Joon 7:7 - ŊWÀʼ NYÙY

⁷ Bó yòʼ dzə̀ wíri wàa bàn ven. A dzə̀ á wàa bàn a dzə̀ mo, bìʼ fo m tóʼti vinyo vév ve bi ví.

Joon 7:7 Referans Kwoze

Joon 3:19

A dzə̀ á kù lì lòn, bìʼ fo rán ye yí loòn fo Nyùyi wìyìn ne e ndzə fèn, á kú a kòŋ fó a ghan a dzə̀ é ndzə ye sənér, bìʼ fo á yii vinyo ve bi ví.

Galatia 4:16

M kfə̀n ne lèn ji ŋgaà won vibàn, bìʼ fo m suuy a dzə̀ kinyo ke ru kí e vèn a?

1 Joon 4:5

Áwune dzə̀ kév, a dzə̀ wír veé ndzə fèn. Á nén a fìʼtì sa vinyo a dzə̀ veé ndzə fèn, wír veé ndzə fène wáa yuurí.

Jeem 4:4

Vèn màʼày ne Nyùy, e kfə̀n moo wiíy wo wù ghán viŋkar. Bó vèn yòʼ kì jii, a wìr koò viŋkar wùn à vinyo veé ndzə fèn vi, bo wù sí ban Nyùy bánen a? Kí nén a dzə jii, wìr wo wù koŋ, a dzə ŋkar vinyò veé ndzə fèn, ŋgaàŋ lì ne kitú kfə́ á ji ŋgaà vibàn Nyùy.

Joon 17:14

M tiìsí ne jí sé aáwune, wír veé ndzə fène nén a bàn áwune, bìʼ fo áwune yòʼ dzəə̀n wír veé ndzə fèn, réŋréŋ mo bó m yòʼ dzəə̀n sá wír woó ndzə fèn.

Ŋwàʼ woó Rom 8:7

A dzə̀ mo dzə̀ kí kù a dzə, bìʼ fo wìr lóo tiír vifií a dzə̀ é vinyò ve koŋ mensə́ mvə, bo wù sí tún ké Nyùy. A bó yòʼ dzə̀ wù kfə̀n a kòŋ ji wun yú nsər Nyùy. A wù fə̀m kì koŋ fó yu, bo dzə̀ la wù yòʼ yù.

1 Afòn 21:20

Fòn Ahav yiì tàrnín wùn Elija, e dzə̀r shó jii, «Ŋgaà wom vibàn, wòsò kfə̀n tàrnín à?» Elija biímé, e sùúy jii, «M wíy yen fon bèn a bìʼ vinyo ve wù yii, a ví bír Nyùy Tàr, nèn fiinè a kitú kfə́.

Jeremia 20:8

M lo ji m súŋninè, m wàa toŋ, a rəəmé a dzə̀ ji ŋgeʼ wùn à kimbivìr ki waà dzə̀. Nyùy Tàr, kinyo ké ke m fiʼtì ki kfə̀n ne ji nshoórsí wùn à nshéʼmé mo kishiíy kí dzəə̀n.

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Ŋwàʼ Luk 6:26

«A vèn dzə́, a wìr dzə̀m búri ven búrín, bo ŋgeʼ dzə̀ yéen. Vèn wáa kiíy jii, kù dzə̀ mo atǎr wìr vee shooyi‑iì búri wír, a dzə̀ ve vé‑eè bóʼti áwune ji á dzə̀ *aŋgàa ntum Nyùy.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Sekariya 11:8

Wáa dzə e mvə̀m ŋwee e mòʼón, m jùm anshìy ataár. Wúné kfən kìn mo bìʼ njiì və̀y, m kòsìn sa fo áwune.

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»

Aysaya 29:21

Wír ve bi víne nəə e làv nsaʼ, á wàa suúy vinyo ji á bívír ámóʼó shó, du e mvə̀mlaʼ, á wàa way vitám ve wìr ve á mum ji á wáa tinén kinyo e nsànloŋ. Á lóo tàʼ ji á tínén kinyo ke alànjò é nsànloŋ, áwune wàa tinér.

Ŋgàn 15:12

Ŋgaà jàʼ yòʼ yii koŋ ji á tír wun, a bó yòʼ dzə̀ wù dù, e mbaà afií gheéy.

1 Afòn 22:8

Fòn woó Isray bìnèr jii, «Wùmòʼ dzə̀ wo dzə̀ á tàr fó fo, a dzə̀ Mikayia woo wan Imla. Yii bèy, m ban wun bìʼ fo wù yòʼ yii yoŋ kinyo ke juŋ ki kùm mo. Kù yii dzə́ ke bi kí ghán sidzə̀m.» Fòn Jehoshafat suúy ji lá fòn yòʼ a yòŋ a bèy.

Nsùyrì Nyùy 109:5

Á siir vinyo vém ve juŋ vi a dzə̀ e ve bi ví. M koŋ áwune, aá kù ban mo bánen.

Cù 13:10

Taà cù yií kaʼày wun, yén, a fóo gvə́m, wuy yee fóo wáa fəəsí, a kí sí du ji kiváv,