Joon 7:47 - ŊWÀʼ NYÙY

⁴⁷ Vé Farasi vìyi nèn dzə̀r jii, «Wù dù ne sa, a laàrì sí yén a?

Joon 7:47 Referans Kwoze

Joon 7:12

Wìr dzə̀m ku rə̀sí, a ghay a dzə̀ kinyo kfə́. Aámóʼó bínsi ji wù dzə̀ á wír wo juŋ. Aámóʼó sháʼnin shàʼnín ji wù taʼ, e boʼtí a wíri.

2 Korin 6:8

Á lo, á wàa ghvəm ver ji *aŋgàa ntum Nyùy, kfə́n lo, á wàa shoór ver. Lo, e ghan símóʼ sí, á lòr ver, lo, á wàa burí ver. Wír aníne yoŋ ver ji asə́ŋgúm, a kinyo ke vèr fiʼtì ki kù dzə̀ kíwun ke dzəə̀n ke ru kí.

Matio 27:63

e yòŋ jii, «Wìr wo kuʼùn, vèr kù dzəə́ kuúme kinyo ke sə́ŋgúm və̀y‑iì rə́si suuy e ghan se wù‑uù dzə̀ə́ e tin. Wù‑uù suuy jii, vishiíy ví wíy meé vitaár, é wun fəə́ fó kpu.

2 Wòŋ 32:15

Kí nén a dzə jii, vèn wáa yen a fo Fòn Hesekiya bóʼtí ven, e yiì, é vèn jáy dzə́ə. Lá vèn yòʼ a tiír vifií e Hesekiya wùn. Bó nyùy kitum kímóʼ kí, kìn nyùy wìr ámóʼó yòʼ‑oò yiì ne bòyìr wír və́ fo mǒ kiwo, kìn fo atàr vémé kiwo. Vèn wáa kwàʼ ji wóon woo nyùy yíi ghan kfə́ é le, e bóo fəə́r ven fo mǒ kiwo?»

2 Afòn 18:32

Vèn kù wíy a dzə bèy, e dù meé mo wun waà wíy wìy, e lì a ven, e dù sho e nsay ye yì dzəə̀n moo yéen. Nsay, a dzə̀ nsay vifa ve yi, nsay, a yì kfə̀n fó meluʼ, kfə́n a dzə nsay vicì vé *oliv, à ye vilù. A vèn ghvə̀m jí sìn, bo vèn lùŋ ne, a vèn yòʼ dzəə́ yìi kpukír. «Vèn wáa yen fo Hesekiya bóʼtí ven, é vèn wáa kwàʼtì ji Nyùy Tàr yíi fəə́r a ven fo mǒ kiwo.

2 Afòn 18:29

Fòn suuy jii, ‹Vèn wáa yen fo Hesekiya bóʼtí ven. Yòʼ dzə̀ Hesekiya, wù fə̀ə́r ven fo mǒ kiwo.

Matio 15:3

Jesus nèn bìnèr jii, «Vèn shóʼor kén nsər ye dzəə̀n ye Nyùy, jumrì a dzə̀ vén vee vinyo bìʼ ka?