lì ne kinyo kee tìítiy, e bìnèr ji ke shiʼirín kí, e lì yii ye juŋe, e siìr ji ye bií.

2 Korin 5:16

Kí nén a dzə jii, kèʼ fo lèn, vèr yòʼ dzəə́ leey kinyo ke wìr e vifií ve dzəə̀n vé wìr vi. Vèr sí leey a dzə̀ e vé Nyùy vi réŋréŋ mo Kristu‑uù dzə́ e nsay fèn, a vèr leey kinyo kfə́ mo wíri yii leeyì, a bó vèr yòʼ dzəə́ leey bèy.