Joon 7:37 - ŊWÀʼ NYÙY

³⁷ Wìy lòo dzə e kishiíy ke vé‑eè sí maar kiŋkàʼ kìy, a dzə̀ kishiíy ke kuʼùn kí fó kiŋkàʼ foo fèy, Jesus nànèn e wírí ntìntìn, e jàŋ kitávín jii, «A kilòŋ kí yúm wír, wù wìy, e yèn mo, e rəə̀r kilòŋ kfə́.

Joon 7:37 Referans Kwoze

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.

Joon 4:14

Yii bèy, a bó kilòŋ kí yòʼ dzəə́ wìy yum wír wo wù nó mendzə́v a dzə̀ me foon mo. Mee shooy mè wíy a dzə e ŋgaàŋ wùn ji ntoò ndzə̀v ye yì fəə́ ghán sidzə̀m, fó wun dzəʼə̀m yee là may.»

Joon 6:35

Jesus nèn a suúy aáwune jii, «Dzə̀ mo wo dzəə̀n vifá ve yi ve ví fó dzəʼə̀m yee là may. Wír wo wù wiy, yén mo yòʼ dzəə́ wìy a yu jíŋ. A bó kilòŋ kí yòʼ dzəə́ wìy a yum wír wo wù wayin shilív e mǒ wùn.

Aysaya 12:3

Wír veé Isray, vèn wíy a sheʼrí boyìr ye Nyùy bòyìrìn ven, a yu vijuŋ feyì moo wír wo kilòŋ kí lòo yum, wù koóy mendzə́v.

Ŋgaà Yen 22:17

Kiyoy ke Nyùy wùn jìn wun woo Jesus nèn sàyín jii, «Ku wìy wìyìn.» Wìr dzə̀m wo wù yú kinyo kìn kú a binsí sa jii, «Ku wìy wìyìn.» Kí nén a dzə jii, wír ve á yúm kilòŋ adzə̀me ku wìy, e nò mendzə́v me mè fó dzəʼə̀m yee là may. Wìr wo wù koŋ fó no e dzə̀m, kù yíi a no kisáŋ.

Aysaya 44:3

Kí dzə̀ jii, m wíy səə̀vì nsay ye yì yúm ji káv, e fəə́r ndzə́v, é yí wáa leŋ e nsay ye yì yumen ne, e mày. M wíy səə̀vì rám yén, e fo Kiyoy kém aáwune, é kiŋgoòy kén kí wáa yu vijuŋ ve kisəə̀vì kém.

Joon 4:10

Jesus bìnèr jii, «Aà bèn kì fómo wo Nyùy taʼ, e fo wò, e kfə̀n kìíy mo wìr wo wù lón mendzə́v fo wò və̀n dzəə̀n, bo kì yíi lon wò fo ŋgaàŋ, é wù fó wò mendzə́v me mè léŋ ghán sidzə̀m.»

Ŋgaà Yen 21:6

Wù kfən sùúy e mò jii, «Nsìysì wom ghèén ne lán e dzə̀m. Dzə̀ mo *Alfa wùn *Omega, a dzə̀ jii, Keʼ wùn à Kinjòʼsì kí. M wíy a fo mendzə́v me dzəə̀n dzəʼə̀m yee là may e wìr wo kilòŋ kí yúm e dzə̀m, a mè fəə́ fo mǒ dàn ghán sidzə̀m, aá nó kisáŋ,

Nsùyrì Nyùy 42:2

M yár jiŋ Nyùy wo wù dzəə̀n e tin. M wíy dù e wun lav e ghàn ka? M wíy a sùyrì wun fo e ghàn ka?

Nsùyrì Nyùy 63:1

Éè Nyùy, à dzə̀ Nyùy wom wo m suyrì. M yár jiŋ yè, kér shii wò, kér feyì mo wìr keèrí shii mendzə̀v é kirə̀ʼ ké woʼ.

Nsùyrì Nyùy 143:6

M nan wó yém, nanè, tóŋ e wò. M yár jiŋ yè mo nsay ye yumér yàr ye wuù.

Ŋgaà Yen 22:1

Nshìylav Nyùy rə̀y nèn dìn mo ndzə́v ye wìr nó, wù wàa ker dzəʼə̀m yee là may. A yí rán ji rèéŋ moo kileèy, fəə́ fo sar kàvàʼ wo dzəə̀n wo Nyùy wùn Wàn Njiì və,

1 Korin 12:13

Vèsən dzə̀ wír jeéy jeéy, ámóʼó dzə̀ veé Juda, ámóʼó vitúm ve sən ví, ámóʼó akwàn, ámóʼó nén a dzə wón wòŋ. Yii bèy, a kù dzə̀ Kiyoy kee shó kimòʼón ke kí‑iì liìn vèsən adzə̀m, e tàtí ji wún e mòʼón, a dzə̀ kíwun ke Nyùy wayin e wìr mòʼón mòʼón shiliv.

Joon 6:55

Wún wómé dzə̀ vifá ve yi ve ru ví, a mensə́ mem mè dzə̀ nó yee rú.

