Joon 7:35 - ŊWÀʼ NYÙY

³⁵ Vé wòŋe nèn a kfə̀ynìn jii, «Jwè və̀n suuy ji wun du fèé, fo bó yòʼ dzə̀ vèsən yèn wun? A tàm bo wù taʼ, a ghan fo wír veé Juda ve á dzəə̀n é vitum vímóʼ ví, a yeʼéy wír vee fó.

Joon 7:35 Referans Kwoze

Jeem 1:1

Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.

1 Pita 1:1

Ŋwàʼ və̀ne sàŋ mo woo Pita wo dzəə̀n ŋgaà ntum Jesus Kristu. A m sàŋ a dzə̀ fo wír ve Nyùy shoʼon ji və́ ve á sàmèrìn wún, a beè e wòŋ see Pontur wùn à Galatia, à Kapadosia, à Asia, e lì woó Bitinia.

Tsəfaniya 3:10

Wíri wíy a wìy e vifá vém vé cù vi, a mbaà mo shó. Wír vém ve á saŋrin, e dù, mèé e ghaŋ se ndzəv seé Etiopiàa kù wíy a wìy.

Aysaya 11:12

Nyùy Tàr wíy nàn cícíwàr ji vitúm vidzə̀m vi fiʼ yèn, nanè, é wù báʼtí wír veé Isray ve vé‑eè jùmèn fo áwuné nsay. Wù wíy baʼtí wír veé Juda ve á dzə́ e vitum vímóʼ ví vinín, aá wiykir fó buu se ndzə sidzə̀m, e tàr kirə́ʼ kimòʼón.

Joon 12:20

Wír ámóʼó wáa dzə sa ve vé‑eè koʼon fó kiŋkàʼ keé Jerusalem kìn ji á bunrì Nyùy, a vé‑eè wìy fó vitum veé Grik.

2 Timoti 1:11

Nyùy‑iì lì mo ji m wáa fìʼtì a dzə̀ á sáʼka woo shooy, a ghan, a tiisí ntum Kristu, a yeʼéy wíri kinyo kfə́.

1 Timoti 2:7

Jesus Kristu nèn lì mo ji ŋgaà ntum və ji m wáa fìʼtì a dzə̀ kinyo kee shoon. Wù‑uù lo lì mo rú, a bó m yòʼ bóʼti. A wù‑uù lì jii, m wáa yeʼéy wír ve bó yòʼ dzəə̀n veé Isray kinyo ke dzəə̀n ke ru kí, aáwune wáy shilív e wun woo Kristu wùn.

Kolosia 1:27

A kù dzə̀ mo wù‑uù sìysìn ji wun wíy yiì, é wír vəə́ kiíy á kinyo ke wù‑uù lìtìn kin, kee ji wun wíy bùʼ vitúm vidzə̀m e vijuŋ ve ghaʼán ví. Mo Jesus Kristu siìn e věn meliv, a dzə̀ vèn kìíy ji vèn wíy nəə́ e wun woo Nyùy mvə̀m vijùŋ veé yuv.

Efesor 3:8

Wù‑uù fò lim yee shoon a dzə̀ e mò və̀n, mo wo m dzəə̀n bám fo wír vəə́ adzə̀m. Wù‑uù tùm mo ji m wáa ghan fo wír ve bó yòʼ dzəə̀n veé Israyi, a fìʼtì a nyanyày vijùŋ wo Nyùy fó e wír ve á tatin wùn à Jesus Kristùu adzə̀m.

Lim Aŋgàa Ntum 22:21

Jesus bìnèr jii, ‹Ku lò loòn fó Jerusalem. M wíy tsənsí wò kwaʼda, áà du fo wír ve bó yòʼ dzəə̀n veé Judàa.› »

Lim Aŋgàa Ntum 21:21

a vé‑eè sí yú kév ji à ghán, yéʼey wír veé Juda ve á dzəə̀n é vitum ve sən ví ji á maʼti nsər se Mooser sìy, e làa yòʼ dzə́ə a saŋ *mbèʼ se won, e kfə̀n màʼtì a liì wòsən wòŋ e dzə̀m.

