Joon 7:48 - ŊWÀʼ NYÙY

⁴⁸ Vèn yén ne, a wìr fo vé wòŋe kìn woó mbìv *Farasi wùmòʼ tíy e wùn kinyò a?

Joon 7:48 Referans Kwoze

Joon 12:42

Mo wíri fə̀m‑eè méŋ Jesus, ámóʼó ku yòʼ a way shilív é wùn wó, à vé wòŋ ámóʼó anín. Yii bèy, a bó yòʼ‑oò dzə̀ wìr wàa dìn e ŋgèŋgèr, bìʼ fo vé‑eè fan wír veé mbìv *Farasi, kfə̀n fan fo á jum áwune fó kintatì keé ŋgày se bùnrì.

1 Korin 2:8

A bó wír ve á sáʼ ndzə yee lèn rə̀ne yòʼ‑oò lo kìíy sa kinyo kee shooy. A vé‑eè bóo kiíy, bo bó á yòʼ‑oò lo kùm Taàtá Jesus e kici, a tíy wun vitú ve saʼ e dzə̀m.

1 Korin 1:20

Wìr wo dzə̀ wù kfə̀n a dìn vifií bèé lèn? Kìn dzə̀ ji ŋgaàŋ duŋrì ŋwàʼ, kìn dzə̀ ji wù kì mbìʼ woó ndzə yee lèn. Nyùy dìn ne ji vifií vé wìr veé ndzə fèn vìn vi dzə̀ á kiyúŋsì.

Joon 7:26

a wù súŋnin e wírí si tèéter, la wìr yòʼ a ghay a kinyo. A tàm ghan símóʼ sí, bo vé wòŋe sí yén ji dzə̀ rú Mfə̀ə́r wo Nyùy‑iì kàʼàn.

Lim Aŋgàa Ntum 6:7

Kinyo ke Nyùy ki nèn a sàmèr, kintatì keé Jerusalem ki wáa kùʼ kùʼùn, a dù fo mbìy. Atàá cùu wáa way sa shilív e Jesus wùn anín.

Joon 7:50

Nikudemon wo wù‑uù duùn é kishiíy kímóʼ kí, e ghàn Jesus wáa dzə fo, a dzə̀ wír fo vé wòŋ vìyi. Wù nèn lò, e dzə̀r jii,

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

Ŋwàʼ Luk 23:13

Á siìr Jesus, Payler nèn kùm vitú ve atàá cù wùn aàtǎr wòŋe, e kfə̀n kùm wíri.

Joon 3:1

Wìr wùmòʼ wáa dzə e Jerusalem foo fèy, aá yoŋ ji Nikudemon, a dzə̀ wír fo atǎr wòŋ veé Juda, e kfə̀n a dzə wír woó mbìv *Farasi.

Joon 7:49

Ké màŋgòŋ və̀sə ki dzə̀ ji bó á yòʼ kì á Ŋwàʼ Nyùy, a lǒn Nyùyi shòv ne áwune.»