Matio 11:28

Ven ve kibeʼèy keé ndzə fèn ki yúy ven, vèn wiy, e yèn mo, é m yii, é vèn meeme.

Kintaŋ 29:35

«Lóo dzə e kishiíy kee waamé, é vèn kaárí, a bùnrì Nyùy. Lá wìr yòʼ lìm lim ye á yii lim e vishiíy vee viy.

1 Korin 10:21

Bó yòʼ dzə̀ vèn wàa no fo Tàr wòsən Jesus Kristu bàr, e kfə̀n a no fo wo dzəə̀n wo Satan. Bó yòʼ dzə̀ vèn wàa yi vifá ve yi ve Tàr wòsən, e kfə̀n a yi ve dzəə̀n vé Satan.

1 Korin 10:4

a no sa mendzə́v me mè‑eè lo fo Nyùy. A wù‑uù yii, a mè fəə́ a dzə̀ fó kilan. A kilán kee shooy ki dzə̀ Kristu wo wù‑uù ghán wùn áwune.

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Cù 23:36

Vèn ku cù Nyùy Tàr e cu se və́yí bin fo fo si, vishiíy saàmbà, lóo dzə e kishiíy ke kí meen ji waamé, vèn kù kaàrí, a bùnrì Nyùy Tàr, a cù wun e cu ye və́yí bin fo foo. Dzə̀ kishiíy ké bùnrì kímóʼ kí jeéy, é la wìr yòʼ lìm lim e kishiíy fen moó vishiíy vímóʼ ví.

Efesor 5:18

Lá vèn yòʼ a yu a dzə̀ fó melùʼ me noón mè, bìʼ fo dzə̀ mè kù wày ven a dzə̀ é kinyò ke bi kí. Vèn kú a yu kén a dzə̀ fo Kiyoy ke Ranén kí, é kí rún e věn meliv.

1 Korin 11:25

Á yí, wù nèn kfə̀n lì sa bàr, e sùúy jii, «Bàr və̀n dzə̀ *mensaŋ me fíy mè me Nyùy wíy gwàr vèn áwune e mensə́ mem mè. Vèn wíy siiy, vèn wàa no bèn, a kuumé mo.»

Joon 14:6

Jesus bìnèr jii, «Dzəə̀ kù dzə̀ mo və̀n, a kinyo ke dzəə̀n ke ru kí kù lo a dzə̀ fo mò, a kù fó mo dzəʼə̀m yee là may. A bó yòʼ dzə̀ wìr shaà, e dù, e yèn Tàr wor, a bó ŋgaàŋ beé a dzə̀ mo.

Joon 6:37

A wír ve Tàr wor foon ji vém adzə̀me kù wíy a tàʼ mo, a wìy, a yen, a bó m yòʼ wíy jùm wo mòʼón gheéy.

Joon 5:40

Yii bèy, vèn ku tèn fó way shilív e mǒ wùn, é m fó ven dzəʼə̀m yee là may.

Joon 1:23

Wù bìnèr jii, «M dzə̀ wír wo Aysaya woo ŋgaà ntum Nyùy‑iì saŋen jii, ‹Jì wìr fúŋ fo kwaʼ jii, á naari dzə́ə Tàr, é bo wù wáa wìy.› »

Sekariya 9:15

Nyùy Tàr woo Taà Mànjòŋ wíy a kìŋsìn áwune, aá wáa nyèŋrì aŋgàa vibàn vév ve á rəŋ kiŋkoʼ. Á kù wíy a nyèŋrì, a kò mo wìr nò meluʼ, e kùr, e kùr ben mo mè rùn é kighin, a jiíy mo mensə́ mè jìíy fo kor se kiy cù.

Mayka 6:9

Vèn yuúrí mo Nyùy Tàr fúŋ e ŋkà se laʼ, yíysi jii: «Ven ve vèn baʼtin é Jerusalem, vèn fó vituʼùr, e yuùrí. A wìr ghvə́m Nyùy Tàr, bo ŋgaàŋ dzə̀ fií.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Jeremia 2:2

«Dù, a tiisí, é wìr dzə̀m woó Jerusalem wáa yu ji mo woo Nyùy Tàr suuy a jii: « ‹Isray, m kuúme mo wò‑oò wayin shilív e mǒ wùn, aà dzə̀ə́ ji wánlè ŋgòn. Wò‑oò koŋ mo é ghan se wòsò‑oò tatin vijín. Wò‑oò jumrì mo é kirə̀ʼ ké woʼ kí, nsay, a bó kifá ki yòʼ kúy sho.

Aysaya 55:3

Éè wìr vem, vèn yuúrí kijuŋ, vèn wiy, e yèn mo. Vèn wiy fo mǒ wùn, e fíʼ wìy bonén, e shiíy. A vèn yiì bèy, bo m wíy gwàr *mensaŋ vèsən, mensaŋ, a mè wíy a tiy fo, e dù, e jòʼsì. Dzə̀ koŋ ye ruú, a dzə̀ yíwun ye mò‑oò kàʼàn Davir sho, e kfə̀n lìʼ.