Lim Aŋgàa Ntum 11:18

Wíri yú kinyo ke Pita kìn, kí gheén áwune. Á nèn a burí Nyùy, a suúy jii, «Bo Nyùy fò ne sa kilíŋ e wír ve bó yòʼ dzəə̀n veé Judàa ji á wáa bìnèr melív mev, e fíʼ wìy lùŋ.»

Joon 8:22

Vé wòŋe nèn a ghaynín jii, «Wù yíi yuyrí kitú kfə́ yuyrín a, e bó a suúy ji bó yòʼ dzə̀ vèsən wìy fo wù du?»

Ŋwàʼ Luk 2:32

Wù wíy a dzə kikaʼày fo wír ve bó yòʼ dzəə̀n veé Israyi, aáwune fíʼ kiíy sa wò, a wù wíy nàn yír wìr vé veé Isray.»

Matio 12:21

Vitúm vidzə̀m vi wíy tiír vifií a dzə̀ e wun wùn ji á fíʼ lùŋ.»

Aysaya 49:6

«Bó yòʼ dzə̀ à kù jòʼsì cáʼ ji wír wom lìm. Yòʼ dzə̀ cáʼ ji à ku lì rám Jakov, é yí wiy fo mǒ wùn. Yòʼ dzə̀ cáʼ ji à wiy e kibér ke wìr keé Isray ke kí bòyìn kí. Dzə̀ sá ji m yíi nàn wò ji kikaʼày fo wír ve bó yòʼ dzəə̀n veé Israyi, áà yii, é wìr msòŋ woó kitu ke nsay dzə̀m fiʼ lùŋ.»

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Nsùyrì Nyùy 147:2

Nyùy Tàr kfə̀n sí baʼrì Jerusalem. Wù li wír veé Jerusalem fo kwaʼ nsàm, li áwune, kfə́n sho e bàm.

Aysaya 56:8

Á bèy, Nyùy Tàr woo Taà Ndzə, wun wo wù báʼti wír veé Isray fo kwaʼ nsàm, wù suuy jii, «M dzəə́ yìi baʼtí wír ámóʼó, aá tátí áwune.»

Joon 7:1

Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.

Lim Aŋgàa Ntum 11:20

Aŋgàa biimé ámóʼó nèn dù wìy sa e Antiyok, a dzə̀ wír veé Saypur, ámóʼó veé Serina. Wír vìne nèn a ghan sa wír ve bó yòʼ dzəə̀n veé Juda, a fìʼtì sáʼka woo kùm Jesus aáwune.

Lim Aŋgàa Ntum 14:1

Mo Por wùn Banabar duùn é Ikoniyum, kinyo ki ku kfə̀n kòóy áwune fó réŋréŋ mo kí‑iì kooyin é Antiyok. Wùn wun dù e ŋgày bùnrì yee fó, a fìʼtì kinyo kee kùm Jesus e dzəə ye wír veé Juda wùn à vitúm vi wáa biimé nyanyày.

Lim Aŋgàa Ntum 17:4

Ámóʼó yú, e biìmé, e tàtí Por wùn Silar. Wír veé Grik ve vé‑eè sí ghvə́m Nyùy, wùn à vikǐy wìr ve kuʼkìn ámóʼó tátí sá áwune anín.

Lim Aŋgàa Ntum 18:4

Lóo dzə kishiíy ké bam ke wìr veé Juda kidzə̀m, wù kù dù aáwuné ŋgày bùnrì, a suŋnín wùn áwune, e kfə̀n a suŋnín wùn à wír veé Grik ve vé‑eè wiy foo, e fíʼ bìnèr áwune.

Ŋwàʼ woó Rom 1:16

A bó yòʼ dzə̀ m wàa woomé fó a fìʼtì gheéy, bìʼ fo m kiìn féyì ji dzə̀ á vitaáví vé Nyùy, a ví yii, á lóo fìʼtì, wíri wàa way shilív e Wan və́ wùn, wun woo Nyùy wàa lùŋèr áwune adzə̀m, kìn dzə̀ wír veé Juda ve kinyo kìn ki‑iì dzəə̀n kév fó mbìy, kìn vitúm ve ví yú kév a dzə̀ lèn.