Joon 7:28 - ŊWÀʼ NYÙY

²⁸ A Jesus kù dzəə́ yéʼey wíri é lav cù fèy, wù nèn lò, e shùsín kitávín jii, «A dzə̀ vèn kìíy mo, e kìíy fo m loòn. Yii bèy, a bó m yòʼ dzə̀ fen fo mǒ kitu. Yì‑iì tùm wír wùmòʼ mo, a ŋgaàŋ dzə̀ ŋgaà suuyrú, a bó vèn yòʼ kì wun.

Joon 7:28 Referans Kwoze

Joon 8:42

Jesus bìnèr jii, «A Nyùy kì dzə̀ rú Tàr won, bo vèn ku lò a kòŋ mo, bìʼ fo m dzəə̀n fen, a m lò a dzə̀ fo Nyùy. A bó m yòʼ‑oò wìy fo mǒ kitu. Yì‑iì tùm Nyùy mo.

Joon 8:19

Á ku nèn sàyín jii, «Tàr won wo à yoŋ və̀n dzə̀ feé?» Jesus bìnèr jii, «Vèn yòʼ kì mo m dzəə̀n, a bó vèn yòʼ kì sá Tàr wor. A vèn kì kì mo m dzəə̀n, vèn nèn kìíy sa Tàr wor.»

Joon 8:26

A kì dzə̀ m wàa suúy vinyo vinín, a sayrí vinyo vén. Yii bèy, a m fiʼtì kém kinyo e wír veé ndzə fène a dzə̀ ke mò‑oò yuun fo ŋgaà wo wù‑uù tumen mo, a vinyo və́ ví kù yii dzə́ ve ru ví.»

Joon 8:14

Jesus bìnèr jii, «A fə̀m naarì mo kitú kém, bo kinyo ke m suuy ki dzə̀ rú. M kì fo m loòn, a m kì fo m du, a bó vèn yòʼ kì.

Jeremia 9:6

Á kù sí waʼrì, yúy wíri e séʼ wo á sə́, kuvrì a dzə̀ kiŋkùvrì. Áwune tèn ne fóo binsí mo ji Nyùy.» Suuy Nyùy Tàr.

Joon 17:3

A dzəʼə̀m yee là may rə̀ne dzə̀ jii, wìr kiíy wò, wo kù jòʼsìn wò Nyùy wo rù, e kfə̀n kìíy sa mo woo Jesus Kristu wo wò‑oò tumen é ndzə fèn.

Joon 12:49

Bó m yòʼ fiʼtì kinyo ji fiʼtì mo. M kù fiʼtì kinyo a dzə̀ ke Tàr wor wo wù tumen mo tiisin ji m wáa fìʼtì.

Joon 5:43

M wìy ne lèn, a suúy ji tùm Tàr wor mo, la vèn yòʼ a yuurí kinyo kém gheéy. Vèn lóo yìi yen, a wìr wùmòʼ wíy, a suúy kinyo ji suuy wun, é vèn nèn a yuurí.

Matio 11:27

Jesus nèn kfə̀n sùúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bó yòʼ dzə̀ sá wír, wù kìíy Tàr wor, kù jòʼsì mo woo Wán wùn à wír ve Wàn shoʼtin ji wun din Tàr wov shóo.

1 Joon 5:10

Kí nén a dzə jii, a wìr wày shilív e Wàn Nyùy woo shoon wùn, bo vinyo vee shoon vi wíy a lùm e wùn shiliv ghán sidzə̀m. Wìr wo wù kinèn vinyo vee shoon nén a yòŋ Nyùy ji ŋgaà kimboʼtì, bìʼ fo wù tenen fó biimé kinyo ke Nyùy dìnèn e Wan və́ kitu.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

2 Korin 1:18

Bó yòʼ dzə̀ bey. Mo Nyùy kù yii suuy a dzə̀ kinyo ke ru kí, kù dzə̀ mo kinyo ke vèr suuy e vèn kí dzəə̀n, a vèr yòʼ binbìnè.

