Joon 8:11 - ŊWÀʼ NYÙY

¹¹ Wù bìnèr jii, «Taàtá, wìr yoʼ sùúy.» Jesus nèn sùúy jii, «A bó yòʼ dzə̀ sá, m sùúy. Ku yòʼ a dù. À du, lá à yòʼ dzə́ə a bùʼtì vinyo.»]

Joon 8:11 Referans Kwoze

Joon 3:17

A bó Nyùy yòʼ tùm Wán və é ndzə fèn ji wù wáy wíri a dzə̀ é lòn. Wù tùm ji wù yii, é wíri luŋ.

Joon 5:14

Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»

Joon 8:15

Vèn sáyri kinyo ke wìr a dzə̀ mo vifií vén ví dzəə̀n. A bó yòʼ fə̀m dzə̀ m wàa sayrí kinyo ke wìr.

Ŋwàʼ Luk 15:7

Vèn wáa kiíy jii, kù dzə̀ sá réŋréŋ mo á wíy a sheʼrí e Nyùy wòŋ woó yuv, bìʼ ŋgaà vinyò ve bi ví e mòʼón wo wù bìnèrìn shilív sə́. Aá wíy a sheʼrí woo shooy, e shaà wír vee nshòv bvə̀ʼə̀ e mbvə̀ʼə̀ ve á yén ji áwune dzə̀ ajuŋ, a bó á yòʼ dzəə́ kér shií fó bìnèr melív mev.

Ŋwàʼ Luk 5:32

M yòʼ wìy e nsay fèn ji m kfə́n a bi e wír ve á yén vitú vév ji vé Nyùyi ji á biner melív mev. M wìy fó bi a dzə̀ vé jayi.»

Ŋgàn 28:13

Wìr lóo lìtì ajay və́ lítin, bo bó yòʼ dzə̀ wù kùy. Wìr tuúne ajay və́, bin ndzə̀m shó, Nyùy shàm mendzən mvə.

Ŋwàʼ Jov 34:31

«Jov, à tuùné ne shuu wó e Nyùy à? À kàʼ ne ji bó à yòʼ dzəə́ wìy jay kinyo à?

Ŋwàʼ woó Rom 2:4

A dzə̀ é ghanmóʼ, à wàa kwàʼtì ké jii, mo Nyùy kfəmen, a leéy wíri ji nyaáŋ, a rər mendzən mev, bo bó wù yòʼ wíy màʼ a ŋgeʼ e wò. Aà kwaʼtì bèy, à kù yòʼ a kuumé jii, Nyùy yii lèn bèy a dzə̀ cáʼ ji à fiʼ yèn jay wò, e bìnèr shilív shé.

Ŋwàʼ Luk 13:3

Bó yòʼ dzə̀ bey. A m suuy e vèn jii, a vèn dzə̀ là fó bìnèr melív men, bo vèn kù wíy lày sa bèy adzə̀m.

Ŋwàʼ Luk 15:10

Vèn wáa kiíy jii, kù dzə̀ sá réŋréŋ mo nshèelav se Nyùy si shéʼri ŋgaà vinyò ve bi ví e mòʼón wo wù bìnèrìn shilív sə́.»

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

Ŋwàʼ Luk 15:32

Yii bèy, a dzə̀ wòsò kù a sheʼrí ké fər wò kìn. Vé‑eè kí ji wù kpù ne, wù wíy, a wù dzə̀ e tin. Wù‑uù lày ne, wòsò kfən yèn lèn.› »

Ŋwàʼ Luk 13:5

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

Aysaya 55:6

Á bèy, vèn kú a tàʼ Nyùy Tàr lèn və̀n wo dzə̀ á yèn wun. Vèn wáa toŋ e wun lèn və̀n wo wù dzə̀ə́ e věn mentsə̀m.

Remrí 17:9

Vèn du sho, á neèr áàtàá cù veé ram Levi wùn à taà kwàŋnsaʼ woó ghan fóo fèy si, aáwune tínén.

Remrí 16:18

Mooser kfə́n a suúy e wír veé Israyi jii, «Vèn wíy lóo dzə e ŋkà se laʼ se Nyùy Tàr woo Nyùy won wíy fo e vèn, vèn wàa shoʼtí vilìmbìy wùn aàkwàŋnsaʼa mo rám sén sí dzə̀kìn, a lèm e ŋkà se laʼ sidzə̀m, a lèm sa wír ve á wáa tom áwune. Áwune kù wíy a kwàŋrì nsaʼ sén, a tinén tìítiy, là kiloʼ.

2 Pita 3:15

Vèn wáa kuumé ji Taàtá wòsən Kristu kfə̀mén, a ndzə̀ytì bèn ji wíri fiʼ bìnèr a melív mev, e wìy lùŋ. A kù dzə̀ mo fər wòsən Por wo vèsən koŋ adzə̀m‑eè saŋen fo vèn, wun wo Nyùy foon wun vifií, wù sáŋ aŋwàʼ anín.

1 Korin 5:12

Ké wìr ve bó vèsən áwune yòʼ dzəə̀n kintatì ki nén a dzə, a bó yòʼ dzə̀ m wàa nəə́ e mvəm wó, kù wíy saʼ Nyùy áwune. Wír ve dzə̀ vèsən wàa nəə́ aáwuné mvə̀m kinyòo dzə̀ ve á dzəə̀n e vèsə́n ŋgoo. A dzə̀ kíwun ke vé‑eè saŋen é Ŋwàʼ Nyùy jii, «Vèn jum wír wo wù kér liì wo bi fo věn mvəm.»

Ŋwàʼ Luk 9:56

e nèn lò, wùn áwune wáa dù e ntèʼ ye sən.