Joon 7:42 - ŊWÀʼ NYÙY

⁴² Á sà yòʼ‑oò sàŋ é Ŋwàʼ Nyùy ji Mfə̀ə́r wíy fəə a dzə̀ fo Fòn Davir ram, a wù wíy lò a dzə̀ fó Betlehem fo láʼ à Daviri‑iì dzəə̀n á?

Joon 7:42 Referans Kwoze

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Matio 2:5

Á bìnèr jii, kí‑iì dzə̀ á ji á wíy dzəə́ e ntèʼ yee Betlehem, e wòŋ woo Juda fèn. A dzə̀ mo *ŋgaà ntum Nyùy wùmòʼ‑oò saŋen ji Nyùy suuy a jii:

Ŋwàʼ Luk 2:4

Joosev nèn lò fo Naasarer e ntèʼ yeé Galeli, e lì Maria wo vé‑eè juùrìn shó, wùn wun wáa dù e mbìv wòŋ yee Juda ji á táŋ á áwune é Betlehem fo vé‑eè dzəən Fòn Davir, bìʼ fo Joosev‑iì dzəə̀n wír woo Fòn Davir ram. Á wáa dù bèy, a Maria kì dzə̀ e bvə́me.

Jeremia 23:5

«Vèn leéy, e yèn, ghán sí wiyì, se m wíy yiì, é tám woo réŋé fəə́ e Davir ram, é m kóʼór ji fon. Wù wíy a saʼ vifon və́ é dzəə yee réŋ, a tinén vinyo tìítiy, a yiì a dzə̀ vinyo ve ru ví é wòŋ. Suuy mo woo Nyùy Tàr.

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Matio 1:1

Kin ki dzə̀ yír sé atǎr rám Jesus Kristu wo dzəə̀n wán woo Fòn Davir ram, a Fòn Davir və̀n‑eè ràm fo Abraham.

Aysaya 11:1

Á bèy, taà saʼ wo fíy wíy fəə fo Jessi woo tàr à Fòn Davir ram, rám, a yí sì moo kicí ke á bàʼàn, ku gòʼ kiŋkfəy ke kinyè. Rúrú, kí wíy tokír, é tám wo fíyi fəə́ fó ghaŋ fóo fèy, a kuy.

Nsùyrì Nyùy 132:11

Wò‑oò yiì ŋkàʼmé vèn Davir, e sə̀ntì. Wò‑oò sə̀ntì féyì, a bó à yòʼ dzəə́ wìy kòr. Wò‑oò yii, suuy jii, «M yíi koʼór wán fo wò mvə̀m wòn ji fon, é wù yí ntaʼ wò.

1 Samuel 16:1

Nyùy Tàr nèn lò, e yòŋ e Samuel jii, «À wíy sòv kitú bìʼ Saul, e dù, e meé e le? M kù mèŋ ne wun fo fòn woó Isray. Wáy meŋgvə́r mè e wò loŋ, e lì kiwuú kí é dzəə. M túm wò fo Jessi wùn é Betlehem. M shòʼ ne wán və wùmòʼ ji fon.»

Nsùyrì Nyùy 89:4

‹M wíy tuúy rám yé, é yí wáa tiy fo ghán sidzə̀m, e bàʼrì vifon vé, é ví wáa dzə fo ŋgwàʼ sidzə̀m.› »

1 Samuel 16:18

Wánlè ntoʼ wùmòʼ suúy jii, «Jessi woó ŋkàlaʼ Betlehem kér wán woo lumèn, a wù kì móo kùm lúŋ kijuŋ. Wù dzə̀ wánlè nsùm, a wù kér shilív she tavín shí, a kfə̀n dzə̀ wir rə̀r. Wù càʼ e kisuŋnìn, e kfə̀n bòŋ fo si, a Nyùy Tàr dzə̀ wùn wun.»

Joon 7:27

A bó yòʼ dzə̀ wàa dzə wun, bìʼ fo vèr kiìn fo wìr və̀n loòn. Mfə̀ə́r wíy bvəy kfə́, é la wìr yòʼ kìíy fo wù loòn.»

1 Samuel 17:58

Saul dzə́r e wun jii, «Wánlè nsùm, à dzə̀ wan la?» Wù bìnèr ji wun dzə̀ á wan ŋgaà və lìm woo Jessi, woo wír woó Betlehem.

1 Samuel 16:4

Samuel ku nèn dù e Betlehem mo Nyùy Tàr kì suuyin. Wù meé fó, kindzə́m kí gwàr atǎr ntèʼ ve vé‑eè wiy e yen wun. Á dzə́r e wun jii, «Ghán yée dzə̀ ye juŋe á?»

Matio 2:6

«Wò woo shintèʼ shee Betlehem e nsay Juda, lá à yòʼ a kwàʼtì ji bó à yòʼ kér kilíŋ e mvə̀m ntèʼ seé Juda se sí tíy mbìy. Kilíŋ ké ki kùʼ, bìʼ fo ŋgaà saʼ wíy fəə fo wò mvəm, a dzə̀ wo wù wíy a dànèr wír vém veé Isray.»

1 Wòŋ 2:51

a wan və woo Salma dzə̀ tàr à wìr veé Betlehem, é bo wan və woo Harev wáa dzə tàr à wìr veé Bet‑Gader.