Ŋwàʼ woó Rom 3:4

Bó yòʼ dzə̀ wù yiì bey. Mo wír adzə̀me fə̀m dzəə̀n aŋgàa kimboʼtì, Nyùy kù yii tíy a dzə̀ e wùn jì réŋréŋ mo vé‑eè saŋen jii: «Nyùy, à lóo suŋnín, á kù a yu, aà suuy a dzə̀ kinyo ke ru kí. A bó yòʼ dzə̀ wìr tàr kinyo ké, e dìn jay.»

Ŋwàʼ woó Rom 1:28

Mo wíri tenen fó way vifií é vinyò ve ví din rú mo Nyùy dzəə̀n, wù nen màʼtì, vifií vév ví wáa tiy a dzə̀ é liì kisaŋ, á wáa yiì vinyo ve bó ví yoʼ ghèén ji dzə̀ wír, wù wàa yiì.

Lim Aŋgàa Ntum 17:23

Mò‑oo lóo ghan e věn ntèʼ, a leéy virə́ʼ vén vé cù, e dù, e mèé fomóʼó, e yèn, aá sáŋ fó jii, ‹Kirə́ʼ ké nyùy wo bó á yòʼ kiìn.› Nyùy wo vèn sí ghvə́m, a bó á yòʼ kì və̀n, dzə̀ woo shó wo m suuy e vèn lèn.

Joon 17:25

Éè Tàr, kù yii yii wò kinyo kee réŋ, a bó wír veé ndzə fène yòʼ kì wò. Yii bèy, a mò‑oò kìíy ne wò, a wír vém víne kìíy ne rú ji mò‑oò lò ntum a dzə̀ ye.

Joon 16:3

Aá wíy a yiì bèy, bìʼ fo bó á yòʼ kiìn mo, a bó á yòʼ kì sá Tàr wor.

Joon 14:31

Màʼtì mo, bìʼ fo dzəə̀n mo Tàr wor‑iì suuyin ji m yii, é wír veé ndzə adzə̀me fíʼ yen ji m koŋ Tàr wor. Vèsən lo ri lèn, a dù.»

Joon 14:10

Bó à yoʼ biìmé ji kù dzə̀ vèr Tàr wor, a vèr wun dzə̀ ji kitú kimòʼón à? Jí se vèn yú fo mǒ shuù si yòʼ dzə̀ ben ji suuy mo fo mǒ kitu. Yii Tàr wor wo vèr wun dzəə̀n ji kitú kimòʼón, a m lim vinyo a dzə̀ və́.

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

Joon 8:16

A m kì lò ji m wáa sayrí, m kù yèn rú mo kí dzəə̀n, bìʼ fo bó m yòʼ sáyri a dzə̀ fo mǒ vifii, kù dzə̀ vèr Tàr wor wo wù tumen mo.

Joon 5:32

Yii bèy, a wìr wùmòʼ dzə̀ shó wo wù naarì kinyo kém, a m kì ji kinyo ke wù din ki dzə̀ ke ru kí.

Joon 3:33

Yii bèy, a wìr wo wù biíme kù yòʼ din ji kinyo ke Nyùy yii kìn ki dzə̀ ke ru kí,

Joon 3:2

Wù nèn wìy lò vitsə́ʼ vímóʼ ví, e dù, e yèn Jesus, e yòŋ jii, «Ŋgaà Yèʼey, vèr kì ji tùm Nyùy wò ji à wiy, a yeʼéy ver. Bó yòʼ dzə̀ wìr wàa yiì viŋgaʼnìn ve vinyò ve à yii vìn, a bó túm Nyùy ŋgaàŋ.»

Joon 1:46

Nataniar yú, e nèn sèʼér seʼerín jii, «A dzə̀ lùŋfófo wùmòʼ fəə̀ fó Naasarer à?» Filiv bìnèr jii, «Wìy ri, e dù yèn.»

Ŋwàʼ Luk 10:22

Jesus kfə́n a suúy jii, «Tàr wor wày ne vinyo vidzə̀m e mǒ kiwo. A bó yòʼ dzə̀ wìr kìíy mo mo woo Wán dzəə̀n, kù jòʼsì wun woo Tàr. A bo yòʼ dzə̀ sá wìr kìíy Tàr wor və̀n, kù jòʼsì mo woo Wán wùn à wír ve Wàn shoʼtin ji wun din Tàr wov shóo.»

