Joon 7:33 - ŊWÀʼ NYÙY

³³ Jesus nèn a suúy e wíri jii, «M dzəə́ yìi ndzə̀ytì vèsən fen shishàr, e nèn a kfən fo ŋgaà wo wù‑uù tumen mó wùn,

Joon 7:33 Referans Kwoze

Joon 16:5

Wáa dzə lèn, a m sí kfə́n fo wìr wo wù‑uù tumen mó wùn. Mo m sí du, wìr fo vèn yòʼ fə̀m dzə́r fo m du.

Joon 13:33

Jesus nèn kfə̀n yòŋ jii, «Wónen, bó m yòʼ dzəə́ yìi dzə̀ʼtì vèsən shinín. Vèn wíy siíy, a tàʼ mo, e làa yòʼ yen. A kù dzə̀ kíwun ke mò‑oò suuy e vé wòŋe ji bó yòʼ dzə̀ á wìy fo m du.

Joon 17:13

«Mo m sí kfə́n fo wò wùn lèn, m nén a lon vinyo vìn vidzə̀m, a m dzə̀ə́ e ndzə fèn, é kishéʼrì ke m yii kér e mǒ shiliv kí maysi, e rùn sá aáwuné meliv.

Joon 17:11

Wáa dzə lèn, a m sí maʼtì ndzə rə̀n, a kfən fo wò wùn, aáwune yíi siíy kév, e gòʼ sho. Tàr, kù jòʼsì wò ji Nyùy. Kú a shìy áwune mo yír yée dzəə̀n, a dzə̀ yíwun yee yír ye wò‑oò foon sá e mò. Kú a shìy áwune, aá tátí a dzə ji kitú kimòʼón mo wòsò dzəə̀n sá ji kitú kimòʼón.

Joon 16:28

Mo mò‑oò loòn fo Tàr wor, e bóo wìy e ndzə fèn, m kfə̀n sí lo fo ndzə fèn, e kfən fo Tàr wór wùn.»

Joon 16:10

Mo m kù yòʼ sí kfə́n fo Tàr wór wùn, é la vèn yòʼ dzəə wìy a yen mo réŋréŋ mo mò‑oò suuyì, kí nén a dìn ji á méŋ sa kinyo ke dzəə̀n ke ru kí.

Joon 14:19

Bèr shishàr, é la wír veé ndzə fèn vìne yòʼ dzə́ə a yen mo. Yii bèy, a vèn kfə̀n wíy yen. Mo m dzə́ sho ghán sidzə̀m, vèn wíy a dzə sa bìʼ mo.

Joon 13:3

Jesus wáa dzə, a wù kì kijuŋ ji Tàr wov wày ne vinyo vidzə̀m a dzə̀ e wùn kiwo, a wun‑eè lò fo Nyùy, a wun sí kfə́n a dzə̀ fó,

Joon 13:1

Kishiíy ke á kì bvəə́shi, a yi *Ŋkǎʼ Yáʼayshaà ki nèn ghèén, a Jesus kiíy ne ji sì á ghán se wun sí yìi màʼtì ndzə rə̀n, e kfən fo Tàr wóv wùn. Mo wù kù‑uù sí koŋ wír ve yiì dzəə̀n və́ é ndzə fèn, wù ku nèn a kòŋ bèy, e dù, e mày.

Maak 16:19

Mo Taàtá Jesus suŋnin wùn à wón və́ lìme, e màysì, Nyùy nèn lì wun e yuv. Wù kóʼ, e dzə̀ʼə̀m e Nyùy koy yìyí.

Joon 9:4

Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Joon 14:12

A m suuy e vèn rúrú jii, wìr wo wù wáy shilív e mǒ wùn, dzə̀ wù wàa yiì sa vinyo ve m yii vìn. A wù kù wíy a yiì, e shaà bèy, bìʼ fo m du fo Tàr wór wùn.

Joon 14:28

Vèn lo yù, a m suuy jii, m sí du, a m kfə̀n wíy kfən, a dzə vèsən. A vèn kì koŋ mo rú, bo vèn kì shéʼri shèʼrín mo m kfə́n a dzə̀ fo Tàr wor wo wù kér mó wùn.

Joon 20:17

Jesus suúy shó jii, «Lá à yòʼ a ghar mo, bìʼ fo m yóʼ ne kfə̀n fo Tàr wór wùn. Ku dù duùn, e tiìsí aàfə́r vémé ji m sí kóʼ, e yen a Tàr wor wo dzəə̀n sá Tàr wov. Dzə̀ Nyùy wom, a kfə̀n dzə̀ sá wóov.»