Joon 7:39 - ŊWÀʼ NYÙY

³⁹ Jesus wáa suúy kin, a wù yoŋ a dzə̀ Kiyoy ke Nyùy ke wír ve á wáy shilív e wùn wùné wíy a ker. Wáa dzə e ghan see shooy, a bó Nyùy yóʼ ne tùm Kiyoy kee shooy, bìʼ fo wù yòʼ‑oò ló ne kòʼór Jesus, wù nəə́ e wùn vikùʼùy.

Joon 7:39 Referans Kwoze

Lim Aŋgàa Ntum 2:17

« ‹Nyùy suuy jii, wíy lòo dzə e ghan sé bàm sí, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí, é wón vén vee wónlě nsùme wáa yen vinyo e njà vinjeenjèm, é ŋgày sén sé wìr si wáa yen vinyo e njèm.

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Lim Aŋgàa Ntum 2:4

Kiyoy ke Ranén kí ku nèn wìy, e rùn aáwuné meliv, e yiì, áwune kèʼ, a suŋnín lám sé vitum jeéy jeéy.

Joon 16:7

A m suuy ven kinyo ke ru kí jii, lo ye m lo rə̀ne dzə̀ vishí vén ve juŋ vi. A m dzə̀ là fóo dù, bo bó yòʼ dzə̀ Ŋgaà Sə wo m kì yoŋ və̀y wìy wìy fo vèn. Kù wíy dù mo, e bóo tsənsí.

Joon 12:16

Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Aysaya 32:15

Kí wíy a dzə bèy, e dù, e meé mo Nyùy Tàr wíy tsənsí Kiyoy kfə́ e vèsən. Wù tsə́nsi, é kirə́ʼ ké woʼ kí kfə́n lèn ji súm, é súm sí rəŋsin, a dzə ji kóv.

Ŋwàʼ woó Rom 8:9

Yii bèy, kén kí yòʼ dzə̀ bey. Vèn yòʼ dzəə́ dzə́, yú a dzə̀ mo mensə́ mè lim e věn wùn. Vèn sí yú a dzə̀ fo Kiyoy ke Nyùy ki, a kí bèn dzə̀ rú e věn meliv mo m kiìn. Vèn wáa kuumé jii, a Kiyoy ke Kristu kìn ki bùŋ fo wìr shiliv, bo bó ŋgaàŋ yòʼ dzə̀ wir Kristu gheéy.

Lim Aŋgàa Ntum 2:38

Pita bìnèr jii, «Wìr mòʼón mòʼón biner shiliv sə́, aá wáy ven é ndzəv e Jesus Kristu yir, é Nyùy laysin vinyo vén ve bi ví, e kfə̀n fò ven fómo və wo dzəə̀n Kiyoy ke Ranén kí.

Joon 20:22

Wù suúy bey, e nèn yòy aáwuné wùn, e sùúy jii, «Vèn ko Kiyoy ke Ranén kí.

Joon 12:23

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

2 Korin 3:8

Mo kí dzəə̀n bey, bo mensaŋ me fíy mè, me wìyìn Kiyoy ke Ranén kí shó, mè kér fó shaà mee shooy.

Lim Aŋgàa Ntum 4:31

Áwune lòo màysì bunrì, nsay sə̀ʼ fo áwune kì dzəə̀n. Kiyoy ke Ranén kí rún aáwuné meliv, e yiì, á wáa fìʼtì kinyo ke Nyùy là fan.

Lim Aŋgàa Ntum 3:13

Yiì Nyùy ji wun kóʼór yír Jesus woo Ŋgaà və Lìm, wun woo Nyùy wo dzəə̀n wo atǎr ram yesən. Dzə̀ Nyùy Abraham, à wo Aysi, à wo Jakov. Jesus woo shooy dzə̀ wo vèn‑eè gòvtìn, e lì, e fò e vé saʼa, Payler lòo màʼtì, vèn sháʼnín.

Joon 17:5

Tàr wor, ku kfə̀n fò mo vikuʼùy vém viy lèn wo m tíy e wò si və̀n, vikuʼùy ve mò‑oò sí kér wòsò, é bo ndzə wìy a dzə.

Joon 14:13

Kí nén a dzə jii, a vèn lón ka fo Nyùy, lón a dzə̀ e mǒ yir, m kù nèn yiì kíwun, é wíri fíʼ a yen kinyo ke mo woo Wan Nyùy yii, a burí a dzə̀ Tàr wor.

Joon 7:12

Wìr dzə̀m ku rə̀sí, a ghay a dzə̀ kinyo kfə́. Aámóʼó bínsi ji wù dzə̀ á wír wo juŋ. Aámóʼó sháʼnin shàʼnín ji wù taʼ, e boʼtí a wíri.