Ŋwàʼ Luk 2:51

Wù nèn lò, wùn áwune kfə́n é Naasarer, wù wáa dzə, a yu áwune kijuujùŋ. Mo vinyo vee shooy vi kooyin bey, yè wov nèn lèm e shiliv, a lò, a kuumé.

Ŋwàʼ Luk 2:39

Joosev wùn Maria siíy, e màysì vinyo vidzə̀m mo nsər Nyùy taʼà, e nèn kfə̀n aáwuné ntèʼ yee Naasarer e mbìv wòŋ yee Galeli.

Ŋwàʼ Luk 2:11

Á dzə̀ə́ ne wán e Fòn Davir ntèʼ é kishiíy ké lán ki, a wù wíy lùŋèr ven, bìʼ fo dzəə̀n *Mfə̀ə́r wo Nyùy‑iì kàʼàn, a dzə̀ wun Taà Ndzə.

Ŋwàʼ Luk 2:4

Joosev nèn lò fo Naasarer e ntèʼ yeé Galeli, e lì Maria wo vé‑eè juùrìn shó, wùn wun wáa dù e mbìv wòŋ yee Juda ji á táŋ á áwune é Betlehem fo vé‑eè dzəən Fòn Davir, bìʼ fo Joosev‑iì dzəə̀n wír woo Fòn Davir ram. Á wáa dù bèy, a Maria kì dzə̀ e bvə́me.

Matio 2:23

a dzə e ntèʼ ye á yoŋ ji Naasarer. A kí‑iì kòóy bey ji kinyo ke *ŋgaà ntum Nyùy wùmòʼ‑oò yiìn ne fìʼtì ki fiʼ ghèén. Wù‑uù fìʼtì jii: «Á wíy a yòŋ *Mfə̀ə́r ji wír woó Naasarer.»

Hosea 5:4

Vinyo ve wíri buʼtì vi shèm ne fo áwune kfə́n é bàm e Nyùy wóv wùn. Shií wo áwune kér fo anyùyi yiì ne, a bó yòʼ dzə̀ á kfə̀n a kiíy Nyùy Tàr.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Jeremia 31:34

Bó wìr yòʼ dzəə́ wìy a yeʼéy wír woo wun ghaŋ, kìn ji fə̀r wáa tir fə́r ji wù kiíy Nyùy Tàr. Áwune wíy kiíy mo wír adzə̀m, à wìr wo kuʼùn, à woo fó tèr. M wíy làysìn ajay vév, e làa yòʼ dzə́ə a kuumé vinyo vév ve bi ví gheéy. Suuy mo woo Nyùy Tàr.»

Nsùyrì Nyùy 9:10

Éè Nyùy Tàr, wír ve kiìn wòo tiir vifií a dzə̀ e wò wùn, bìʼ fo à yoʼ bìn ndzə̀m e wír ve á taʼ wòo.

1 Samuel 2:12

A wón wun woo Elií‑iì dzə̀ wír kisaŋe, a bó á yòʼ‑oò kér shií fo Nyùy Tàr.

Joon 7:14

Vishiíy vé kiŋkàʼ vi jàv e ntìntìn, Jesus nèn nə̀ə́ e *lav cù, a yeʼéy wíri.

Matio 26:55

Jesus suúy bey, e dzə̀r e màŋgòŋ və̀y jii, «Vèn kì wiy ji vèn koó mo, wiy e nyùy sí wùn à vibur vi ben, a m dzə̀ shóŋ a? Mò‑oò rə́si yéʼey wíri é lav cù kishiíy mo kishiíy kí‑iì dzəə̀n, shém ka fo vèn koó mo é ghan see shooy?

Joon 6:42

a kfə̀ynìn jii, «Bó wìr və̀n yòʼ dzə̀ Jesus woo wan Joosev à? Vèsən kì tàr wov wùn yè wov. A dzə̀ wù wàa suúy lèn ji wun wìy a dzə̀ fó yuv é le?»

Joon 9:29

Vèr kì jii, Nyùy‑iì lo sùŋnín wùn Mooser, yii bèy, fo ké wìr və̀n ki, vèr yòʼ kì fo wù loòn.»