Joon 7:30 - ŊWÀʼ NYÙY

³⁰ Á yú kee shooy, e nèn a tàʼ ji á koó Jesus, a bó yòʼ‑oò dzə̀ á kùm, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:30 Referans Kwoze

Joon 10:39

Wír vìyi nèn kfə̀n tò ji á bámé, wù nèn bìn, la á yòʼ dzəə yèn.

Joon 8:20

Jesus wáa suúy vinyo vìn e ghan se wù‑uù yéʼey wíri é lav cù, aáwune kaárí a dzə̀ é shùu buu fo á yii fó mbàm se Nyùy. A bó yòʼ‑oò dzə̀ wír, wù ghàr wun, bìʼ fo ghán se Nyùy‑iì sìysìn sí yòʼ‑oò ló ne ghèén.

Joon 7:6

Jesus bìnèr jii, «Ghán se dzə̀ m fəə̀sín sí yóʼ ne ghèén, a ghán sidzə̀m si kù dzə̀ sigheénén fo vèn.

Joon 7:32

Wír veé mbìv *Farasii yú mo wíri kfəynìn kinyo kee kùm Jesus kìn, e nèn dù, e sìysì wùn à vitú ve atàá cùu, á túm vé rərí ji á du, e koò á Jesus.

Joon 11:57

A vé‑eè gháynin bèy, bìʼ fo vitú ve atàá cù wùn à wír veé mbìv Farasii‑iì saʼan ne jii, a wìr yèn fo wù dzəə̀n, ŋgaàŋ kù sùúy, aáwune tsə́nsí, aá wàá koó.

Joon 9:4

Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Joon 8:59

Áwune yú kee shooy, e nèn tàyrí tíy ji á yúyri wun sho. Yii bèy, Jesus bìn, e lày, e fəə̀ fó maàndzə lav cù fèy.

Joon 8:37

M kì sá ji vèn dzə̀ rám Abraham. Yii bèy, a vèn kù taʼ ji á yúyrí mo, bìʼ fo kinyo kém kí yòʼ nəə e věn meliv.

Joon 7:19

Mooser yòʼ‑oò lo fò nsər e vèn a? Wìr fo vèn wo wù lem nsər yee shooy dzə̀ la? Vèn kfə́n a tàʼ ji á yúyrí mo fó gha?»

Joon 7:8

Kú a dù ven fó kiŋkàʼ foo fèy, m yòʼ du. Sém see ghán sí yóʼ ne ghèén.»

Ŋwàʼ Luk 22:53

Mò‑oò rə́si dzə́ vèsən é lav cù vishiíy vidzə̀m, la vèn yòʼ kùm mo. Ghán se dzə̀ vèn yiì kinyo si nen ghèén a dzə̀ lèn, a sì ghán se Satan wo wù kér ndzə vitsə̀ʼ sí sáʼá.»

Ŋwàʼ Luk 20:19

Jesus yòv ŋgàn rə̀y, wír ve vé‑eè duŋrì nsər Nyùy wùn à vitú ve atàá cùu kiíy ji wù yòv a dzə̀ á bìʼ áwune, e nèn a tàʼ ji á koó é ghan see shó, e bóo fàn wíri, e màʼtì.

Maak 11:18

Vitú ve atàá cù wùn à wír ve vé‑eè duŋrì nsər Nyùyi yú kinyo kìy, e nèn a tàʼ dzə́ə ye dzə̀ á yùy Jesus sho. A vé‑eè fan fo wù səŋri wíri adzə̀m, bìʼ fo wìr dzə̀m‑eè sí yuúri yéʼéy rə́, kér gháʼ.

Matio 21:46

á nèn a tàʼ ji á koó wun, e bóo màʼtì. A vé‑eè fan a dzə̀ màŋgòŋ wo wù‑uù dzəə̀n fó, bìʼ fo vé‑eè biíme ji Jesus dzə̀ á *ŋgaà ntum Nyùy.

Aysaya 46:10

M lo, m fèr kèʼlo kinyò, e fèr mo kí wíy dù, e mày. Kinyo ki lo, kí wàa jì ji kí wìy a koóy, a mò‑oò yoòyí ne fo yàŋgùʼ. Lóo yooyí, m wàa shìvìr jii, ‹Jì yem kù wíy a tiy fo, a m kér fó wìy yiì kinyo ke m suuyin kidzə̀m.›

Nsùyrì Nyùy 76:10

Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

Joon 10:31

Wíri nèn kfə̀n tàyrí tíy ji á yúyri Jesus sho.

Matio 12:14

Kí gháʼ wír veé Farasi vìy, á nèn fəə̀, e dù, a taŋ mo dzə̀ áwune ghàn, e bóo yuyrí Jesus.