Joon 6:14

Wíri yén kinyo ke Jesus yiìn, a kí din vitaáví vé Nyùy, á nèn a suúy jii, «Wìr və̀n dzə̀ rú *Ŋgaà Ntum Nyùy wo vé‑eè shiy ji wù wiy é nsay fèn.»

Joon 1:33

Mómò, m yòʼ‑oò ló ne kìíy sa mo ŋgaàŋ dzəə̀n, a Nyùy wo wù tumen mo, bo m wáa way wíri é ndzəv‑iì sùúy ne e mò jii, m wíy yén, a Kiyoy kfə́ kí sə́ʼə́y, e dzə̀ʼə̀m e wìr kitu, bo dzə̀ á wír wo wù wíy a way kfə́ wíri a dzə̀ e Kiyoy ke Ranén kí kiwo.

Joon 1:25

á nèn kfə̀n dzə̀r jii, «Mo à buŋen fó Mfə̀ə́r, e bùŋ fó Elija, e kfə̀n bùŋ fó Ŋgaà Ntum Nyùy wo á shiyì, yiì ka, bo à wáa way wíri é ndzəv?»

Joon 1:21

Á nèn dzə̀r jii, «Bo dzə̀ wò la lèn? À dzə̀ Elija à?» Wù sháʼnín. Á kfən dzə̀r jii, «À dzə̀ *Ŋgaà Ntum Nyùy wo á shiy və̀y à?» Wù nèn kfə̀n shàʼnín.

Ŋwàʼ Luk 24:49

Vèn wáa kiíy jii, m yíi tsənsí ven mbùʼmé wo Tàr wor‑iì kàʼàn ven shó. Kí nén a dzə jii, vèn goʼ é mvə̀mlaʼ fèn, e dù, e meé e ghan se Nyùy wíy fo ven vitaáví ve ví loòn fó yuv.»

Ŋwàʼ Luk 7:16

Wìr dzə̀m yén bey, wún wóví beémé. Á wáa sùyrì Nyùy, a suúy jii, «*Ŋgaà ntum Nyùy wo gháʼán fəə̀ ne e vèsə́n mvəm. Nyùy wìy ne fó sə wír və́.»

Ŋwàʼ Luk 3:16

Joon kiíy, e sùúy e wír vìyi adzə̀m jii, «M wáy kém wíri lèn e ndzəv, a kù dzə̀ ji mendzə́v cáʼ. Yii bèy, a wìr wo wù kùʼùn féyì, e shaà mo sí wíy fo mǒ bàm, a bó m yoʼ fə̀m ghèén fó gvəʼə́m e si wo, e bvə̀tì alábáʼ və́. Wù yíi wìy, é wù wáa way kfə́ wíri a dzə̀ e Kiyoy ke Ranén kí kiwo, a way ámóʼó é və̀y.

Matio 16:14

Á bìnèr jii, «Wír ámóʼó yoŋ ji à dzə̀ á ŋkfə Joon woo Ŋgaà Wáyndzəv, aámóʼó yoŋ ji ŋkfə Elija, ámóʼó jii, ŋkfə Jeremia, kìn ŋkfə *ŋgaà ntum Nyùy wùmòʼ.»

Ŋgàn 1:23

Vèn binkir, e yuùrí ntir ye m fó e vèn. M yíi way vifií vém e věn kitu, e yiì, é vèn wáa dzə afií.

Joon 14:26

Yii bèy, Tàr wor wíy tum Ŋgaà Sə wo dzəə̀n Kiyoy kfə́ fo vèn e mǒ yir, é wù wáa naàrì ven vinyo vidzə̀m, a yiì, é vèn wáa kuumé vinyo ve mò‑oò suuy e vèn vidzə̀m.

Matio 21:11

Màŋgòŋ wáa bìnèr jii, dzə̀ á Jesus woo ŋgaà ntum Nyùy, a wù lò fo Naasarer, e Galeli.

Aysaya 12:3

Wír veé Isray, vèn wíy a sheʼrí boyìr ye Nyùy bòyìrìn ven, a yu vijuŋ feyì moo wír wo kilòŋ kí lòo yum, wù koóy mendzə́v.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

Joon 8:54

Jesus bìnèr jii, «A m lò, a suúy kitú kém, bo dzə̀ kinyo kisáŋ. Kù din Tàr wor mo m dzəə̀n. A kù dzə̀ wun woo shó wo vèn yoŋ ji Nyùy won.

Joon 16:14

Wù wíy a nàn yír yém, bìʼ fo wù wíy a lì a dzə̀ vinyo vém, a fèr e vèn.

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Lim Aŋgàa Ntum 19:2

e dzə̀r aáwune jii, «Kiyoy ke Ranén kí‑iì lo wìy fo vèn é ghan se vèn‑eè wayin shilív e Nyùy wùn á?» Áwune bìnèr jii, «Vèr yòʼ‑oo yií ne yù ji kímóʼ kí dzə̀ á Kiyoy ke Ranén kí.»