Aysaya 40:6

Mò‑oò yù jí wìr, a yì suuy e mò jii, «Ku fìʼtì sáʼka e wíri.» M dzə́r jii, «M lo, a fìʼtì ji ka?» Yì binèr ji m fiʼti á jii, «Wìr dzə̀m kù dzə̀ moo viŋgà. Vijuŋ ve wìr vi kù dzə̀ moo kibuushì keé kwaʼ.

Nehemia 8:18

Áwune‑eè yiì ŋkàʼ vən kishiíy saàmbà. A kishiíy kidzə̀m, e kèʼ fo kishiíy ké mbìy ki, e dù, e bàʼ e ké bàm kí, Esra kù‑uù yoŋ kinyo fo Ŋwàʼ Nsər Nyùy. Lòo meé e kee waamé kí, màŋgòŋ nèn bàʼtí mo nsər‑iì suuyì, e maàr.

Cù 23:39

«Ké *Ŋkǎʼ Tàv sé Ghan ki nén a dzə jii, lóo dzə e kishiíy kee nshòv sitàn e ghvə̀m fo ŋwee woo saàmbà, a vèn káv ne vifá fo kwaʼ, ví máy, vèn lèm ŋkǎʼ Nyùy Tàr kishiíy saàmbà. Kishiíy ké ŋkàʼ vən ké mbìy ki kù dzə̀ kishiíy ké meèmè kee jeéy kí, a ke kí meen ji waamé kí kù dzə̀ sá bèy.

Joon 7:28

A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Aysaya 40:2

Vèn kú a suŋnín lám wo juŋe, a rəə̀r wír veé Jerusalem sho jii, ghán se áwune‑eè rə́si yén ŋgeʼ ye tavín sí shaà a ne, aá làysìn a ne ajay vév. Fə̀m mo Nyùy Tàr màʼàn ne ŋgeʼ aáwuné kitu, e tòm e ŋgeʼ, bìʼ vinyo vidzə̀m ve áwune rə́si buʼtì, ké lèn ki, wù shàm á ne áwune.»

Yòv Viŋgér 5:1

Shilìv shem, yeè lav wòm, m nə̀ə́ ne e mǒ kiboo, a m sí kéŋ vikwiíy ve rəʼtìn ví. M sí kéŋ *nard wom, kéŋ *mer. M sí lá vilu vém ve ví koon shuu wóm, nyoóŋe gham, a m sí nó meluʼ mem, nyóŋ vín yém. Kweʼfèné, vé kikòŋnìne, vèn ku yì kikoŋnìn kén kí, e yù. Vèn ku nò kikoŋnìn kìn e njà melùʼ, e shaàsìn.

Ŋgàn 8:3

Vifií ví kù tíy e dzəə se sí nəə e ŋkàlaʼ, fúŋ fo shùu kày yeé ŋkàlaʼ.

Matio 3:3

A dzə̀ wun woo Joon wo Aysaya woo ŋgaà ntum Nyùy‑iì fiʼtì jii: «Jì wìr fúŋ fo kwaʼ jii, ‹Á náŋsín dzə́ə Tàr, e naàrì, é bo wù wáa wìy.› »

Ŋgàn 9:3

e tsə̀nsí və́ vé lìm vee vikìy ji á du, e kòʼ é kitar keé ŋkàlaʼ a fuŋ jii,

Ŋgàn 8:1

Wìr dzə̀m yuúrí, e yù mo vifií ví fúŋé, e kfə̀n yuùrí mo kiíyi nan jí, fó yéʼéy.

Ŋgàn 1:20

Vifií ví fúŋ jí se ntir, nan jí e mentàrnín, fúŋ moo wiíy wo wù tóŋ, táŋ kinyo e wáynjáŋ.

Ŋgàn 8:17

M koŋ wir dzə̀m wo wù koŋ mo, a ve á taʼ mo é shií kù yíi yen.

Esiker 47:9

Ndzə́v rə́ne shaa e kirə̀ʼ, bo vifá ve ví kár e ndzəv ví yíi a dzə fo, a ŋèʼ. Sə́ si wíy a dzə fo nyanyày. Rúrú, ndzə́v rə́ne wíy yiì, é mendzə́v meé Ndzə́v Shiŋgwaŋ mè kfə́n ji me juŋ mè. Yí shaa e kirə̀ʼ, é vifá vi wáa ŋèʼ fo, a yu vijuŋ.

Matio 5:6

Bòŋ ké wìr ve jìŋ yár áwune ji á wáa yiì mo Nyùy taʼà, bìʼ fo Nyùy wíy yiì kinyo ke áwune diyì.

Joon 4:11

Wiíy woo shooy nèn lò kfə́, a dzər jii, «Taàtá, à yíi lì mendzə́v me mè léŋ mee shooy fo feé, a bó à yòʼ kér kifá kée ser sho, a bií kfə̀n shoò é ŋàŋ?