Joon 7:38 - ŊWÀʼ NYÙY

³⁸ A ké wìr wo wù wáy shilív e mǒ wùn kí wíy a dzə mo vé‑eè yòŋèn é Ŋwàʼ Nyùy ji ‹Ntòŋ sé ndzəv sí wíy a fəə fo ŋgaàŋ shiliv, a fo mendzə́v me mè fó dzəʼə̀m yee là may.› »

Joon 7:38 Referans Kwoze

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Aysaya 58:11

Mo woo Nyùy Tàr, m yíi a dànèr ven ghán sidzə̀m. M yíi a nəʼsín ven e vifá ve juŋ ve vèn kér shií shó vi, a yiì, é vèn wáa dzə atávkín. Vèn yíi a dzə kijuŋ moo kiboó ke á wáyri mendzə́v shó kijuŋ, a bun bunén é mvə̀m vifa moo ntoò ndzə̀v ye yì léŋ ghán sidzə̀m.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Aysaya 12:3

Wír veé Isray, vèn wíy a sheʼrí boyìr ye Nyùy bòyìrìn ven, a yu vijuŋ feyì moo wír wo kilòŋ kí lòo yum, wù koóy mendzə́v.

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

Ŋgàn 10:11

Wìr yú Nyùy, fəər jí, sí rəə̀r wír, méŋ Nyùy, fəər jí, sí màʼ melaà.

Sekariya 14:8

Wíy lòo dzə e kishiíy fóo fèy, é ntòŋ ndzə̀v ye yì fəə́ ghán sidzə̀m wáa leŋ fo Jerusalem. Nshwàn wúmóʼó wíy a leŋ, a dù e Ndzə́v Shiŋgwaŋe, e mbìv yee fo shùy yii tó, é wúmóʼó wáa leŋ, a dù e Rìbà Ndzə̀v woo Mediteranean, e mbìv yee fo shùy yii nəə. Yí kù wíy a leŋ bèy e bìŋ, a leŋ e lùm.

Ŋgàn 18:4

Jí se sí fəə́ fo wìr shuù si dzə̀ moo ndzə́v ye yí shoon. Shúu wìri lóo fəə́r jí se sí kér vifií, wú wàa rə̀sìn moo ntoò ndzə̀v ye yì meé fo lòo nsay, léŋé.

Aysaya 59:21

Nyùy Tàr kfə́n a kàʼ aáwune jii, «Fo kém kí, m wíy gwàr *mensaŋ vèsən jii, Kiyoy kém ke kí dzəə̀n e věn meliv kí kù wíy a dzə vèn áwune, e dù, e jòʼsì, é vèn kú a ruvtí jí sém se m yeʼeyin ven shó. Wón véné yòʼ wíy a yàr fó a ruvtí, à wón won véné shó. Á yòʼ wíy a yàr fó a rə̀tì sho, e kèʼ fo lèn, e dù, e jòʼsì.»

Remrí 18:15

Nyùy Tàr woo Nyùy won wíy tum *ŋgaà ntum və wùmòʼ fo věn wùn moo mo, a wíy a dzə wír fo věn mvəm. Vèn kù wíy a yunín a dzə̀ wun.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Aysaya 35:6

Aŋkivkìri wíy a liynín moo njà, é vindzə̀mer vi wáa yòv e kishéʼrì ki. Rúrú, Nyùy wíy yiì, é nsay shaʼam é woʼ, é mendzə́v mè wáa mee fo fo, é ndzə́v sí wáa leŋ leŋén é nsay ye yumér.

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.